Bimbingan PJJ 22 – 28 Oktober 2023

October 23, 2023 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

NIKAPKEN KEPERLUN SURUH-SURUHEN DIBATA

2 Raja-raja 4: 8 – 13
Perempuan Sunem dengan anaknya

4:8 Pada suatu hari Elisa pergi ke Sunem. Di sana tinggal seorang perempuan kaya yang mengundang dia makan. Dan seberapa kali ia dalam perjalanan, singgahlah ia ke sana untuk makan.
4:9 Berkatalah perempuan itu kepada suaminya: “Sesungguhnya aku sudah tahu bahwa orang yang selalu datang kepada kita itu adalah abdi Allah yang kudus.
4:10 Baiklah kita membuat sebuah kamar atas yang kecil yang berdinding batu, dan baiklah kita menaruh di sana baginya sebuah tempat tidur, sebuah meja, sebuah kursi dan sebuah kandil, maka apabila ia datang kepada kita, ia boleh masuk ke sana.”
4:11 Pada suatu hari datanglah ia ke sana, lalu masuklah ia ke kamar atas itu dan tidur di situ.
4:12 Kemudian berkatalah ia kepada Gehazi, bujangnya: “Panggillah perempuan Sunem itu.” Lalu dipanggilnyalah perempuan itu dan dia berdiri di depan Gehazi.
4:13 Elisa telah berkata kepada Gehazi: “Cobalah katakan kepadanya: Sesungguhnya engkau telah sangat bersusah-susah seperti ini untuk kami. Apakah yang dapat kuperbuat bagimu? Adakah yang dapat kubicarakan tentang engkau kepada raja atau kepala tentara?” Jawab perempuan itu: “Aku ini tinggal di tengah-tengah kaumku!”

Elisa ras diberu si bayak i Sunem nari

4:8 I bas sada wari lawes Elisa ku Sunem ingan tading sekalak diberu bayak. Diberu e nenahken ia man. Menaken ibas wari e nari, adi Elia ku Sunem i rumah diberu e ia rusur man.
4:9 Nina diberu e man perbulangenna, “Tek aku maka dilaki si rusur reh ku jenda dilaki badia.
4:10 Sibahanlah sada bilik kitik i babo tarum, jenari sitamaken i je sada ingan medem, sada meja, sada kursi, ras sada lampu, gelah adi reh kenca ia ndahi kita banci ia tading i je.”
4:11 I bas sada wari mulihken Elisa ku Sunem, e maka nangkih ia ku kamarna pekesahken.
4:12 Jenari isuruh Elisa suruh-suruhenna Gehasi ndilo diberu e. Kenca reh,
4:13 nina Elisa man Gehasi, “Sungkun diberu e kai si banci kubahan man bana mbalas kerina kelatihenna nikapken keperlunta. Tah perlu akapna aku lawes ndahi raja ntah puanglima tentera ncakapken kerna ia?”
“Kerina keperlunku enggo cukup dat aku i tengah-tengah bangsangku,” nina diberu e njabapsa.

A. PERSIKAPEN

• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.

B. PERPULUNGEN JABU-JABU/ PERPULUNGEN JABU

  1. Rende KEE No. 322: 1,2 (ibabai bapa/nande)
    Sipembarken B’rita Si Meriah, si tertaban banci pulah
    Si pentang jadi erpengidah
    Rakatlah min ersembah, rakatlah min ersembah
    Reff: Perban lias ate Tuhanku, gegeh dosa enggo talu
    Kuasa Kristus tangkas t’ridah, rasa lalap pujilah
    Sipembarken B’rita Si Meriah, kuasa iblis talukenlah
    Si metangkang min jadi robah, ngasamken kuasa pedah,
    Ngasamken kuasa pedah Reff: …
  2. Ertoto (lbabai bapa)
  3. Renungen
    Teks: 2 Raja-Raja 4:8-13 (logeken sekalak Anak)
    Tema: Nikapken Keperlun Suruh-suruhen Dibata

Salah sada perentah Tuhan Jesus e me kap “Laweslah ku kerina bangsa manusia, jadiken ajar-ajarNa, peridiken, jenari ajari ia ngikutken pedah si iajarken Tuhan Jesus (bdk. Matius 8-19-20). Enda me si ikataken “Amanat Agung” si jadi “jantung” kegeluhen gerejanta. Kai nge banci si lakoken gelah Berita Si Meriah terus ipembarken ku belang-belang doni enda? Uga caranta muat bagin i bas natang-natang dahin gerejanta erBerita Si Meriah? Mari erlajar kita arah diberu Sunem ras jabuna i bas bahan PJJ wari si sendah.
Sunem e me salah sada kuta i Israel si jarakna sekitar 40 km sebelah utara Samaria. Diberu Sunem enda kalak bayak, mehuli, metemue, erkiniteken, dingen mehamat man perbulangenna. Enda teridah arah kai pe arihkenna dingen erpenungkunen ia man perbulangenna. Diberu Sunem ras perbulangenna ermeriah ukur nampati pelayanen Nabi Elisa, janah tek ia Elisa e me kap kalak si badia (ay. 9). Teridah kiniteken diberu Sunem enggo paguh sabap ngasup ia nggejapken pendahin Tuhan erkelangken persuruhenna, e me Nabi Elisa, igejapna tupung ielaina persuruhen Tuhan ndai ije ka me ielaina Dibata. Seterusna, megati itenahken jabu enda Nabi Elisa man, meriah ukurna Elisa reh kesilang, e maka sikapkenna ingan Elisa tading; itamakenna ije sada ingan medem, meja, kursi, ras lampu. Mbelin penampat ras keriahen ukur sicidahken jabu enda i bas nampati dahin suruh. Tuhan.

Tema PJJ-nta sendah “Nikapken keperlun suruh-suruhen Dibata”, sada pengajuk gelah kita ermeriah ukur muat bagin nikapken keperlun pebelangken Kinirajan Dibata. Bagi diberu Sunem ras perbulangenna si ermeriah ukur nampati Nabi Elisa, bage me kita iajuk natang-natang dahin i bas peken anggur Tuhan. Tentu enggo sigejap erbage-bage pemasu-masun Tuhan ras keleng ateNa sedekah enda arah kesehaten, gegeh, rejeki, pendahin, waktu, perukuren, ras mbue denga pemere Tuhan si debanna si la terbeligai. E maka genduari si sehken mulihi man Tuhan alu nampati pebelangken KinirajanNa, nikapken keperlun suruh-suruhen Tuhan.

Piga-piga contoh nikapken keperlun guna erBerita Si Meriah (secara materil):

  • Ngelitken biaya tenaga Detaser subuk pribadi bage pe kelompok (Runggun/PJJ/Kategorial). Gegeh GBKP secara sinodal tentu terbatas, e maka perlu sisampati gelah banci reh teremna tenaga detaserta. Genduari pe enggom lit piga-piga runggun i kota si ngelitken biaya tenaga detaser si melayani i runggun si lit i kuta-kuta. Adi reh teremna si muat bagin tentu reh ulina.
  • Nambahi/mendukung biaya P.I. (Pekabaran Injil) subuk program Sinodal, Klasis, bage pe Runggun. Teptep runggun ras klasis erbahan anggaran dana P.l gelah min tole kita banci muat bagin mbangun kerjasama antar runggun, antar Klasis bersinergi, si megegeh nampati si kurang megegeh segelah radu megegeh.
    Bage pe piga-piga contoh nikapken keperlun guna erBerita Si Meriah (secara moril):
    • Notoken dahin perBerita Si Meriah; i bas pertoton tupung PJJ, kebaktin keluarga, kebaktin minggu, ras kebaktin si debanna.
    • Runggun gereja mbangun “mitra pelayanen” ku runggun si deban erkelangken Klasis ras Sinodal, ilakokenna Pl sue ras konteks runggun setempat gelah terjabab kai kebutuhen gereja ras masyarakat. Jenari lit evaluasi i bas perdalanen mitra pelayanen enda.
    • Ngelitken program i bas gerejanta uga cara er-PI, pembinan jadi tim P.., erbahan kursus EE (Evangelical Explosion), uga cara ngelakoken perkunjungen rumah tangga (PRT), ras si debanna sue kebutuhenta.
    • Tetap ndalanken prinsip ras nilai-nilai “oikumenis” nandangi aliren gereja ras agama-agama si deban, segelah kekritenenta tetap erguna ras ernanam man doni enda, jadi teman nandangi agama si deban i bas inganta tading.
    • Nggit ersikap jadi perBerita Si Meriah katawari paksa pe

Mari dage sirasken muat bagin rikut gegeh ras kengasupenta pebelangken kinirajan Dibata. Sijadiken Ersaksi jadi orat geluh, nggit erberita katawari paksa pe, subuk arah gegeh pemeteh, gegeh toto bage pe gegeh dana, terpuji gelar Tuhan Dibatanta si ni Surga. “Soli deo Gloria”

“Gereja Yang tidak mengabarkan Injil adalah gereja yang membunuh diri” – (Pdt. Stephen Tong)

  1. NURIKEN PENGGEJAPEN
    • Bapa
    • Nande
    • Anak
  2. DISKUSI

1) Turiken kai-kai saja si ilakoken diberu Sunem ras perbulangenna nandangi Nabi Elisa selaku persuruhen Tuhan?
2) Kai si banci silakoken guna nampati dahin-dahin Pekabaren Injil subuk i bas wilayah pelayanen runggunta, Klasis, bage pe sin odal? Mari si arihken!

  1. PERSEMBAHEN: RENDE KEE No. 386: 1,2 (ibabai anak)

Tuhan kap permakan geluhku, maka la kekurangen aku
I tengah mbal-mbal si meratah, geluhku ipesenangken Ndu
Reff: O Tuhan kam penalemenku, temaniNdu i bas dalanku
Tuhu malem teneng tendingku, perbahan Tuhan temanku
Kempak lau si teneng malerna, itegu-teguNdu geluhku
PelimbaruiNdu gegehku, dalan pinter babaNdu aku

Reff:

  1. PERTOTON SAPAAT RAS PERSEMBAHEN

• Gelah semangat er-PI jadi orat nggeluh kerina perpulungen Tuhan (ibabai Bapa)
• Gelah kerina kita muat bagin nampati dahin erBerita Si Meriah (ibabai Nande)
• Kerna persembahen ras si turah i bas perpulungen/Jabu (ibabai serayan Tuhan/Bapa)

  1. RENDE KEE 400: 1 (ibabai bapa/nande)

Si b’ritaken B’rita Si Meriah, ulanai pedekah-dekah
Ku sebelang-belang doni enda, seh ku kerina bangsa-bangsa
Jesus kap si mada persuruhen, mari dage si beritaken
Reff: Siberitakenlah Kata Ni Dibata
Kesah Si Badia kap si peturahsa
Cidahken arah kata ras perbahanen,
Jadi kesaksin man jelma si enterem

  1. PERTOTON TUHAN
  2. MOMO

C. JEDA RAS PENUTUP

Pdt. Mikha Pranata Ginting, S.Th.
HP/WA: 085297419809

Post Views: 1,961