DIBATA KAP PEMBEBAS

Keluaren 6:2-13

Keluaran 6: 2 – 13

Pengutusan Musa

6:2 (6-1) Selanjutnya berfirmanlah Allah kepada Musa: “Akulah TUHAN.
6:3 (6-2) Aku telah menampakkan diri kepada Abraham, Ishak dan Yakub sebagai Allah Yang Mahakuasa, tetapi dengan nama-Ku TUHAN Aku belum menyatakan diri.
6:4 (6-3) Bukan saja Aku telah mengadakan perjanjian-Ku dengan mereka untuk memberikan kepada mereka tanah Kanaan, tempat mereka tinggal sebagai orang asing,
6:5 (6-4) tetapi Aku sudah mendengar juga erang orang Israel yang telah diperbudak oleh orang Mesir, dan Aku ingat kepada perjanjian-Ku.
6:6 (6-5) Sebab itu katakanlah kepada orang Israel: Akulah TUHAN, Aku akan membebaskan kamu dari kerja paksa orang Mesir, melepaskan kamu dari perbudakan mereka dan menebus kamu dengan tangan yang teracung dan dengan hukuman-hukuman yang berat.
6:7 (6-6) Aku akan mengangkat kamu menjadi umat-Ku dan Aku akan menjadi Allahmu, supaya kamu mengetahui, bahwa Akulah, TUHAN, Allahmu, yang membebaskan kamu dari kerja paksa orang Mesir.
6:8 (6-7) Dan Aku akan membawa kamu ke negeri yang dengan sumpah telah Kujanjikan memberikannya kepada Abraham, Ishak dan Yakub, dan Aku akan memberikannya kepadamu untuk menjadi milikmu; Akulah TUHAN.”
6:9 (6-8) Lalu Musa mengatakan demikian kepada orang Israel, tetapi mereka tidak mendengarkan Musa karena mereka putus asa dan karena perbudakan yang berat itu. 6:10 (6-9) Kemudian TUHAN berfirman kepada Musa:
6:11 (6-10) “Pergilah menghadap, katakanlah kepada Firaun, raja Mesir, bahwa ia harus membiarkan orang Israel pergi dari negerinya.”
6:12 (6-11) Tetapi Musa berkata di hadapan TUHAN: “Orang Israel sendiri tidak mendengarkan aku, bagaimanakah mungkin Firaun akan mendengarkan aku, aku seorang yang tidak petah lidahnya!”
6:13 (6-12) Demikianlah TUHAN telah berfirman kepada Musa dan Harun, serta mengutus mereka kepada orang Israel dan kepada Firaun, raja Mesir, dengan membawa perintah supaya orang Israel dibawa keluar dari Mesir.

Dibata nuruh Musa

6:2 Ngerana Dibata man Musa nina, “Aku kap TUHAN.
6:3 Aku enggo encidahken bana man Abraham, man Isak ras man Jakup maka Aku me Dibata si Erkuasa, tapi la Kupetandaken diringKu man bana alu gelarKu si Badia; TUHAN.
6:4 Kubahan pe sada padan ras ia i ja Kupadanken mereken taneh Kanaan man bana; nai ia enggo ringan i je bagi kalak pertandang.
6:5 Genduari enggo Kubegi penderkuh kalak Israel, si enggo iperbudak kalak Mesir, janah enggo Kuinget padanKu ndube.
6:6 Erkiteken si e turikenlah katangKu enda man kalak Israel: Aku kap TUHAN; Kuselamatken ateKu kam janah Kubebasken kam i bas perbudaken kalak Mesir nari. Kudadaken tanKu si megegeh nehken ukumen si mesangat man bana, janah Kuselamatken kam.
6:7 Kujadiken kam jadi bangsangKu janah Aku jadi Dibatandu. Itandaindu nge pagi maka Aku kap TUHAN Dibatandu, kenca Kubebasken kam i bas perbudaken i taneh Mesir nari.
6:8 Kutaruhken ateKu kam ku taneh si enggo Kupadanken man Abraham, Isak ras Jakup; janah Kubereken denggo taneh e jadi sikerajangenndu. Aku kap TUHAN.”
6:9 Ituriken Musa si enda man bangsa Israel, tapi la ibegikenna ia, sabap enggo bene ukurna ibahan perbudaken si kejam e.

6:10 E maka nina TUHAN man Musa,
6:11 “Laweslah, kataken man raja Mesir maka la banci la iberena bangsa Israel nadingken negeri e.”

6:12 Tapi nina Musa erjabap, “Bangsa Israel pe la nggit megiken aku, apai denga ka raja? Aku tuhu-tuhu kalak si la beluh ngerana.”

6:13 Jenari iperentahken TUHAN si Musa ras Harun nina, “Kataken man bangsa Israel ras man raja Mesir maka enggo Kusuruh kam mabai bangsa Israel ndarat i negeri Mesir nari.”

(Hari Ulang Tahun Republik Indonesia)

MODEL PJJ: PUJIAN KATA PERLEBE

Bulan Agustus e me bulan bersejarah man bangsa Indonesia. Tepatna tanggal 17 Agustus, siperingeti me Wari Ulang Tahun Republik Indonesia (HUT RI) pe-81 tahunken. Enggo 81 tahun kita merdeka, bebas i bas penjajahan nari. E maka setiap tanggal 17 Agustus tetap igaungken kata Merdeka, Merdeka, Merdeka! Kata enda jadi slogan siencidahken keriahen ukurta erkiteken kita enggo bebas i bas penjajahen nari. Labo erkiteken gegehta, labo erkiteken pentar ta, tapi tek kita kemerdekan e rehna i bas Dibata nari, sabap Dibata Kap Pembebas. Enda me si jadi tema man banta: “Dibata Kap Pembebas”. Arah PJJ ta Minggu enda, ibabai kita ku bas sada perenungen Dibata Kap Pembebas, si enggo mereken kemerdekan man banta. Siresponlah kemerdekan e alu mehuli, sabab megati denga sadar entah la sadar kita melala denga kal bentuk-bentuk keterjajahen siterjadi i bas negaranta Indonesia enda. Guna si e iperlengkapi me kita alu Kata Dibata sijadi bahan oratenta paksa enda.

ISI

Kitab Keluaren nuriken kerna dua peristiwa penting i bas sejarah bangsa Israel. Sipemena: Peristiwa bangsa Israel ndarat i bas Mesir nari alu kuasa Dibata ngepari Lawit Merah. Sipeduaken: Kejadin i Deleng Sinai, ija Dibata mereken sepuluh Pedah Dibata ras aturen-aturen si debanna man bangsa Israel arah Musa.

Bahan PJJ ta enda eme lanjuten arah Kejadin 5 ija Musa putus asa, jungut-jungut ia man Tuhan, sabap i bas perukurenna Dibata la nampati bangsaNa iteruh perbudaken bangsa Mesir. Kedungenna Dibata erpadan man Musa niNa: “Aku kap TUHAN” (YHWH) gelar Dibata si Badia, tujun Dibata guna mpeteguhi Musa maka Dibata e me Dibata sierkuasa ras encikep padanNa jine, dingen nehisa. Dibata e enggo ncidahken baNa man Abraham, Ishak, ras Jakup, tapi la ipetandakenNa diriNa man bana alu gelar si Badia; TUHAN. Ia mpetandaken diriNa selaku Dibata simeganjangna (El Shaddai). El e me salah sada gelar si semal kal nandangi dibata i bas kalak Kanaan. El labo terjeng dibata, tapi Dibata simerentah kerina dibata-dibata si deban. I bas Padan Sindekah, gelar e merujuk ku Dibata Israel, si enggo erpadan ndube mereken taneh Kanaan man bangsa e, janah Dibata enggo megiken penderkuh bangsa Israel. Sienda arus inget Musa alu payo maka Dibata enggo erpadan guna nehisa, janah e labo ilupaken Dibata, inget Dibata e.

E maka isuruh Dibata Musa nuriken kataNa man bangsa Israel. Ayat 6-8 eme padan keselamaten simpeturah pengarapen janah namaken palas kiniteken simbaru man bangsa Israel. Padan Dibata enda ncidahken maka ate Dibata nelamatken ras mbebasken bangsaNa i bas perbudaken bangsa Mesir nari. Kata “Mbebasken” ertina Dibata me simpekena-kena bangsana ras ngkawalisa. Dibata labo mpediat bangsa sikelengiNa e iperbudak. Ate Dibata nehken ukumen simesangat man bangsa Mesir, janah nelamatken bangsa Israel. Dibata njadiken bangsa Israel jadi bangsaNa, janah Dibata e jadi Dibatana. Itandai bangsa e me pagi Dibata e sue bagi gelarNa AKU kap TUHAN alu makna maka Dibata ije ras bertindak. Sie pagi teridah man bangsa e kenca Dibata mbebasken ia i bas perbudaken taneh Mesir nari. Alu campur tangan Dibata, itaruhkenNa me bangsa e ku taneh sienggo ipadankenNa man Abraham, Ishak ras Jakup, janah mereken taneh e jadi sikerajangenna. Ituriken Musa kata enda man bangsa Israel tapi la ibegiken bangsa e sabap enggo bene ukurna ibahan perbudaken si kejam e. Erkiteken situasi sinihadapi bangsa e bene ukurna, nggo apatis e me sikap si la peduli, kurang minat ras motivasi bage pe lanai ia tek maka lit kap Dibata simbebasken. Jenari iperentahken Tuhan Musa ras Harun guna ngatakan man bangsa Israel bage pe man raja Mesir maka Tuhan enggo nuruh Musa guna mabai bangsa Israel ndarat i bas Mesir nari. Ngatakenca maka kai sienggo ikataken Tuhan e tuhu janah jadi me ras sekaligus e, perentah man Musa ras Harun guna ndungi misi e.

PENGKENAINA

Peringeten Hari Ulang Tahun kemerdekan Republik Indonesia pe-81 ken, ermakna simbages nandangi bangsa Indonesia terlebih man banta kalak sierkiniteken. Sabab ngerebut kemerdekan e, perjuangen singgedang i bas ngelawan penjajah. Erpalasken KBBI kemerdekan adalah sebuah kebebasan, lepas, tidak mendapat tekanan dari luar, tidak terjajah. Sejarah Kemerdekan ngajarken kita maka seh kel ergana kemerdekan e. Tek kita maka Dibata Kap Pembebas sienggo mbebasken bangsa Indonesia i bas tabanen penjajah nari, sabab Dibata labo erngena ate kune bangsana e ijajah ras iperbudak.

Dibata kap sienggo mpekena-kena ras engkawali bangsa Indonesia i bas ngerebut kemerdekan e, bagi Dibata mbebasken bangsa Israel i Mesir nari. Bage me Dibata e bertindak lako mbebasken bangsa Indonesia i bas penjajahan nari, dingen naruhken kita ku bas kemerdekan e seh asa genduari. Bagi Dibata erdahin erkelangken Musa ras Harun, bage ka Dibata erdahin arah pahlawan-pahlawan, generasi siarah lebe sierjuang guna ngerebut kemerdekan, ras mabai kita ku kemerdekan e. Ipetaruhkenna kesahna guna ngerebut kemerdekan i bas tabanen penjajah nari.

Megati la kita sadar maka enggo gia kita merdeka i bas bangsa asing nari, tapi kita nggeluh denga i bas keterjajahen jaman sigenduari enda. Keterjajahen i bas piga-piga isu terkait ku bas masalah ketidaksetaraan gender, diskriminasi i bas konteks suku ras bage pe agama, penakit sosial, ras Teknologi Informasi sitersebar luas. Lit telu semboyan kebajikan nasional siberhubungen ras kemerdekan e me ngrebut kemerdekan, mpertahanken kemerdekan, bage pe mengisi kemerdekan. Faktana diberu megati ngalami diskriminasi i bas kesenjangen gaji ras karir, bahkan rawan i bas pelecehan ras kekerasan seksual. Erbage persoalan diskriminasi i bas kegeluhen masyarakat alu litna konflk bernuansa ras, etnis, berbasis agama ras kepercayaan simpeturah kasus kerusuhan. Penutupan gereja secara paksa, pelarangan pembangunan rumah ibadah dan pembakaran gereja jadi contoh tindakan simelanggar hak kebebasan beragama. Penakit sosial e me Miras, Penyalahgunaan Narkotika, perkelahian Antar Pelajar, Pornografi, Judi, Premanisme, pergaulan Bebas sidampakna merugikan subuk secara individu, masyarakat bage pe negara, simpeturah kiniseran. I bas era digital enda, teknologi informasi serba cepat ras instan. I bas tekanen trend tertentu i bas Media Sosial terjadi cyberbullying (penyebaran kebencian), terlalu bebas i bas berkomentar secara massive sisifatna menghakimi. Sie kerina jadi erkiteken kurangna kontrol diri ras litna tekanan sosial simemicu guna ndatken popularitas seh maka mbue beredar postingan kontroversial si viral alu istilah FYP (For Your Page). Ula kita nggit ndabuh ku bas keterjajahan sigenduari enda, kalak Kristen idilo guna nehken pembebasen idur Dibata nari nandangi doni. Tetaplah ukurta, lako maba pembebasen e, ipengasupNa ras ikawaliNa kita lako nehken pembebasen e.

DISKUSI :

1. Menurutta, kai nge siidah bentuk keterjajahen si lit denga terjadi i bas kita? Mari situriken!
2. Uga nge sedekah enda usahanta guna mbebasken diri arah keterjajahen e nari?

USULEN ENDE-ENDEN:

1. KEE GBKP 201 : 1, 3 Malem Ate Tuhu-tuhu
2. KEE GBKP 334 : 1-2 Tuhan kap si empuna geluhta
3. KEE GBKP 339 : 1-3 Wari enda wari badia
4. KEE GBKP 354 : 1-3 Kam si mbelin

DAFTAR BACAAN :

1. Alkitab Edisi Studi, LAI, Jakarta, 2021
2. Nicodemus & Andreas Jimmi, Student scientific Ceativity Journal (SSCJ) Volume 1 : “Jejak-jejak Pengutusan Musa Membebaskan Bangsa Israel Dari Perbudakan Mesir (Keluaran 6:1-12), 2006

3. Diane Bergant, CSA, Robert j. Karris, Tafsir Alkitab Perjanjian Lama, Lembaga Biblika Indonesia, Kanisius: Yogyakarta
4. Muhammad Toto Nugroho, Lailatul Istiqomah, Dkk, Generasi Digital Jiwa Berkarakter Pendidikan Masa Kini : “Membentuk Generasi Cerdas Teknologi Dengan Nilai-nilai Kemanusiaan”, Karya Bakti Makmur (KBM) Indonesia Anggota IKAPI, Yogjakarta, 2025
5. Hesti Armiwulan, Diskriminasi Rasial dan Etnis sebagai Persoalan Hukum dan Hak Asasi Manusia

Pdt. Anisa Oktaria Gintings, S.Th
HP/WA : 081234468292