TANDA NANDAI DIBATA

1 Johanes 2: 3-11

1 Yohanes 2: 3 – 11

2:3 Dan inilah tandanya, bahwa kita mengenal Allah, yaitu jikalau kita menuruti perintah-perintah-Nya. 2:4 Barangsiapa berkata: Aku mengenal Dia, tetapi ia tidak menuruti perintah-Nya, ia adalah seorang pendusta dan di dalamnya tidak ada kebenaran.
2:5 Tetapi barangsiapa menuruti firman-Nya, di dalam orang itu sungguh sudah sempurna kasih Allah; dengan itulah kita ketahui, bahwa kita ada di dalam Dia.
2:6 Barangsiapa mengatakan, bahwa ia ada di dalam Dia, ia wajib hidup sama seperti Kristus telah hidup.

Perintah yang baru

2:7 Saudara-saudara yang kekasih, bukan perintah baru yang kutuliskan kepada kamu, melainkan perintah lama yang telah ada padamu dari mulanya. Perintah lama itu ialah firman yang telah kamu dengar.
2:8 Namun perintah baru juga yang kutuliskan kepada kamu, telah ternyata benar di dalam Dia dan di dalam kamu; sebab kegelapan sedang lenyap dan terang yang benar telah bercahaya.
2:9 Barangsiapa berkata, bahwa ia berada di dalam terang, tetapi ia membenci saudaranya, ia berada di dalam kegelapan sampai sekarang.
2:10 Barangsiapa mengasihi saudaranya, ia tetap berada di dalam terang, dan di dalam dia tidak ada penyesatan.
2:11 Tetapi barangsiapa membenci saudaranya, ia berada di dalam kegelapan dan hidup di dalam kegelapan. Ia tidak tahu ke mana ia pergi, karena kegelapan itu telah membutakan matanya.

2:3 Adi patuh kita ngikutken perentah Dibata tandana kita nandai Dibata.
2:4 Adi lit kalak ngatakenca maka itandaina Dibata, tapi la ikutkenna perentahNa, perguak kap ia, janah Kata si tuhu-tuhu i bas Dibata nari la lit i bas ia.
2:5 Tapi ise si ngikutken Kata Dibata, ia me si ngkelengi Dibata alu sempurna. Alu enda si eteh maka kita enggo ersada ras Dibata.
2:6 Kalak si ngataken maka ia nggeluh ersada ras Dibata, ia arus nggeluh bagi Jesus Kristus.

Perentah si mbaru

2:7 O teman-temanku si kukelengi! Perentah si kusuratken man bandu enda labo perentah si mbaru, tapi perentah si ndekah nge si enggo ipeseh man bandu mula-mulana nari. Perentah si ndekah e me berita si enggo ialokenndu i bas Dibata nari. 
2:8 Amin bage gia, pedah si kusuratken enda banci ikataken pedah si mbaru, erkiteken kebenaren perentah e teridah i bas Jesus Kristus bage pe i bas kam. Sabap kegelapen enggo lepas, janah terang si tuhu-tuhu enggo ersinalsal.

2:9 Kalak si ngataken maka ia nggeluh i bas terang, tapi nembeh atena seninana, situhuna ia i bas gelap denga nge seh paksa enda.
2:10 Kalak si ngkelengi seninana, i bas terang kap ia nggeluh, janah i bas ia la lit si erbahanca kalak si deban ndabuh ku bas dosa.
2:11 Tapi kalak si nembeh atena seninana, i bas gelap kap ia. Ia erdalan i bas gelap janah la ietehna ku ja ia lawes, sabap la ia erpengidah ibahan gelap e.

(Mengenal Tuhan melalui Alkitab “metode BGA”)

MODEL PJJ: PARTISIPATIF/BGA

KATA PERLEBE

Lit sada istilah si ngatakenca ”tahu belum tentu saling mengenal”. Kita kerina tentu si tandai presiden amerika Donald Trumpt sabab ia terkenal dingen rusur masuk TV. Tapi min gia si tandai ia labo kita si tandan ras ia. Nandai ertina “erteman ndeher”, ietehna kal sura-sura/ perukuren kalak si itandaina e, e maka i bas si la bagi ukurna pe pengerana ras perbahanen temanna e la e erbahanca ia megelut tah pe nirangisa. Bahan PJJnta wari enda mabai kita ku bas sada penungkunen terjeng ja ngge si tandai Dibata? terjeng tandai entah nggo si tandan.

ISI

Kalak  singataken  maka  ia  nandai  Dibata  e  berarti engkelengi Dibata alu sempurna (I bas Alkitab bahasa Indonesia kata sempurna ilebei alu kata “sungguh-sungguh”). Kata “sempurna” i jenda ningetken maka i bas engkelengi Dibata e labo alu kata-kata saja, tapi pe arus alu perbahanen. Kata “sempurna” banci ikataken alu kata sisederhana “Kibul”, enggo lengkap, lanai lit kurangna, lanai lit man pandangen. Perlu sirenungken ras-ras tah maun keleng ateta man Dibata “ersegi” ntah lenga kibul/gepeng, ertupang. Teks enda ngajuk kita lenga gia sempurna kal pengkelengi kita Dibata e, tapi tetaplah erdalin menuju kesempurnan e.

Kalak singataken maka ia nandai Dibata arus maka icidahkenna arah perbahanenna guna ndalanken pedah Dibata alu Arus engkeleni senina/La ernembeh ate man seninana. I tekanken kal I bas teks enda kerna “Ersenina”:

• “Kalak si ngataken maka ia nggeluh i bas terang, tapi nembeh atena seninana, situhuna ia i bas gelap denga nge seh paksa enda (ay. 9, 11)
• “Kalak si ngkelengi seninana, i bas terang kap ia nggeluh, janah i bas ia la lit si erbahanca kalak si deban ndabuh ku bas dosa. (ay. 10)

Engkelengi senina pe erkawiten kal ras kiniteken. 1 Tim 5: 8, “Adi lit si la mperdiateken kade-kadena, terlebih-lebih keluargana, nggo ipersokenna kinitekenna. Jahaten me ia asangken kalak si la tek man Jesus Kristus”.

Bage pe erkawiten ka ras ersembah/nehken persembahen Mat. 5: 23-24 “Dage, adi asum atendu nehken persembahen man Dibata ingetndu maka sangkut ukur seninandu nandangi kam, tadingkenlah lebe persembahenndu e jenari erdame ras ia. Kenca bage persembahkenlah persembahenndu e man Dibata”.

Kalak siersenina sikeleng-kelengen perehken kemalemen ate, keriahen, pengesahen i bas Dibata (desken minak wangi simeherga sinicucurken ku tahal Harun (Msm.133).

PENGKENAINA

Kalak singataken nandai Dibata seri ras kalak singikutken perentahNa. Kalak siengkelengi Dibata ras engkelengi Seninana seri ras kalak si nggeluh bagi Jesus Kristus, berarti arah kegeluhenna itandai kalak Jesus.

Megati sibegi belas-belas: ”bagi begu e kuidah ayo si anu ah”, seharusna min nina kalak: Bagi Jesus kuakap ayo si anu ah”. Mari cuba sitatap ayo teman kawes, kemuhenta, bagi ayo ise nge siidah  ?. Arusna min bagi ayo Jesus siidah ayo temanta. E maka mari ras kita ngendenca: Kukasihin kau dengan kasih 

Kukasihi kau dengan kasih Tuhan
Kukasihi kau dengan kasih Tuhan
Kulihat di wajahmu kemuliaan Raja
Kukasihi kau dengan kasih Tuhan

DISKUSI :

1. Terjeng ija nge penandaita kerna Dibata i bas kegeluhenta ? (Bdk. Job 42:5).
2. Adi lit kalak ngatakenca nina: ”Aku pe adi keleng atena aku pasti lebihen ka keleng ateku bana” enggo akapndu payo perukuren sibage rupana?

AKSI

Siaturken bas Sektorta kelompok Baca Alkitab. Asa Bancina si lumbaken gelah ibas sada tahun ku lebe enda nggo kerina kita dung ngoge Pustaka Si Badia.

USULEN ENDE-ENDEN:

1. KEE GBKP 205 : 2,5 Rehlah Min O Tuhan
2. KEE GBKP 77 : 1,6 Keleng Ate Tuhu-tuhu
3. KEE GBKP 432 : 1,2 KataNdu Tuhan
4. KEE GBKP 281 : 1,3 Kek’lengen Yesus kempak manusia

DAFTAR BACAAN :

Pdt. Iswan Ginting Manik, M.Div, MM
HP/WA: 081270209020 

—- MINGGU SIREH ILAKOKEN I BAS JETRO —-