Bahan PA Mamre 25 – 31 JANUARI 2026

January 22, 2026 Writer-1 Mamre 0

BIMBINGEN PA MAMRE

TANGGAL, 25 JANUARI – 31 JANUARI 2026

(Evaluasi Sasaren Pelayanan 2025)

 

Ogen     : 1 Korinti 4: 6-10

Tema     : Erlajar Man Si Arah lebe

Metode: Diskusi

Tujun    : Gelah Mamre:

  • Nuriken kerna hubungen Paulus ras Apolos man Perpulungen Korinti.
  • Nggit erlajar erban si mehuli man generasi si arah lebe guna mpesikap kegeluhen si gundari.

Rendahkanlah dirimu

4:6Saudara-saudara, kata-kata ini aku kenakan pada diriku sendiri dan pada Apolos, karena kamu, supaya dari teladan kami kamu belajar apakah artinya ungkapan: “Jangan melampaui yang ada tertulis”, supaya jangan ada di antara kamu yang menyombongkan diri dengan jalan mengutamakan yang satu dari pada yang lain.

4:7Sebab siapakah yang menganggap engkau begitu penting? Dan apakah yang engkau punyai, yang tidak engkau terima? Dan jika engkau memang menerimanya, mengapakah engkau memegahkan diri, seolah-olah engkau tidak menerimanya?

4:8Kamu telah kenyang, kamu telah menjadi kaya, tanpa kami kamu telah menjadi raja. Ah, alangkah baiknya kalau benar demikian, bahwa kamu telah menjadi raja, sehingga kamipun turut menjadi raja dengan kamu.

4:9Sebab, menurut pendapatku, Allah memberikan kepada kami, para rasul, tempat yang paling rendah, sama seperti orang-orang yang telah dijatuhi hukuman mati, sebab kami telah menjadi tontonan bagi dunia, bagi malaikat-malaikat dan bagi manusia.

4:10Kami bodoh oleh karena Kristus, tetapi kamu arif dalam Kristus. Kami lemah, tetapi kamu kuat. Kamu mulia, tetapi kami hina.

 

1) KATA PENARUH

Pengalaman adalah guru terbaik, ungkapen enda ngajarken maka kai si pernah terjadi (pengalamen) e me jadi pengajar si mehuli ku bas kegeluhenta. Arah hal enda, kita banci mengevaluasi kai kekurangen si perlu ipesikap bagepe kai kelebihen si perlu tetap i pertahanken ntah pe si kembangken ibas wari si reh enda. Menaken ibas tahun 2026 enda, sibenaken ka dahin pelayanen ibas kategorial Mamre. Guna mbenai sasaren pelayanen tahun 2026 Nandai Dibata maka perlu lebe silakoken evaluasi bas sasaren pelayanen tahun 2025 Dewasa Menerima Perbedaan. Kegeluhen ibas perpulungen Korinti mewakili situasi si terjadi bas geluhta, maka perbedaan si lit banci mpeturah persoalen si berdampak ku bas perkembangen perpulungen. Nggit erlajar man siarah lebe jadi persinget Paulus guna banci mpesikap perpulungen e. Uga turi-turinna ras kai si arus ilakoken/ mari sipebagesi arah bahan oratenta sendah.

 

2) URAIAN TEKS

Bahan oratenta eme bagin persinget (teguren, nasehat) Paulus nandangi perpulungen Korinti, erkiteken kesombongen siturah erkiteken kegeluhen ekonomi si semakin baik bagepe karunia rohani si lit. Ibas teguren siisehken Paulus enda lit 3 pokok pikiren siikatakenna eme:

  1. Inget batas-batas sitersurat bas Pustaka Si Badia. (ay 6).

Paulus sedar maka persoalen/ konflik si terjadi bas perpulungen Korinti turah erkiteken kesombongen (meganjang ukur) si lit bas perpulungen e. Paulus ningetken gelah perpulungen erlajar arah pengalamen si nggo terjadi antara ia (Paulus) ras Apolos. Sabab arah persoalen si jadi e erbanca turah kelompok-kelompok bas perpulungen Korinti si kedungenna erbanca perpulunge e lanai berkembang. Guna sie maka Paulus ningetken gelah kerina perpulungen sedar batas-batas bagi si tersurat bas Pustaka si Badia. Batas-batas si imaksudken ijenda Kata Dibata sitersurat bas Pustaka si Badia.

  1. Kerina si lit e pemere Dibata (ay. 7)

Tole Paulus ningetken maka kelebihen siialoken kalak Korinti eme pemere Dibata. Labo erkiteken kebeluhen dirina jine. La lit dalanna ermegah diri. Kerina e pelin-pelin pemere Dibata. Persinget si tajam enda isehken Paulus gelah kalak Korinti tetap menyadari maka Dibata ngenca patut ihagaken, sekaligus pengajaren enda menentang pengajaren-pangajaren si papak paksa e i Korinti.

  1. Jadilah kalak si meteruk ukur (ay 8-10)

Bagin terakhir ogenta, Paulus mereken sindiren (sarkasme) kerna kesombongen kalak Korinti…Nggo tuhu bayak kam. Nggo tuhu jadi raja kam. Kami lang (ay 8) bagepe kami bodoh erdandanken Kristus tapi Kam kalak Kristen si beluh! Kami kote, tapi kam megegeh. Kami ihina tapi kam ipehaga (ay 10). Sindiren siisehken Paulus enda tujunna gelah kalak Korinti menyadari kerna keselamaten si nggo ialokenna arah Dibata. Janah mulihi nggeluh ibas kiniteruken ukur bagi siigambarken Paulus kerna dirina selaku rasul ibas ay 9: ingan bas barisen siarah pudi… jadi tontonen kerina sinasa lit..

 

3) PENGKENAINA

Pergumulen sini hadapi perpulungen Korinti megati jadi pergumulen ibas kegeluhenta. Bahan oratenta nggo ncidahken maka, mbue perbedaan-perbedaan siturah ibas kegeluhen perpulungenna. Ras megati perbedaan e jadi penghalang ntah penghambat ibas interaksi kegeluhenta bagepe perkembangen perpulungen e. Secara program gerejanta GBKP jabab pergumulen e alu nehken sasaren pelayanen Tahun 2025 eme Dewasa Menerima Perbedaan. Penungkunenna man banta: Ibas tahun 2026 enda, nggo kin Mamre GBKP ngasup menerima perbedaan?.

Bahan oratenta nuriken kerna kegeluhen perpulungen Korinti. Ije lit teridah perbedaan-perbedaan siterjadi baik Paulus ras Apolos bagepe Paulus ras perpulungen. Arah bahan oratenta, piga piga hal sibanci jadi renungen man banta eme:

  1. Erlajar arah pengalamen ras patuh man Kata Dibata

Paulus nuriken kerna persoalenna ras Apolos manperpulungen Korinti. Jelas Paulus ras Apolos berbeda (baik cara pandang, pemikirenna, gayana rsd). Perbedaan si lit enda jadi masalah ras erbanca perpulungen erbelah ras saling mengklaim kelompok si paling hebat. Tapi kedungenna Paulus ras Apollos sedar maka hal perbedaan labo guna ipertentangken ntah ipebelin-belin tapi perbedaan e pemere (anugerah) si erbanca jadi kebayaken. Pustaka Si Badia alu tangkas nggo nuriken kerna hal enda, emaka lanai lit dalanna nilah ibas sura-sura Dibata. Erkiteken sie maka Paulus ras Apollos nggit saling menerima ras bekersa sama guna mpesikap perpulungen.

  1. Kinilitenta pemere Dibata kap, tetaplah meteruk ukur.

Penggejapen maka kita lebih asangken kalak sideban, bagepe merasa dominan megati mempertajam perbedaan jadi konflik sapih-sapih kita. Kecenderungen enda jelas teridah ibas perdalanen perpulungen Korinti. Arus si sedari maka kerina silit bas dirinta enda pemere Dibata. Pakeken alu mehuli dingen erguna man dirinta bagepe man kalak si deban labo guna mpeturah masalah ntah persoalen. Nggeluh ibas kiniteruken ukur merupaken bukti maka kita enggo jadi dewasa ibas menerima perbedaan.

 

4) DISKUSI

  1. Oge ayat 6, kai maksud Paulus ngataken: Tujunku eme kap gelah erlajar kam ibas kami. Turiken kai si terjadi antara Apollos ras Paulus, janah kai pelajaren siidatkenndu?
  2. Sue ras bahan oratenta, selaku Mamre nggo kin kam ngasup jadi Mamre Si Dewasa Menerima Perbedaan. Turiken ras bereken contoh si nggo ilakokenndu. Adi langa terlakoken, turiken kendala-kendalana si terjadi.

 

USULAN ENDE-ENDEN:

 

Pdt. Darius R. Sembiring, M.Th.

HP/WA: 0812 1931 648

 

Post Views: 1,222