BIMBINGAN PA MAMRE
TANGGAL, 28 SEPTEMBER – 04 OKTOBER 2025
Teks : Perbahanen Rasul-rasul 20: 18-21
Tema : Erdahin Sebage Aktualisasi Diri
Tujuan : Gelah Mamre:
- Ngasup megenggeng ibas ndahiken dahin si enggo ibereken Tuhan
- Njadiken pengalamen erdahin jadi perdalinen kiniteken ras Tuhan
20:18 Sesudah mereka datang, berkatalah ia kepada mereka: “Kamu tahu, bagaimana aku hidup di antara kamu sejak hari pertama aku tiba di Asia ini: 20:19 dengan segala rendah hati aku melayani Tuhan. Dalam pelayanan itu aku banyak mencucurkan air mata dan banyak mengalami pencobaan dari pihak orang Yahudi yang mau membunuh aku. 20:20 Sungguhpun demikian aku tidak pernah melalaikan apa yang berguna bagi kamu. Semua kuberitakan dan kuajarkan kepada kamu, baik di muka umum maupun dalam perkumpulan-perkumpulan di rumah kamu; 20:21 aku senantiasa bersaksi kepada orang-orang Yahudi dan orang-orang Yunani, supaya mereka bertobat kepada Allah dan percaya kepada Tuhan kita, Yesus Kristus.
- KATA PENARUH
Lit sada penungkunen si penting si arus si renungken: apakah pendahinta e hanya kewajiban duniawi saja, ntah pe bagin i bas panggilen si bereken Dibata man banta? Johanes Calvin pernah ngataken maka dahinta, kitik ntah pe sederhana, eme bagin ibas “Panggilan Ilahi”. Ibas tep-tep dahin, Dibata hadir, janah kita iajuk guna ndahikenca alu bulat ukur. Kita erdahin labo guna guna manusia saja, tapi guna Dibata si ngidah ras si ngadili tep-tep usahanta.
Aktualisasi diri berarti menyatakan potensi dan bakat yang Tuhan berikan dalam hidup kita. Saat kita bekerja dengan tekun, kita bukan hanya menghasilkan sesuatu, tetapi kita mengungkapkan potensi yang Tuhan telah percayakan kepada kita. Paulus mengajarkan kita bahwa pekerjaan bukan hanya sekedar rutinitas, melainkan sebuah panggilan untuk menyalurkan iman kita dalam tindakan nyata, sekaligus wujud pelayanan yang tulus kepada Tuhan.
Dahin si ilakoken kita tep-tep wari, subuk i kantor, i rumah, ntah pe i juma, e me panggung i ja kita ncidahken kesetiannta man Allah. Batar-batar e me inganta mpersembahken persembahannta, mpersembahken kinigenggengen, kiniteruken ukur, ras komitmen sit ulus. Enda me si iajarken Paulus man Perbahanen Rasul-rasul 20:18-21. Paulus erdahin
- URAIAN TEKS
Lit sekalak tukang kayu si enggo ertahun-tahun erdahin, erbahan perabot si sederhana alu tan ras pusuhna. Bas sada wari nungkun sekalak anak perana man bana, “La kin latih akapndu erdahin lalap? La kin dahin enda mesera janah maun-maun erban bosan?”
Senyum tukang kayu e janah nina, “Tiap kayu si kuukir, kuakap bagi ngukir kegeluhenku sendiri. Adi alu pusuhku erdahin, mejile kel ulihna. Tep-tep perabotan si kubahan eme tanda pengataken bujurku man Dibata si mereken gegeh ras ketrampilen enda man bangku. Alu erdahin situhuna kupeseh pengataken bujurku man baNa.”
Arah bahan ogenta ibas ayat 18: “Ietehndu kuga aku nggeluh dingen erdahin tep-tep wari…” Paulus hadir sebage pemimpin si transparan, la cebuni ntah pe ndauh i bas bangsana nari. Ia nggeluh ras kalak e alu tutus, mereken usihen arah perbahanenna. Enda ngajarken maka pemimpin si tuhu-tuhu hadir i tengah-tengah jelam si nterem, kehadirenna banci igejapken, janah keteladanen geluhna ngerana lebih asangken kata-kata saja. Ayat 19: “Alu ukur meteruk ukur kudahi dahin Tuhan…” Paulus ngingetken maka pelayanen man Dibata rusur berarti menghadapi tangia ras tantangen. Meteruk ukur labo berarti la lit perbeben, tapi tetap setia ibas perbeben. Ngelai eme sada dalan si ndauh si dem pengorbanen, tapi ije me kuasa keleng ate Dibata nemani kita. Ayat 20: “Amin bage gia la pernah aku surut nehken si mehuli man bandu…” Paulus la milih-milih i bas nehken kebenaren. I lebe-lebe jelma si nterem ras i rumah, ngerana ia kerna kata Dibata si banci mpegegehi perpulungen. Berita enda nuduhken maka pengajaren kerna keleng ate Dibata banci idatken i japa pe – labo saja I bas perpulungen, tapi pe i bas percakapen tep-tep wari. Ayat 21: “Kuusahaken pe gelah kalak Jahudi bage pe kalak…” Tugas Paulus jelas eme mabai kerina jelma, la terkecuali ku bas pertobaten ras kiniteken man Kristus. Berita Si Meriah e guna kerina jelma, la erndobahen, janah iusahaken Paulus gelah kerina jelma nggejapken keleng ate Dibata.
- PENGKENAINA
Ibas Bahan PA Mamre nta lit piga-piga poin sijadi refleksi man banta kerina:
- Megenggeng Sebagai Bentuk Pengataken Bujur Man Dibata
Bagi tukang kayu, Rasul Paulus pe sekalak si la erngadi-ngadi erdahin. Aminna pe melala tentangen si iadapina, tetap ia megenggeng. Nina Paulus, ia ngelai Dibata “alu kiniteruken ukur, alu tangis, alu pecuban” (Perbahanen Rasul-rasul 20:19). Kita pe idilo guna tutus ndahiken dahinta – subuk erdahin i bas kantor, usaha, ntah pe i juma. Dibata ngergai pusuh si megenggeng, si la erngadi-ngadi amin gia tantangen reh ras lawes. Adi kita megenggeng, siungkapken man Dibata maka tek kita
- Erdahin jadi ingan Guna Bertumbuh Kiniteken
I bas tep-tep dahin, pasti ijumpai tantangen, perbeben, bahkan kegagalen. Pernah nge siukuri maka Dibata si nempa kita arah pendahinta? Tep-tep tantangen si ihadapi kita i bas dahin, teman sada dahin si mesera, tujun si meganjang, ras keadaan si la isangka-sangka, eme bagin i bas perdalanen kinitekenta. Sanga kita erdahin, reh sabarna kita, erlajar kita ernalem man Dibata, janah sidat cara si mbaru guna ngalaken masalah. Rasul Paulus la menyerah adi jumpa tantangen; tek ia maka Dibata hadir i bas tep-tep dahin si idahikenna. Bagepe iajuk kita gelah erkiniteken si paguh, tek maka Dibata hadir ras erdahin arah tep-tep langkah pendahinta. Ikataken Paulus maka ia la pernah ngadi mberitaken kebenaren amin gia melala tantangen. I bas kerina pendahinta, kita iajuk gelah erkiniteken si paguh, tek maka Dibata nemani kita tep-tep langkahnta.
- Jadi Pasu-pasu man Kalak Si Deban
Megenggeng membentuk karakter si megegeh ras jadi pasu-pasu man kalak si deban. Ibas kita Mamre tutus ndahiken dahinta maka kalak sideban ngidah erga kesetian, ketulusen ras ketutusen. Ibas paksa si e, kita jadi terang ibas lingkungenta. Kalak isekelewetta banci ngidah maka Dibata erdahin arah kita, janah enda sada kesaksin kegeluhen si megegeh. Kegigihen pe ngajari kita guna ngenehen lebih mbages asangken hanya hasil ntah pe tujun. Iajarina kita guna ngergai prosesna, si rusur jadi ingan si mbelinna kita berkembang.
- SHARING
Cuba mbagiken pengalamen pendahinndu sendiri man anggota Mamre. Banci jadi lit masa-masa sulit si erbahanca kam nggit menyerah, ntah pe mungkin lit pengalamen i ja idahndu Dibata erdahin alu cara si la isangka-sangka. Turiken kuga Dibata nemani ras mpegegehi kam, janah kuga kinigenggengenndu kedungenna maba ulih si mehuli.
Usulen Lagu
- KEE GBKP No. 102: 1,4
- KEE GBKP No. 194: 1-3
- KEE GBKP No. 201: 1,3
- KEE GBKP No. 315: 1- (persembahen)
Pdt. Berandes Ginting, S.Th., M.Psi.
HP: 0812 6905 4130