Kerina Tinepa Dibata, Pujilah Tuhan
( Masmur 104 : 1 – 9 )
Kebesaran TUHAN dalam segala ciptaan-Nya
104:1 Pujilah TUHAN, hai jiwaku! TUHAN, Allahku, Engkau sangat besar! Engkau yang berpakaian keagungan dan semarak,
104:2 yang berselimutkan terang seperti kain, yang membentangkan langit seperti tenda,
104:3 yang mendirikan kamar-kamar loteng-Mu di air, yang menjadikan awan-awan sebagai kendaraan-Mu, yang bergerak di atas sayap angin,
104:4 yang membuat angin sebagai suruhan-suruhan-Mu, dan api yang menyala sebagai pelayan-pelayan-Mu,
104:5 yang telah mendasarkan bumi di atas tumpuannya, sehingga takkan goyang untuk seterusnya dan selamanya.
104:6 Dengan samudera raya Engkau telah menyelubunginya; air telah naik melampaui gunung-gunung.
104:7 Terhadap hardik-Mu air itu melarikan diri, lari kebingungan terhadap suara guntur-Mu,
104:8 naik gunung, turun lembah ke tempat yang Kautetapkan bagi mereka.
104:9 Batas Kautentukan, takkan mereka lewati, takkan kembali mereka menyelubungi bumi.
Dibata nepa doni enda dem alu kiniulin. ItamakenNa kerina ibas inganna tudu rencana si mehuli. Kerina tinepa sada ras si debanna nggeluh ras-ras, kerinana guna kerinana. Labo banci sada nggeluh ngelasamken si debanna sabab kegeluhen sikawiten erdandanken kita sada doni. Manusia isuruh Dibata guna njagai ras pekena-kena doni enda. Seh asa genduari dahin enda langa pernah ibatalken Dibata. Emaka tanda manusia erkemalangen man Dibata maka sada bagin dahinna eme uga kerina tinepa Dibata enda tetap mehuli si encidahken kemulian sinepasa.
Ipuji ras ipermuliaken Pemasmur Dibata sieruisken kiniulin ras kemulian. Dibata siermulia e icabini terang siersinalsal. Ertina maka kerina perbahanen Dibata mehuli janah mbaba keriahen ras kemalemen ate. IkimbangkenNa langit desken kemah. Enda maba tenah si menarik man banta. Kita nggeluh iteruh sada langit siigambarken ijenda desken iteruh sada kemah. Adi kita nggeluh iteruh sada kemah enda desken kita nggeluh sada rumah. Kata “ekumene” rehna ibas kata “oikos ras mene,” si ertina tading ibas sada rumah. Pengertin “ekumene” genduari lanai terjeng persadanta sada kiniteken tapi persadan ras kerina tinepa Dibata i doni enda sabab labo tersirangken kita ras tinepa sidebanna. Emaka adi sicedai sada tinepa si deban, mahan bana kegeluhenta pe ikut ceda. Adi sipehuli kerina tinepa Dibata alu harmonis ras seimbang maka kegeluhenta pe ikut mehuli.
I babo lau si idas ipajekkenNdu RumahNdu. Enda sada ende-enden erpalasken pengangkan ibas paksa sie. Pengertin paksa sie maka i babo langit eme sinigelari lau si idas (Kejadin 1:6-7) ipajekken Dibata RumahNa. Emaka gelgel nari silebuh Dibata si isurga. Surga ertina ibas cakap Heber eme “langit.” Kerina tinepa Dibata enda jadi perkakas Dibata ipake ras iteruh kuasa Dibata; embun, angin, kilap, lau. Ertina maka doni ras kerina isina Dibata si ngaturkenca alu mehuli janah kerina encidahken kemulian Dibata.
Uga kecibal kerina tinepa Dibata genduari? Nina Emil Salim mantan Menteri Lingkungen Hidup. Maka tinepa Dibata inganta tading enda enggo mekelek cedana. Cedana simekelek enda erkiteken perbahanen manusia. Perbahanen manusia enda banci erkiteken kerangapen bage pe banci erkiteken salah kebijaken. Contohna salah sada eme “Pola pembangunan Konvensional.” Eme ija sipaling penting ije tujunna eme ndatken keuntungen, alu la mperdiatken dampak lingkungenna. Pembangunen si iban la ngukurken cedana keterkawiten kegeluhen enda sada ras sidenanna (“ekosistem”). Emaka kinatana genduari melala sinuansinuan si enggo napnap, rubia-rubia si enggo masap sinursurna, ngeraja lau, lau si megembur (“tercemar”). Enggo 393 sinuansinuan si menam napnap. Menaken tahun 1900, lebih 400 rubiarubia masap sinursurna; 69 rubia sipepinemken anak (“mamalia”) , 80 perik, 24 rubia si njoler (“reptil”), 146 nggeluh dua doni (“amfibi”) ras 158 jenis nurung.
Bagi saringtangtang ndabuh ku namo, bage me maun siakap kerina kai silakoken. La tempa lit gunana icakapken enda ibas PJJ. Emaka lit nge reh surat masuken ibas ngawanta, lanai padah cakapken kerna “lingkungen hidup.” Atena cakapken soal Surga saja. Padahal salah sada dahinta njadiken doni jadi Surga. Ertina jadi peraten Dibata ibas doni enda. Salah sada peratenNa eme uga kita mpekena-kena doni enda. Emaka si ubah caranta rukur, anem gia saringtangtang tapi adi radu ras kita kerina ndahikenca maka pasti lit gunana. Umpamana radu nuan sada batang kayu saja kerina warga GBKP enda maka enggo lebih telu ratus ribu minter tersuan. Entah radu ras kita kerina gotong royong mbersihken lingkungenta maka minter teridah ulihna. Enda ula min terjeng si cakapken. Arus kita tetap erkomitmen jadi aron Dibata maba pasupasu man doni enda bagi tema tahun pelayanenta tahun 2016 si lewat.
EVALUASI :
Uga kerna aksita minggu si lewat, lit nge kita ndalankenca? Kai kesulitenna? Teruskenlah ndalankenca.
DISKUSI :
1. Adi si nen genduari doni inganta tading enda, jadi pujin ras kemulian Dibata denga nge kecibalna?
2. Kai nge siakap si perlu si lakoken ras-ras pekena lingkungenta ?
AKSI :
Ibas sada Minggu enda si ban sada aksita ras-ras. Entah nuan bunga, kayu entah mbersihken lingkungenta entah gerejanta. Tetapkenlah wari ras jamna. Sikapken lau inemen gelah teridah ketutusen ateta. Erlajar kita setia ndalankenca.
USULEN LAGU :
1. KEE GBKP NO: 263:1-2
2. KEE GBKP NO: 262:1-2
3. KEE GBKP NO: 263:1-2
4. KEE GBKP NO: 212:1-2
TOPIK PERTOTON SYAFAAT :
1. Gelah ipake Dibata GBKP jadi pasu-pasu man doni enda arah kerina ngawan-ngawanna.
2. Gelah banci kerina ngawan perpulungen engkelengi ras mpekena-kena tinepa Dibata si lit isekelewetta.
3. Siturah i bas perpulungen.
Pdt. Yunus Bangun, M.Th