Raja Si Reh Pagin

Teks       : Jesaya 9: 1 – 7

Kelahiran Raja Damai

9:1 (8-23) Tetapi tidak selamanya akan ada kesuraman untuk negeri yang terimpit itu. Kalau dahulu TUHAN merendahkan tanah Zebulon dan tanah Naftali, maka di kemudian hari Ia akan memuliakan jalan ke laut, daerah seberang sungai Yordan, wilayah bangsa-bangsa lain.
9:2 (9-1) Bangsa yang berjalan di dalam kegelapan telah melihat terang yang besar; mereka yang diam di negeri kekelaman, atasnya terang telah bersinar.
9:3 (9-2) Engkau telah menimbulkan banyak sorak-sorak, dan sukacita yang besar; mereka telah bersukacita di hadapan-Mu, seperti sukacita di waktu panen, seperti orang bersorak-sorak di waktu membagi-bagi jarahan.
9:4 (9-3) Sebab kuk yang menekannya dan gandar yang di atas bahunya serta tongkat si penindas telah Kaupatahkan seperti pada hari kekalahan Midian.
9:5 (9-4) Sebab setiap sepatu tentara yang berderap-derap dan setiap jubah yang berlumuran darah akan menjadi umpan api.
9:6 (9-5) Sebab seorang anak telah lahir untuk kita, seorang putera telah diberikan untuk kita; lambang pemerintahan ada di atas bahunya, dan namanya disebutkan orang: Penasihat Ajaib, Allah yang Perkasa, Bapa yang Kekal, Raja Damai.
9:7 (9-6) Besar kekuasaannya, dan damai sejahtera tidak akan berkesudahan di atas takhta Daud dan di dalam kerajaannya, karena ia mendasarkan dan mengokohkannya dengan keadilan dan kebenaran dari sekarang sampai selama-lamanya. Kecemburuan TUHAN semesta alam akan melakukan hal ini.

9:1 Tapi negeri e labo lalap i bas kepiceten.

Raja si reh pagin

Daerah si iani suku Sebulon ras Naptali, nai igombang-gombangi; tapi denggo ipehaga, mulai i Lawit Tengah nari ku kenjulu, ku daerah si lit arah lepar Lau Jordan, ingan bangsa-bangsa si deban. 

9:2 Bangsa si nggeluh i bas kegelapen enggo ngidah sinalsal si erkinar. Kalak si ringan i bas awih-awih kematen enggo isalsali terang si harhar. 

9:3 Enggo iberekenNdu keriahen si mbelin, o TUHAN, malem atena ibahanNdu.

Meriah ukurna ngidah perbahanenNdu, bali ras kalak si ermeriah ukur tupung paksa peranin, tah pe asum mbagi-mbagiken barang rampasen.

9:4 Sabap enggo iambekkenNdu babanna si mberat, enggo ipenggelkenNdu lanja-lanja si erbanca mesui barana. Bangsa e enggo italukenNdu, bangsa si alu kejam nindas bangsaNdu, enggo italukenNdu ia bagi tentera Midian nai.

9:5 Sepatu tentera si reh nerang bangsaNdu, bage pe uisna si megara erkiteken dareh, isuluh keri ipan api.

9:6 Sekalak anak enggo tubuh man banta, anak dilaki ibereken banta. Ia me pagi jadi peminpinta.

Ia igelari: “Penampat si meganjangna”. “Dibata si Mada Kuasa”. “Bapa si Rasa Lalap”. “Raja Dame”.

9:7 Kuasana tetap reh belangna; janah kerajanna lalap lit i bas dame. Ia jadi gancih Raja Daud.

Ia merentah erpalasken kebenaren ras kebujuren, genduari nari seh rasa lalap. Si enda kerina jadi sabap bage kap sura-sura TUHAN si Mada Kuasa.

Tema     : Raja Si Reh Pagin

Tujuan  : Gelah Mamre:

• Nikapken dirina ibas ngalo-ngalo kerejen Tuhan Jesus.
• Ola sangsi, kai si padanken Dibata kerina terjadi.

I. KATA PENARUH

Ibas pertengahen tahun 1960-an ilakoken me sada penelitian kerna dampak gelap nandangi cara berfikir ras perukuren manusia. Dua kalak ikut ibas penelitian enda alu bengket kubas dua gua si terpisah. Para peneliti mperdiateken uga kebiasan si dua kalak enda tep-tep wari subuk ia tunduh, medak, ma, rsd. Jelma si pemena ngasup nggeluh ibas kegelapen total selama 126 wari, janah jelma si peduaken ngasup nggeluh selama 88 wari. Dua kalak enda la pernah rukur ngasup tahan ibas kondisi gelap bage dekahna, janah si menarik dua kalak enda rata-rata tiap wari erpengakap maka ia tunduh terjeng piga-piga jam ngenca, tapi para peneliti si mperdiateken kebiasan kalak enda ngkira maka rata-rata tep-tep wari kalak enda tunduh 30 jam. Kegelapen kepeken erbahan manusia bingung janah erdekahna erbahanca manusia lanai sadar kerna kai si idalanina. Guna sie me Dibata reh ku doni enda, gelah manusia ngasup ngidah terang e janah nggeluh ibas terang e. Ibas bahan PA-nta minggu enda si erkawiten ras minggu Advent ngerana kita kerna nubuaten Nabi Jesaya kerna Dibata si pasti reh jadi Raja guna nerangi kegeluhen bangsaNa.

II. URAIAN TEKS

Kitab Jesaya eme kitab profetik (menyuarakan suara kenabian) man bangsa Israel. Kitab enda terbagi ibas dua bagin mbelin. Pasal 1-39 eme bagin sipemena (proto Jesaya) si nuriken kerna dosa ras kejahaten bangsa Israel bagepe nubuat kerna penghukumen/pembuangen si nandangi jadi man bangsa Israel. Pasal 40-46 eme bagin peduaken (Deuteron Jesaya) si nuriken kerna nubuat kebebasen, pengarapen, bagepe pemulihen si nandangi ilakoken Dibata man bangsana.

Orantenta eme bagin proto Jesaya si nuriken kerna bangsa Israel si enggo erdosa dingen nadingken Dibata, tapi ibas situasi si dem pengukumen, Dibata mereken sada nubuaten kerna pengarapen maka Dibata mulahi bangsa Israel ibas pembuangen i Babel nari dingen Dibata nikapken masa depan si mbaru si dem alu kiniulin man bangsaNa. Gambaren kerna Israel ibas pasal enda eme lanai gambaren selaku si terhukum, tapi gambaren kerna anak si ikelengi dingen ialemi salahna.

Daerah sebulon ras Naptali eme daerah Israel utara, jadi mbarenda Israel pecah jadi dua Kerajaan, Israel utara 10 suku, Jehuda 2 suku. Israel utara enda si erkoalisi ras Aram janah anakna Jehuda guna nerang Asyur, jadi Jehuda la nggit, akibatna dung Asyur ngkernepken Israel utara, termasuk ngeradasken Sebulon ras Naptali. Emaka nina ayat enda Sebulon ras Naptali lanai igombang-gombangi, ertina lit pemulihen ije, pemulihen ibas situasi s idem kehancuren.

Jenari menarik ipake Jesaya bangsa si lit ibas kegelapen, awih-awih kematen enggo ngidah sinalsal si harhar, sinalsal si erkinar. Melala kel ipake Jesaya kata kegelapen, kesusahen, awih-awih kematen, ertina situasi si komplek, rumit, lengkaplah kiniseran ndai, enda situhuna nuduhken uga krisis kiniteken, krisis kepemimpinen, ekonomi, ras politik jadi ibas bangsa e. Banci ibayangken adi bangsa Dibata pe enggo kacau lanai erturi-turi, bobrok, apai ka bangsa si la nandai Dibata, enda me ikataken Jesaya kegelapen.

Jesaya ernubuat maka ibas situasi si mberat si reh nderpa bangsa Israel, penindasen si jadi, erbahan bangsa e dem alu kebiaren ras la lit arah geluhna si jelas. Emaka tupung Dibata pagi reh bangsa e isalsali alu terang si harhar si erbahanca bangsa e dem alu keriahen ukur, iandingken alu kalak si ermeriah ukur tupung peranin tah pe asum mbagi-bagiken barang rampasen. Ertina, kalak si nggejapken ngaloken pemere, keberuntungen, ngaloken ulih. Kerehen Dibata nalihken kebiaren jadi kejuah-juahen erkiteken sepatu tentera si reh nerang bagepe uisna si megara isuluh keri ipan api. Ertina, kalak si ersikap erperang/berkonflik ngadi guna erperang, kerina perlengkapan guna berkat erperang salih jadi kegeluhen si mbaru.

Gambaren Israel enda eme gambaren kecedan geluh manusia i doni. Adi perpulungen Tuhan raduken serayanna lanai siteken, lanai pang ngataken ras ndalaken kebenaren, apai ka kalak si la nandai Dibata? Jadi nina Jesaya lalit solusi di deban si jadi jalan keluar selain idungi alu sederhana alu kerehen terang e, eme Dibata sendiri. Enda me maka isingetken Jesaya kerna kerehen sekalak anak dilaki si jadi pemimpin, Ia igelari penampat si meganjangna, Dibata si Mada Kuasa, Bapa si Rasa Lalap, Raja Dame. Nubuaten enda eme nubuaten si ncidahken kerna kerehen Jesus Kristus, si reh ibas kesusuren Daud nari, janah Raja si reh pagin e labo raja si ermasap-masap bagi raja-raja doni enda sabab Ia erkuasa genduari nari seh rasa lalap. Empat gelar si ibabaNa nuduhken lalit si ngasup bagi Ia janah kerehenNa jadi Raja eme maba dame nandangi kegeluhen manusia.

III. PENGKENAINA

Ibas minggu enda bengket kita ibas minggu Advent, si ertina nimai/menanti. Pemena, kita ersikap nimai kerna ketubuhen Jesus si iperingeti kita ibas peristiwa Natal. Peduaken, kita nimai kerehen Jesus peduakaliken jadi Raja si ngeranaken/menghakimi kerina kegeluhen i doni enda. Kita nimai tapi kita nimai si enggo pasti reh, pasti jadi.

Adi reh temanta ku rumah, pasti sipesikap rumahta guna ngalo-ngalo tamu si reh e. Apaika adi ikataken kerehen Tuhan Yesus, empuna doni ras Raja segala Raja? Emaka persikapenta ngalo-ngalo Raja si reh pagin e tentu arus alu persikapen secara fisik bagepe pusuh. Sipesikap halaman ras kebersihen gerejanta ras rumahta, sipesikap koor/vocal grup Mamrenta, puji-pujinta man Tuhan ibas Natal enda. Janah lebih asa sie Tentu arus kupekena diringku, lanai erelem-elem, cian, rubat, nggeluh erdame. Pergerejaku, pertotonku, ras kekelengenku tentu arus kupesikap guna ngalo-ngalo ras mpetubuh Jesus e jadi keselamaten man doni enda.

IV. DISKUSI

1. Oge ulihi Jesaya 9:3-5, Kai nge si erbahanca maka meriah ukur bangsa Dibata ngaloken terang si harhar si ibereken Dibata?
2. Cuba turiken kai-kai saja nge si banci ilakoken Mamre subuk ibas jabu, perpulungen, ras Masyarakat guna ersikap ngalo-ngalo kerehen Jesus, subuk ibas peristiwa Natal bagepe ibas kerehenNa pagi peduakaliken ku doni enda?

Usulen Lagu

• KEE GBKP No. 372: 1-2
• KEE GBKP No. 354: 1-2
• KEE GBKP No. 41: 1-2
• KEE GBKP No. 343: 1- (persembahen)

Pdt. Ebeneser Karosekali, S.Si., MM.
HP: 0812 2371 8778