Beritakenlah Si Mehuli
( TI: Guna ras Tujun )
Kisah Para Rasul 15:22-27
Jawab kepada Antiokhia
15:22 Maka rasul-rasul dan penatua-penatua beserta seluruh jemaat itu mengambil keputusan untuk memilih dari antara mereka beberapa orang yang akan diutus ke Antiokhia bersama-sama dengan Paulus dan Barnabas, yaitu Yudas yang disebut Barsabas dan Silas. Keduanya adalah orang terpandang di antara saudara-saudara itu. 15:23 Kepada mereka diserahkan surat yang bunyinya: “Salam dari rasul-rasul dan penatua-penatua, dari saudara-saudaramu kepada saudara-saudara di Antiokhia, Siria dan Kilikia yang berasal dari bangsa-bangsa lain. 15:24 Kami telah mendengar, bahwa ada beberapa orang di antara kami, yang tiada mendapat pesan dari kami, telah menggelisahkan dan menggoyangkan hatimu dengan ajaran mereka. 15:25 Sebab itu dengan bulat hati kami telah memutuskan untuk memilih dan mengutus beberapa orang kepada kamu bersama-sama dengan Barnabas dan Paulus yang kami kasihi, 15:26 yaitu dua orang yang telah mempertaruhkan nyawanya karena nama Tuhan kita Yesus Kristus. 15:27 Maka kami telah mengutus Yudas dan Silas, yang dengan lisan akan menyampaikan pesan yang tertulis ini juga kepada kamu.
Sekalak tokoh gereja si tergelar Johanes Calvin ngataken maka kerina si lit bas doni enda tujunna eme guna kemulian Dibata (Gloria Deo). Tujun enda tentu labo terjeng man tinepa Dibata saja ngenca, tapi seh pe kempak kerina si jadi ntah pe si lit i bas doni enda. Janah labo kegeluhen tinepa e saja ngenca si tujunna guna kemulian Dibata, tapi kai si ijadiken manusia pe arus ka nge guna kemulian Dibata. Tentu termasuk pe ije Teknologi ras Informasi (TI) si salah sada ciptaan manusia. TI ilitken ras banci ipake guna tujun si mehuli. Sabap Dibata mereken pemeteh man manusia lako njadiken TI enda gelahna erguna i bas kegeluhen. Enda me si perlu jadi sada perenungen i bas kegeluhen kalak Kristen. Tangkas tergejap maka TI enda sada bagin si la terpisahken i bas kegeluhen manusia. E maka penting kal ije pengangkan si payo i bas makeken TI enda. Sabap megati kal manusia makeken TI e lanai ku bas tujun si mehuli, tapi ipakekenna guna kesenangen
Lit tanggungjabab si mbelin si arus idalanken ajar-ajar kenca Jesus nangkih ku surga emekap: nerusken misi si enggo ilakoken Jesus bas doni enda. Misi e eme meritaken berita kerna Jesus Kristus kempak doni enda. Teptep kalak si erkiniteken arus nge ngelakoken misi e. Emaka banci jadi i bas ndalanken misi e, lit erbage-bage hal si jadi perbeben si man alanken. Sabap labo kepe menukah mpersadaken arih lako meritaken berita si mehuli e. Enda me si igejapken ajar-ajar i bas paksa sie. Enggo lit turah perbeben ras persoalen erkiteken lit ka kalak si nehken pengajaren-pengajaren si la payo man perpuiungen si ilayani Paulus. Pengajaren si la payo e erbahanca enggo mbelin kal turah perubaten i bas perpulungen seh maka arus ka idungi alu mehuli. Em sabapna maka ilakoken me sidang i Jerusalern, lako mpersada arih i bas ajar-ajar, perberita si meriah bage pe kerina perpulungen. Aminna pe jarak antara Jerusalem ku Antiokia cukup ndauh, bage pe paksa sie langa lit toknologi informasi si berkembang, ipakeken rasul-rasul e nge surat jadi alat nehken informasi si mehuli man kalak Antiokia.
Persidangen i Jerusalem enda mbuktiken maka teptep persoalen si lit banci idungi alu mehuli. Kiniersadan ukur tentu jadi palas persadan (persekutuan) si nteguh lako mpersadaken perpulungen e. Labo ipebelin ije ise si pentingna ras si mbelinna. Tap si itekanken eme kuga mahansa gelahna berita si mehuli e la terhambat kempak kalak si deban. Keselamaten e labo ialoken arah ngelakoken sunat ntah lahang. Tapi keselamaten e laloken arah kiniteken man Jesus Kristus. Enda me kesimpulen i bas ndungi persoalen e. Erkiteken sie maka persoalen si ndube sempat ebahanca turah kesirangen i bas perpulungen, kedungenna banci idungi alu mehuli. Arih-arih muat si mehuli jadi asam ajar-ajar ras kerina si enggo ipilih meritaken berita si meriah e i bas kerina persoalen si lit e.
I bas jamanta si genduari enda teknologi enggo reh majuna. Jarak si ndauh lanai jadi penghalang man manusia banci erkomunikasi ras kalak si deban. Enda sada keuntungen i bas perkembangen kegeluhen manusia. Sabap arah media TI enda banci iturikenna kai si lit i bas ia. Tapi bage gia, arus nge sieteh kai kin tujun utama TI enda. Bahanlah bagi si ilakoken rasu-rasul e, maka ipakekenna teknologi si lit i bas ia lako njagai kiniersadan, ndungi persoalen ras meritaken berita si mehuli. TI litken guna kiniulin rnanusia. Labo guna mpeturah kesirangen bas kegeluhen manusia. E maka pakekenlah TI enda jadi sarana meritaken berita si mehuli. Seh maka enterem pagi jelma ngidah ras meteh maka Ti enda guna maba kiniulin man manusia. Kemajun TI enda banci ka min mpegegehi ras mpeteguhi kinitekenta. E maka perlu kal situduhken ras sipakeken TI enda lako nuriken kebenaren ras kiniulin Dibata. Labo guna mpesenangken dirinta. Uga kita nggejapkenca? Tentu mulih ku bas pusuhta. Sabap kita nge si lebih meteh kai gunana TI e sipakeken i bas geluhta.
EVALUASI
Lit nge perkembangen perukurenta kenca si isi lembaren kerja PJJ si lewat?
DISKUSI
- Uga rasul-rasul makeken teknologi si lit e guna njaga kiniersadanna i bas persoalen-persoalen si lit?
- Turikenlah kai-kai saja gunana Teknologi Informasi (TI) i bas mpegegehi kinitekennta?
AKSI
I bas sada minggu enda si benakenlah ngirim berita-berita si mehuli, motivasi si mbangun ras mpegegehi kiniteken man temanta si deban arah media sosial si ipake kita (umpamana Whatsapp, Facebook, Twiter ras si debanna).
USULEN LAGU
- KEE GBKP No. 257:1-3
- KEE GBKP No. 432:1-3
- KEE GBKP No. 108:1,3,4
- KEE GBKP No. 322:1-dst
TOPIK PERTOTON SYAFAAT
- Notoken perpulungen GBKP gelah pentar i bas mpergunaken media sosial guna meritaken berita si mehuli.
- Notoken perpulungen GBKP gelahna tetap ngasup ngikuti perkembangen informasi ras teknologi.
- Siturah i bas perpulungen.
Pdt. Dicky A. Bangun, M.Th.