TETAP NGGELUH RAS SENINA

Josua 22:1-9

Yosua 22: 1 – 9

Suku-suku yang di seberang Yordan pulang

22:1 Lalu Yosua memanggil orang Ruben, orang Gad dan suku Manasye yang setengah itu,
22:2 dan berkata kepada mereka: “Kamu telah memelihara segala yang diperintahkan kepadamu oleh Musa, hamba TUHAN itu, dan telah mendengarkan perkataanku dalam segala yang kuperintahkan kepadamu.
22:3 Kamu tidak meninggalkan saudara-saudaramu selama waktu ini, sampai sekarang, tetapi kamu setia memelihara perintah TUHAN, Allahmu, kepadamu.
22:4 Tetapi sekarang TUHAN, Allahmu, telah mengaruniakan keamanan kepada saudara-saudaramu, seperti yang dijanjikan-Nya kepada mereka. Oleh sebab itu, pulanglah ke kemahmu, ke tanah milikmu, yang telah diberikan kepadamu oleh Musa, hamba TUHAN itu, di seberang Yordan.
22:5 Hanya, lakukanlah dengan sangat setia perintah dan hukum, yang diperintahkan kepadamu oleh Musa, hamba TUHAN itu, yakni mengasihi TUHAN, Allahmu, hidup menurut segala jalan yang ditunjukkan-Nya, tetap mengikuti perintah-Nya, berpaut pada-Nya dan berbakti kepada-Nya dengan segenap hatimu dan dengan segenap jiwamu.”
22:6 Lalu Yosua memberkati mereka dan melepas mereka pergi. Maka pulanglah mereka ke kemah mereka.
22:7 Kepada suku Manasye yang setengah telah diberikan Musa bagian mereka di Basan; kepada suku yang setengah lagi telah diberikan Yosua bagian mereka di antara saudara-saudara mereka di sebelah barat sungai Yordan. Lagipun ketika Yosua melepas mereka pergi ke kemah mereka, setelah memberkati mereka,
22:8 maka ia berkata kepada mereka, demikian: “Pulanglah ke kemahmu dengan kekayaan yang banyak dan dengan sangat banyak ternak, dengan perak, emas, tembaga, besi dan dengan pakaian yang sangat banyak. Bagilah dengan saudara-saudaramu jarahan yang dari musuhmu itu.”

Suku-suku di seberang Yordan mendirikan mezbah

22:9 Maka pulanglah bani Ruben, bani Gad dan suku Manasye yang setengah itu dan mereka pergi meninggalkan orang Israel, keluar dari Silo di tanah Kanaan untuk pergi ke tanah Gilead, tanah milik mereka yang didiami mereka sesuai dengan titah TUHAN dengan perantaraan Musa.

Josua nuruh suku-suku si arah Timur mulih ku Kanaan

22:1 Kenca bage idilo Josua pulung suku Ruben, Gat, ras Manase Timur.
22:2 Nina man bana kerina, “Enggo ilakokenndu kerina si enggo iperentahken Musa, suruh-suruhen TUHAN e, man bandu, janah enggo ipatuhindu kerina perentahku.
22:3 Kidekah enda sekali pe la pernah itadingkenndu seninandu kalak Israel. Enggo metenget kam ngikuti perentah TUHAN Dibatandu.
22:4 Genduari, sue ras si enggo ipadankenNa man senina-seninandu kalak Israel, TUHAN Dibatandu enggo mereken keamanen. E maka mulihlah kam ku kutandu, taneh si arah Timur Lau Jordan, taneh si ibereken Musa suruh-suruhen TUHAN e man bandu.
22:5 I bas si e arus iingetndu gelah ipatuhindu undang-undang si ipedahken Musa man bandu: kelengilah TUHAN Dibatandu, bahanlah kai si ngena ateNa ikutken pedahNa, erkemalangenlah man baNa, janah pemuliakenlah IA alu bulat ukurndu ras tendindu.”
22:6-8 Isuruh Josua ia kerina mulih ku kutana alu pemasu-masunna janah ipedahina pe ia kerina nina, “Mulihlah kam ku kutandu maba mbue kebayaken: lembu, pirak, emas, tembaga, besi, ras mbue paken. Kai si enggo ibuatndu i bas musuh-musuhndu nari bereken deba man senina-seninandu si sada suku.” Kenca bage berkat ia kerina mulih ku kutana.

Musa enggo mereken taneh i Timur Lau Jordan man setengah suku Manase, tapi man si setengah nari enggo ibereken Josua arah Barat Lau Jordan, radu ras suku-suku si deban.

22:9 E maka mulih kalak Ruben, Gat, ras Manase Timur ku kutana. Itadingkenna bangsa Israel si debanna i Silo i taneh Kanaan janah mulai berkat ku tanehna Gileat, si enggo jadi sikerajangenna sue ras si enggo ipedahken TUHAN arah Musa.

(Kesetiaan)

MODEL PJJ: BUDAYA

KATA PERLEBE :

Kata senina isusun ibas 2 suku kata e me: se ras nina, se = yang, sama, satu: nina= kata, cakap ntah pendapat. Senina ertina e mekap kalak si sada pendapat (sependapat, sepaham, seia sekata). Senina enda me kalak si sada cakapta seri pendapatta. I bas kata senina enda i bas kalak Karo lit erdandanken sembuyak (iketen dareh) seri merganta ras erdandanken perjabun. Kalak si ersenina tentuna lit hubungen si mehuli, harmonis, ersada arih, sikeleng-kelengen muat si mehuli. E maka reh teremna si ersenina reh riahna nge i bas kegeluhen enda.

ISI :

Kitab Josua e me lanjuten/ terusen sejarah Pentateukh. Kitab enda nuriken kerna Dibata si setia nehi padanNa. I bas kesetian Dibata e, adina manusia erdosa maka isehkenNa nge ukumenNa tapi kalak si nggeluh i bas erkiniteken man Tuhan, si jera dingen mperobahi lagu langkahna tetap ikelengi dingen ipasu-pasuNa. I bas Kitab enda pe ipetangkas perkuah ate Dibata si mereken Taneh Kanaan man Bangsa Israel alu mereken kemenangen man bangsa e i bas peperangen.

I bas oratenta enda ilebuh Josua gelah pulung Suku Ruben, Gad ras Manasye. Suku enda ringan i Timur lau Jordan. Taneh Jaser ras Gileat tuhu-tuhu mehuli guna ngasuhi lembu. I pindona man Musa gelah ia tading ije. Erjabab Musa nina : Uga? Atendu ringan tetap i jenda sedang senina-seninandu lawes erperang? (Bil. 32:1-6). I bas Kitab Josua 1: 10-15 i je ituriken maka 3 suku enda nadingken kutana i Lau Jordan arah Timur guna nampati seninana ngkuasai daerah Lau Jordan Arah Barat. Kerina anggota suku-suku enda e me tentara si terlatih.  Ia erperang nandangi sekelewetna gelah teneng ras aman seninana. Iperdiateken Josua maka suku-suku enda tetap patuh man Dibata i bas ndahiken dahinna (ay. 2, 3 ras 5). I bas ayat 2 alu kata-kata: Enggo ilakokenndu kerina si enggo iperentahken Musa. Ayat 3: Enggo metenget kam ngikuti perentah Tuhan. Ayat 5: I bas si e arus iingetndu gelah ipatuhindu undang-undang siipedahken Musa man bandu.

Kepatuhen Suku Ruben, Gad ras Manasye nandangi Dibata, mahanca suku enda labo ngukuri dirina jine, tapi iukurina pe keamanen senina-seninana. Njagai wilayah Silo i Taneh Kanaan alu mehuli, e maka kerina wilayah e aman. Jarahen si idatkenna pe cukup guna ipakeken ras-ras senina-seninana tep-tep kali ia menang erperang. Tuhu-tuhu perjuangen suku-suku enda kerina ncidahken tanggung jababna i bas dahin si enggo iendesken man bana.

Kenca wilayah e aman, e maka nina Josua gelah suku-suku e mulih taneh si arah timur Sungai Jordan, taneh siibereken Musa man bana. Nina Josua man suku si telu gelah tetap setia dingen patuh man Dibata.  Si teridah i bas:

1. Engkelengi Tuhan Dibata.
2. Erbahan bagi si ngena ate Dibata.
3. Ngikutken pedah Dibata.
4. Mpermuliaken Dibata alu bulat ukur ras tendi.

Kenca taneh arah Barat Lau Jordan enggo tuhu-tuhu ikuasai ras aman, mulih me 3 suku enda ku tanehna Gileat alu maba mbue kebayaken, si deban enggo iberekenna man seninana si sada sukuna. Kepe asum ia nggeluh ras senina-seninana labo itahanna si lit bas ia, tapi ipakena ras-ras alu meriah ukur.  Pengangkan Padan si Ndekah kerna taneh e me Dibata empuna, ibereken (ikaruniaken/ pemere) Dibata gelah manusia makekenca guna keperlun geluhna. E maka taneh pusaka nini-nini Bangsa Israel labo banci idayaken tapi ipakeken terus ku kesusurenna (Bdk. Jos. 14: 1-2; 18: 1-10).

PENGKENAINA :

Tetap nggeluh ras senina e me tema Perpulungen Jabu-Jabunta. Senina tandana sada cakapta, tuhu melala penggelaren i bas budayanta tegun Senina. Sembuyak, Sepemeren, Separibanen, Sepengalon, Sendalanen ras tambahna e me senina ras turang i bas Jesus Kristus. Gelah payo perseninan e arus ibenaken lebe alu hubungen si mehuli ras Dibata segelahna hubungen sapih-sapih manusia pe sikap. Terlebih nggeluh ras senina arus ipalasi alu keleng ate Tuhan, e maka i bas kekurangen ras kelebihen seninanta la erbahanca kita la siangkan. I bas Masmur 133: 1 isuratken “Andiko ulina ras senangna, adi kalak si ersenina sada perarih!” kalak si natapsa pe meriah ukurna, si ngenanamisa pe malem atena.

Itengah-tengah kegeluhen gereja, e me perpulungen enda kita kerina enggo erturang ras ersenina. E maka amin gia enterem tapi sada tujun guna mpermuliaken Tuhan. Setia man Dibata mahanca kerina anggota perpulungen setia subuk itengah-tengah jabu, biakna terteki janah ngena atena kebersamaan.

DISKUSI :

1. Hal-hal kai nge si erbanca gelah meriah hubungen si erturang ras ersenina? Turiken pengalamenndu.
2. Kai nge tole si atendu ilakokenndu ku bas wari-wari si reh enda ncidahkenca maka meriah hubungenndu erturang ras ersenina (aksi guna ilakoken).

USULEN ENDE-ENDEN: :

1. Dalam Yesus Kita Bersaudara
2. KEE GBKP No. 257: 1-3
3. KEE GBKP No. 460: 1-2
4. KEE GBKP No.272: 1-3

DAFTAR BACAAN :

1. Pustaka Si Badia
2. Tafsiran Alkitab Masa Kini 1 (Kejadian-Ester)
3. Theologia Perjanjian Lama
4. Bunga Rampai Teologi Perjanjian Lama
5. Etika Kristen (Sosial Ekonomi)

 Pdt. Kristiani F. Br. Tarigan, M. Th

HP/WA: 082165255763