Jadilah Mbisa
( Nehemia 4 : 11 – 15 )
4:11 Tetapi lawan-lawan kami berpikir: “Mereka tidak akan tahu dan tidak akan melihat apa-apa, sampai kita ada di antara mereka, membunuh mereka dan menghentikan pekerjaan itu.”
4:12 Ketika orang-orang Yahudi yang tinggal dekat mereka sudah sepuluh kali datang memperingatkan kami: “Mereka akan menyerang kita dari segala tempat tinggal mereka,”
4:13 maka aku tempatkan rakyat menurut kaum keluarganya dengan pedang, tombak dan panah di bagian-bagian yang paling rendah dari tempat itu, di belakang tembok, di tempat-tempat yang terbuka.
4:14 Kuamati semuanya, lalu bangun berdiri dan berkata kepada para pemuka dan para penguasa dan kepada orang-orang yang lain: “Jangan kamu takut terhadap mereka! Ingatlah kepada Tuhan yang maha besar dan dahsyat dan berperanglah untuk saudara-saudaramu, untuk anak-anak lelaki dan anak-anak perempuanmu, untuk isterimu dan rumahmu.”
4:15 Ketika didengar musuh kami, bahwa rencana mereka sudah kami ketahui dan bahwa Allah telah menggagalkannya, maka dapatlah kami semua kembali ke tembok, masing-masing ke pekerjaannya.
Pantang menyerah! Enda sada belas-belas simegati sikataken i bas paksa erjuang. Kata e ndai ngataken man banta maka i bas kegeluhen enda, i bas dampar kai pe ula menukah nerah. Adi kalak menukah nerah la banci lang mesera kal nehi sura-surana. Emaka perlu kal metenget nandangi tantangen subuk i bas persadan perjuangen e nari ntah pe i bas idarat persadan e nari. Kepeken ibas tep-tep usaha ras perjuangen lit rusur kalak si ersura-sura ngerontangi ntah pe mapas nandangi kalak lemah, meriah akapna dikune la jadi sinisuraken e ras siidahiken kalak sideban. Ibas sienda perlu kal metenget gelah la rukrak kiniersadan arih ibas perjuangen e, subuk ibas jabu, perpulungen ras masyarakat.
Bagenda me Nehemia si mimpin kalak Jahudi si nggo mulih i pembuangen nari guna mpehuli tembok Jesusalem si enggo runtuh. Nehemia eme sekalak Israel si ringan ipembuangen i Persia, ia erdahin ngelai raja Artaserses sebage juru minum raja, banci pe ikataken orang kepercayaan ras ndeher ras raja. Surasurana mpekena mulihi tembok Jerusalem iturikenna man raja bagepe kenca mulih i ku Jerusalem ikatakenna man kalak Israel. Ersada kal arih bangsa e guna mbangun kutana tapi ibas dampar sideban kepeken lit kalak si nguru-nguru semangat ras kiniersadan bangsa e, ngatakenca maka labo lit gegehna guna majekken tembok. Si nguru-nguru e eme si Sanbalat, Tobia ras kalak Arab, kalak Amon bagepe kalak Asdot. Terdauhen pe ituduhna maka bangsa e ngelawan raja. Tapi kedungenna kem dingen sinik kalak enda erkiteken la seh kai siikatakenna e. Ngkai maka banci berhasil kalak Jahudi erkiteken lit biak pemimpin ije. Pemimpin si mabai bangsa e eme pemimpin mbisa. Kuga kin ikataken pemimpin si mbisa? Mbisa labo ban la mempan itakil ntah itembak, mbiar kalak man bana, melala duitna ntah pe nterem pendukungna. Mbisa la terjeng megegeh, jago ntah pe perpang saja tapi lebih asa sie, erkuasa dingen la tertaluken sabab kebenaren, kebujuren, keadilen si ngokoi ia. Sienda teridah arah biak Nehemia :
• Ia sekalak pemimpin, banci jadi usihen ras ikuten, ngasup mabai ras memotivasi, beluh ia nuriken ukurna ras sura-surana man kalak sinterem.
• Ia pemimpin si visioner eme rukur kerna masa depan kalak sinterem eme kalak Jahudi, dingen ietehna kuga nehi surasurana, la menukah nerah :
• Mbelin kal rasa “nasionalisna”, ngkelengi bangsa ras negaranana. Emaka rukur ia kai si banci ibahanna nandangi bangsana. Perukurenna e iturikenna man siiakapna banci ndung sura-surana e.
• Ia sekalak si tutus ras erdahin alu mehuli, ndeher ras banci erteman ras ise pe. Ketutusenna e teridah arah kengasupenna ertahan ibas erbage tantangen sabab la sitik si atena nggagalken dahin siidahikenna.
• Meteruk rukur, la nikapken erbage-bage keperlun keluargana janah si jadi hakna e pe la ibuatna guna mpenahangi baban kalak sinterem janah mbangun negerina.
• Nggit ras pang nadingken kenyamanenna ( zona nyamannya) guna bangsana, la ia ndarami keuntungen guna dirina jine, nggit mbangun bangsana.
Arah piga-piga siituriken e ndai, sijadi perenungen man banta, banci nge kita ikataken kalak si mbisa? Guna muat bagin mbangun negerinta enda gelah reh ulina, maka kerina kalak arus nggit muat bagin ibas mbangun ‘tembok e’. Guna mbentengi kegeluhen bangsanta arah serangen kejahaten ntah pe “pinakit” sosial si banci ngeruntuhken negaranta enda subuk kiniulin ras masa depan anakanakta. Emaka perlu kal kalak simbisa guna mbangun negerinta enda gelah reh ulina. Sabab la lit perjuangen si la jumpa perbeben, persoalen, kitik belinna persoalen pasti turah janah labo erkiteken kitik persoalen e maka talu tapi kengasupen ngalaken tantangen e.
Ibas mbangun bangsa Indonesia ibas paksa si genduari e pe melala tantangen emaka perlu kal semangat kiniersadan siibangun. Siwah pe pande kudin sada pande kahkah talu nge pande kudin ndai. Pemimpin perlu mpersadaken semangat ibas perpulungen gelah nggeluh la erbana-bana. Geluhna ras jabuna la jadi beban man kalak sinterem. Tapi jadi usihen dingen jadi idola. Jadi mbisa enda la terjeng gegeh, hebat tapi biak ntah pe karakterna jadi mbisa. Perlu kal sekalak ‘tokoh’ siman usihen, teladan ibas erjuang gelah tetap lit si memotivasi ras mpersadaken kalak sinterem guna nehi tujun e, lit komando si man beginken. Jadilah kalak Kristen si mbisa dingen buat baginta mbangun negerinta enda. Merdeka!!!.
EVALUASI :
Kuga ulih aksita ibas minggu si enggo lepas?
DISKUSI :
1. Turiken biak-biak si Nehemia si lit ibas kam janah kuga pendalankenndu sedekah enda ibas ngisi kemerdekaan.
2. Kai tantangen si jumpaindu jadi kalak simbisa dingen kuga ka carana ngatasisa?
AKSI :
Persada arih ibas PJJ guna mekena-kena si man pekenan ibas inganta tading.
USULEN LAGU :
1. KEE GBKP NO : 94:1-2
2. KEE GBKP NO : 99: 4
3. KEE GBKP NO : 309:1-3
4. KEE GBKP NO : 212 : 1, 2, 5
TOPIK PERTOTON SYAFAAT :
1. Gelah warga GBKP tetap ngisi kemerdekaan alu mehuli.
2. Pemerintahenta gelah tetap ngaturken rayatna rikutken surasura Dibata.
3. Siturah ibas perpulungen.
Pdt. Suenita Br Sinulingga, M.Th