“Endekelah Ende-Enden Si Mbaru”
Masmur 98: 1 – 9
Saat penyelamatan sudah dekat
(98:1) Mazmur.
Nyanyikanlah nyanyian baru bagi TUHAN, sebab Ia telah melakukan perbuatan-perbuatan yang ajaib; keselamatan telah dikerjakan kepada-Nya oleh tangan kanan-Nya, oleh lengan-Nya yang kudus.
(98:2) TUHAN telah memperkenalkan keselamatan yang dari pada-Nya, telah menyatakan keadilan-Nya di depan mata bangsa-bangsa.
(98:3) Ia mengingat kasih setia dan kesetiaan-Nya terhadap kaum Israel, segala ujung bumi telah melihat keselamatan yang dari pada Allah kita.
(98:4) Bersorak-soraklah bagi TUHAN, hai seluruh bumi, bergembiralah, bersorak-sorailah dan bermazmurlah!
(98:5) Bermazmurlah bagi TUHAN dengan kecapi, dengan kecapi dan lagu yang nyaring,
(98:6) dengan nafiri dan sangkakala yang nyaring bersorak-soraklah di hadapan Raja, yakni TUHAN!
(98:7) Biarlah gemuruh laut serta isinya, dunia serta yang diam di dalamnya!
(98:8) Biarlah sungai-sungai bertepuk tangan, dan gunung-gunung bersorak-sorai bersama-sama
(98:9) di hadapan TUHAN, sebab Ia datang untuk menghakimi bumi. Ia akan menghakimi dunia dengan keadilan, dan bangsa-bangsa dengan kebenaran.
I. KATA PERLEBE
Masmur enda ende-enden keriahen mulih pembuangen Babil nari. Ijenda mulihi Israel nggejapken perbahanen TUHAN si la ngelupaken ia. Mulihi icidahken TUHAN kuasaNa i tengah-tengah bangsa si deban. Perbahanen TUHAN nandangi Israel eme perbahanen TUHAN man kerina bangsa- bangsa. I bas kedolatenNa ipilihNa sada negeri man bangsaNa guna ngelawan kerina perbahanen nembah man berhala-berhala ras erlagu si la mehuli. ItamakenNa bangsaNa tading ije guna jadi usihen. Tapi adi la idalankenna sura-sura Dibata enda, maka ia jine iutahken i bas negeri e nari (bdk. Im. 18:25 ras Im. 20:22). Pengalamen iutahken negeri e enggo inanami bangsa Israel kidekah pitu puluh tahun. Janah genduari i bas kinijeranna ia nggejapken mulihi uga belinna perbahanen TUHAN i tengah bangsa-bangsa. Emaka isuratken me ende-enden enda jadi sada penggejapen pengataken bujur man Dibata i bas kerina perbahanenNa.
II. ISI
I bas Masmur enda iajuk bangsa pilihen TUHAN guna ngendeken ende- enden si mbaru man baNa. Erti ende-enden si mbaru eme penggejapen ras pengataken bujur simbaru man baNa arah ende-enden. Lit dua dampar si mbuena kalak erbanca erbahan kata-kata entah ende-enden eme keriahen ukur ras kecedan ate (patah hati). Tentu pemasmur ijenda njemba ngendeken ende-enden si mbaru si ijemba keriahen ukur. Kai alasen ngendeken ende-enden alu keriahen ukur ras ngataken bujur man baNa?Lit piga-piga alasen si ituriken Pemasmur ijenda eme:
• Sabab perbahanenNa si mejin (Ind: telah melakukan perbuatan- perbuatan yang ajaib). Bali ras ndaratna i Mesir nari pelin-pelin perbahanen TUHAN bage pe igejapken bangsa enda maka pulahna ia i Babil nari erkiteken perbahanen TUHAN.
• Alu kuasa dingen gegehNa si badia jine, IA enggo menang (Ind: keselamatan telah dikerjakan kepada-Nya oleh tangan kanan-Nya, oleh lengan-Nya yang kudus). Tangan kanan iertiken kuasa Dibata. Lengan yang kudus iertiken gegehNa Si Badia. Ertina maka tujun Dibata encidahken perbahanenNa labo lit tujun si la mehuli, kerina mehuli.
• Iberitaken TUHAN kemenangenNa, enggo icidahkenNa keselamatenNa i lebe-lebe bangsa kerina. Engkai maka itekanken i lebe bangsa- bangsa? Sabab guna jadi usihen ras naksiken Dibata me maka Israel i pilih. Sedekah enda enggo tercurna gelar Dibata ibanna perban la ia setia janah iukum TUHAN ia i lebe bangsa-bangsa. Emaka gundari icidahken TUHAN mulihi kuasaNa si ngataken maka situhuna IA ngenca Dibata la lit si bagi IA i doni enda.
• ItepatiNa padanNa man Israel bangsaNa. Enda encidahken maka Dibata la pernah lupa nandangi padan si enggo i belaskenNa. Ndube ipilihNa Abraham, Isak ras Jakub. Padan enda tetap igelem Dibata eme idah pemasmur maka IA Dibata si la mobah.
Lit piga-piga pengajuk man doni ras isina kerina ngataken bujur man Dibata:
• Ersuraklah man TUHAN (ay. 4,6)
• Puji min TUHAN alu kulcapi (bermazmurlah) (ay. 5)
• Endeken ende-enden pujin man baNa (ay.5)
• Embuslah tanduk ras terompet (terompet=nafiri. Alat enda semal kenca mulih pembuangen nari) (ay.6).
• Ergeruhguhlah o lawit ras kerina isina (ay.7)
• O doni ras kerina si ngianisa (ay.7)
• O kam lau belin ertepuklah (ay. 8).
• O deleng-deleng rendelah (ay.8).
I dungi alu alasen Sabap IA reh guna merentah doni enda. IrajaiNa kerina bangsa i doni enda alu bujur ras rembang tengah. Jadi, arah enda si idah maka Dibata si milih Israel ras si ngkelinisa eme Dibata si merentah doni enda, raja doni enda janah IA ia ngerajaisa alu bujur ras rembang tengah. Seri nge perbahanen Dibata man Israel ras bangsa-bangsa si deban. Kalak pertandang pe arus ikelengi Israel. Adi la bujur Israel e pe iukum TUHAN bagi bangsa-bangsa si deban.
I bas Invocatio maka pengajuk bagi bahan Kotbah enda ijembaken pemasmur 32:11,” O kalak bujur meriahlah atendu i bas TUHAN. Suraklah alu meriah, o si ngikutken IA.” Bage pe i bas ogen si pemena teridah ulih kinijeran Paulus si enggo menaken ersaksi kerna Tuhan Jesus i bas kegeluhenna. Janah teridah pe perkembangen perpulungen mula-mula. Ituriken ijenda maka paksa si e perpulungen si lit i belang-belang Judea, Galilea ras Samaria i bas keadan aman. Perpulungen e erkemalangen nandangi Tuhan. Erkiteken penampati Kesah Si Badia reh belinna kiniteken perpulungen janah erteremna kalak si tek.
III. PENGKENAINA
Tangkas alasen pemasmur muji Tuhan alu ngendeken ende-enden ijenda eme erkiteken TUHAN eme Dibata si tetap engkelengi ia ras bangsana bage pe IA nge Dibata si engkelengi kerina doni enda ras isina. Enggo ipulahi Dibata ia i Babil nari janah enda jadi sada kesaksin kerna perbahanen Dibata i tengah bangsa-bangsa i doni enda. Janah rende ia alu meriah ukur janah iajukna pe kerina doni enda ras isina muji Dibata. Bage me kita ermeriah ukur tahun enda eme erdandanken tahun enda kita mperingeti Jubilium
130 Tahun GBKP.
Jubilium rehna i bas kata “Yobel” nari (bdk. Im. 25:10) si ertina tahun pe limapuluhken. Ija i bas tahun enda kai pe si tergade i bas kalak Jahudi arus mulih man punana. Si enda si ertiken secara kiniteken maka kita selaku kita manusia enggo tergade ku bas kuasa dosa. Janah Berita Si Meriah si seh ku kita arah perberita si meriah ndube enggo nangtangi kita i bas kuasa dosa nari erkiteken penandaita nandangi Tuhan Jesus Kristus. Enda me berita si mbelinna man banta manusia, la lit berita lebih penting asa si enda. Emaka patut kita ermeriah ukur i bas ngalo-ngalo tahun Jubilium enda.
Keriahen si bagenda rupa pe si enggo icidahken Paulus (ogen pemena) maka ia pe minter ersaksi kerna Tuhan Jesus alu la biar-biaren nandangi kalak si deban. Arusna kita pe kerina lanai jadi objek Berita Si Meriah e tapi enggo jadi subjek (pelaku) Berita Si Meriah e. Gelah arah kita pe reh mbarna Berita Si Meriah janah reh paguhna lalap kiniteken kerina perpulungen. Alu bage maka kinirajan Dibata i babo doni enda banci reh mbarna ras reh tergejapna ulihna man kerina manusia ras tinepa Dibata i doni enda.