Gereja Sikutandai
( Perbahanen Rasu-Rasul 11 : 19 – 30 )
11:19 Sementara itu banyak saudara-saudara telah tersebar karena penganiayaan yang timbul sesudah Stefanus dihukum mati. Mereka tersebar sampai ke Fenisia, Siprus dan Antiokhia; namun mereka memberitakan Injil kepada orang Yahudi saja.
11:20 Akan tetapi di antara mereka ada beberapa orang Siprus dan orang Kirene yang tiba di Antiokhia dan berkata-kata juga kepada orang-orang Yunani dan memberitakan Injil, bahwa Yesus adalah Tuhan. 11:21 Dan tangan Tuhan menyertai mereka dan sejumlah besar orang menjadi percaya dan berbalik kepada Tuhan.
11:22 Maka sampailah kabar tentang mereka itu kepada jemaat di Yerusalem, lalu jemaat itu mengutus Barnabas ke Antiokhia.
11:23 Setelah Barnabas datang dan melihat kasih karunia Allah, bersukacitalah ia. Ia menasihati mereka, supaya mereka semua tetap setia kepada Tuhan,
11:24 karena Barnabas adalah orang baik, penuh dengan Roh Kudus dan iman. Sejumlah orang dibawa kepada Tuhan.
11:25 Lalu pergilah Barnabas ke Tarsus untuk mencari Saulus; dan setelah bertemu dengan dia, ia membawanya ke Antiokhia.
11:26 Mereka tinggal bersama-sama dengan jemaat itu satu tahun lamanya, sambil mengajar banyak orang. Di Antiokhialah murid-murid itu untuk pertama kalinya disebut Kristen.
11:27 Pada waktu itu datanglah beberapa nabi dari Yerusalem ke Antiokhia.
11:28 Seorang dari mereka yang bernama Agabus bangkit dan oleh kuasa Roh ia mengatakan, bahwa seluruh dunia akan ditimpa bahaya kelaparan yang besar. Hal itu terjadi juga pada zaman Klaudius.
11:29 Lalu murid-murid memutuskan untuk mengumpulkan suatu sumbangan, sesuai dengan kemampuan mereka masing-masing dan mengirimkannya kepada saudara-saudara yang diam di Yudea.
11:30 Hal itu mereka lakukan juga dan mereka mengirimkannya kepada penatua-penatua dengan perantaraan Barnabas dan Saulus.
Lit sada judul buku, “Semakin Dibabat Semakin Merambat.” Judul buku enda tuhu-tuhu jadi sada kinata ibas perdalinen gereja. Melala kiniseran turah ibas perdalanen gereja mula-mula. Kenca mate Istepanus maka kalak si enggo tek man Jesus merap ku erbage-bage ingan. Lit si seh ku Penike, Kiperus ras Antiokia. Kerina kalak Kristen si merap ndai erberita ia kerna Tuhan Jesus pemenana man kalak Jahudi saja. Enda me pe jadi sada tanda gereja si nggeluh. Gereja si nggeluh eme gereja si terus erberita amin melala perbeben si man alanken.
Kalak Kiperus ras kalak Kireni si seh ku Antiokia icubakenna meritaken Berita Si Meriah man kalak si labo Jahudi. Erkiteken Tuhan si nampati maka enterem kalak si tek. Adi sigargari maka kalak Kiperus ras Kireni si erberita enda, langa bo mbages pengangkaina kerna kiniteken man Jesus. Ibas erbage keterbatasenna labo ngolangi perdalinen Berita Si Meriah si tetap reh mbarna. Engkai? Sabab labo kebeluhen manusia si erbanca kalak tek, tapi kininggiten erberita ibas penampat Tuhan arah Kesah Si Badia. Emaka pantek me gereja Antiokia si jemaatna labo kalak Jahudi.
Ibegi perpulungen i Jerusalem me berita kerna gereja Antiokia enda. Emaka isuruhna Barnabas ku jah. Enda banci jadi erkiteken ieteh perpulungen enda uga pentingna umputen pengajaren kenca kalak tek man Jesus. Barnabas reh guna mpetetap kiniteken perpulungen si mbaru pantek enda. Idaramina pe Saul guna nampati ia mperlengkapi perpulungen enda. Engkai maka Saul? Enda erkiteken ieteh Barnabas pendilo Dibata mana Saul salah sada eme jadi Rasul man kalak si la Jahudi (Perbahanen Rasul-Rasul 9:15, 26-27). Sada tahun dekahna, duana kalak enda ngajari perpulungen si mbaru enda kerna kiniteken. Enda pe jadi sada pelajaren man banta. Gereja mula-mula i Antiokia enda tuhu-tuhu ipersiapken jadi gereja si paguh. Maka banci jadi gereja si paguh arus mbages pengajaren si isehken man bana. Labo banci paguh sada gereja adi labo iantusi kai kinitekenna. Emaka ibas gerejanta pe tetap silakoken pengajaren kerna kinitekenta. Arah survei Litbang gerejanta periode si lewat, maka kurang denga perpulungen termasuk serayan ngangkai kerna konfesi GBKP. Tahun enda enggo dung konfesi GBKP iban jadi sada buku saku. Enda tujunna gelah nampati kita ngangkai erti kiniteken man Dibata. Alu pengangkan si reh bagesna maka reh bagesna ka kesetianta man Dibata amin gia erbage-bage perbeben si man alanken.
Reh piga-piga nabi i Jerusalem nari ku Antiokia. Nabi ibas gereja mula-mula si iteruh kuasa Kesah Si Badia nampati perdalinen gereja kerna kai si bakal terjadi. Tupung sie maka pengajaren buen arah tradisi nuri-nuri erkiteken rasul-rasul pe langa bo piga si nulis. Salah sada si ikataken nabi Agubus ijenda eme kerna kiniseran si terjadi paksa kaisar Klaudius (tahun 41-54). Ersada arih rasul-rasul ras perpulungen guna nampati perpulungen Judea si ngenanami kiniseran. Gereja si nggeluh eme gereja si erdiakonia. La ia lupa nampati teman si sangana ngenanami kiniseran.
Arah bahan PJJ enda si idah tanda gereja si nggeluh eme gereja si terus erberita kerna Tuhan Jesus amin uga gia sekali perbeben. Bage pe gereja si nggeluh eme si tuhu-tuhu mperidiateken pengajaren kiniteken man perpulungen. Jenari gereja si nggeluh eme gereja si mediate nandangi teman ibas kerina kecibal kegeluhenna. Jadi, kita kerina kalak si tek pe maka ibas kerina kecibal kegeluhenta arus tetap teridah kesaksinta si nggeluh. Tupung kita sakit, entah opname pe teridah kinitekenta sebage kesaksinta si nggeluh. Jenari nggit kita terus erlajar kerna kebenaren Kata Dibata si mpeteguhi kinitekenta. La ka kita lupa mperdiateken temanta si erbage kesusahen ibas kegeluhenna.
Enda me tanda gereja si nggeluh, kinitekenna paguh, rukur ia beluh, ibas nehken keleng ate la ia ngelabuh, perban ku Tuhan ia erlebuh ibas segedang-gedang geluh.
EVALUASI :
Uga kerna aksita minggu si enggo lewat. Lit nge kendala ibas ndalankenca?
DISKUSI :
1. Kai nge tanda-tanda gereja si nggeluh ibas ogenta enda?
2. Kai banci si ban gelah gerejanta tetap nggeluh ras reh paguhna?
AKSI :
Man si langa lit ibadah keluarga gelah si litken guna mpepaguhi kinitekenta. Langa gia tiap wari tapi gelah sicubaken. Si langlangna erlajar kita sada jabu ertoto ras-ras sekali sada wari.
USULEN LAGU :
1. KEE GBKP NO : 209:1-3
2. KEE GBKP NO : 108:1-2
3. KEE GBKP NO : 255:1-2
4. KEE GBKP NO : 342:1-3
TOPIK PERTOTON SYAFAAT :
1. Gelah tetap kita erkomitmen jadi aron Dibata nehken pasupasu man doni enda.
2. Segedang tahun enda reh ulina perdalinen PJJ ibas kerina pelayanenna.
3. Pelayanen PPWG GBKP Kabanjahe, Biro Teologia GBKP, Retreat Center GBKP Sukamakmur bage kategorial Protesi GBKP.
4. Siturah ibas perpulungen.
Pdt. Yunus Bangun, M.Th