Njaga Kesehatan Tendi Ras Kula

Teks       : 1 Timotius 5: 17-23

1 Timotius 5: 17 – 23

Beberapa petunjuk dan nasihat lagi

5:17 Penatua-penatua yang baik pimpinannya patut dihormati dua kali lipat, terutama mereka yang dengan jerih payah berkhotbah dan mengajar.
5:18 Bukankah Kitab Suci berkata: “Janganlah engkau memberangus mulut lembu yang sedang mengirik,” dan lagi “seorang pekerja patut mendapat upahnya.”
5:19 Janganlah engkau menerima tuduhan atas seorang penatua kecuali kalau didukung dua atau tiga orang saksi.
5:20 Mereka yang berbuat dosa hendaklah kautegor di depan semua orang  agar yang lain itupun takut.
5:21 Di hadapan Allah dan Kristus Yesus dan malaikat-malaikat pilihan-Nya kupesankan dengan sungguh kepadamu: camkanlah petunjuk ini tanpa prasangka dan bertindaklah dalam segala sesuatu tanpa memihak.
5:22 Janganlah engkau terburu-buru menumpangkan tangan atas seseorang dan janganlah terbawa-bawa ke dalam dosa orang lain. Jagalah kemurnian dirimu.
5:23 Janganlah lagi minum air saja, melainkan tambahkanlah anggur sedikit, berhubung pencernaanmu terganggu dan tubuhmu sering lemah.

Tema     : Njaga Kesehatan Tendi Ras Kula

Tujuan  : Gelah Mamre:

• Ngasup njaga kesehaten tendi ras kula
• Ngasup ngergaken kulana selaku Rumah Pertoton

I. KATA PENARUH

Menurut UU No. 23 tahun 1992 kerna Kesehatan nina, “Kesehatan adalah keadaan sejahtera dari fisik, mental dan sosial yang memungkinkan setiap orang hidup produktif secara sosial dan ekonomi”. Arah penjelasen enda telu hal enda usur erbanding lurus, sehat lahir ras batin. Kesehaten fisik teridah arah lalitna si mesui bas daging kula. Kerina organ kula erfungsi aku normal, la lit gangguan kai pe. Kesehaten mental uga pikiren, emosi ras spiritual sehat. Kesehaten sosial teridah uga kengasupen ergaul, erkomunikasi, ras temanna manusia erkiteken manusia e mahluk sosial. Ia butuh kalak si deban ras merhat iergaken dingen ialoken bas komunitasna. Erkiniteken labo terjeng ngerana kerna sorga saja tapi ngerana kerna doni si lit hubungenna ras kita tupung nggeluh bas doni enda. Jesus pe sedekah la ngelai bas doni enda, melala kal mereken pengajaren kerna kebenaren kata Dibata, mpepalem kalak si pinakiten, mpelawes kalak si saluki setan, rsd. Ertina kesehaten lahir batin ilayani Jesus i doni enda.

II. URAIAN TEKS

Surat 1 Timotius enda itulisken Paulus man Timotius. Timotius e kalak Kristen singuda denga secara umur tapi situhuna ia enggo dewasa i bas cara rukur, mental ras kiniteken bage pe kualitas geluhna enggo teruji. Asalna ia Asia Kitik nari, nandena kalak Jahudi, bapana kalak Junani. Dua latar belakang nande ras bapana enda mbentuk kerangka erfikirna mehuli arah pengajaran agama Jahudi itambah filsafat ras budaya Junani. Ia jadi teman Rasul Paulus i bas pebelangken Berita Si Meriah. Timotius jadi tim Paulus i bas erMisi dingen mbentuk gereja-gereja si mbaru.

Isi surat 1 Timotius enda ncakapken telu persoalan penting si ialaken Timotius i bas perpulungenna. Pemena, pertenget kerna pengajaren si papak. Senjata Iblis si hebatna e labo intimidasi, terror tapi mimbar pengajaren si papak/sesat. Tempa-tempa pengajaren e kebenaren Tuhan tapi si tuhuna palsu, akap dalan pinter kepeken dalan ku kebenen. Peduaken, ngaturken perpulungen gelah ratur i bas kebaktin bage pe i bas dahin-dahin perpulungen. Peteluken, tugas Timotius selaku pemimpin man perpulungen Tuhan. Pengangkan ras pengajaren erdampak kal ku bas kegeluhen tep-tep wari erkiteken e labo terjeng bas ruang ibadah tapir uang kegeluhen. E maka kiniteken arus terhubung ku bas kegeluhen. Umpamana, konsep kula i bas alam pikiren Junani ianggap teruhen asangken tendi. Dualism enda erbahanca tendi lebih iergai asangken kula si ermasap-masap. Kula enda erdosa ras macik sedang tendi badia ras la ermasap-masap. Lit ka kelompok tertentu ajarenna erpantang pangan sabab e erkawiten ku keselamaten.

Piga-piga pesan Paulus si erkawiten ku kesehaten kula ras tendi si jadi gelemen Timotius i bas mimpin perpulungen si ikepkepna e me:

• Pemena, pertua-pertua si ertanggung jabab meritaken Berita Si Meriah dingen ngajar aruslah iperdiateken ras iergaken. Teptep pendahin maba jelma e reh ulina dingen maba keterkelinan aruslah iergaken. Teptep pendahin e arus iergari ras meherga akapna bana ras dahinna e. Jelma si lanai ngasup ngergai kalak, ngergai dahin pastilah geluhna e la ernilai. Bahaya adi bas perpulungen la lit si ergan pekepar. Em ciri-ciri gereja si la sehat.
• Peduaken, cara rukur arus rembang Tengah, ula mihak-mihak ras ula merudu nangkuhken si erdahin Tuhan ope lenga ia iuji, isepuh, iseleksi rikutken kata Dibata. Merudu i bas erkai pe banci labo erban dahin e dung tapi banci nadingken dahin (PR) jangka panjang erkiteken ceda si ibahanna. Sekalak Pertua/pemimpin arus selektif ras iuji Timotius lebe segelah motivasina melayani e la ncedai kiniteken arah pengajaren si banci saja ipake iblis guna meneken (menyesatkan) perpulungen e.
• Peteluken, jagalah kesehaten alu man pangan si maba kejuah-juahen man daging kula. Inemlah si tek anggur gelah sikap beltekndu, nina Paulus man Timotius. Mediate kempak kesehaten pe salah sada pendilo ku bas panggilen ngelai Tuhan. Kai si ikataken Paulus enda labo mbenarken mabuk-mabuken. Inemen si er alkohol ipake labo terjeng takaren tapi arus guna tujun kesehaten. Teks si man oratenta wari enda melala isalahtafsirken guna pembenaren i bas penyalahgunaan anggur (alkohol). Si tuhuna tujunna guna kesehaten Timotius. Minem anggur bas doni kuno melala ipake guna tujun kesehaten, misalna: keluhen pencernaan, tonik, ras netralken lau si la murni. I Efesus ingan Timotius melala kal guru-guru perguak si nyesatken alu praktek ras cara nggeluh asketis (nerapken bana, mantangken pangan tertentu). Tempa-tempa pangan nentuken keselamaten. I bas si e Paulus setuju penggunaan anggur kuno guna tujun pengobaten masalah pencernan erkiteken Timotius lit masalah kesehaten beltekna. Pesan Paulus segelah Timotius njaga kemurnin diri ndalanken si enda kerina ula sempat terjebak ku bas asketisme si salah arah pengajaren guru-guru perguak.

III. PENGKENAINA

Kesehaten kula ras tendi e penting kal ijaga. Kulanta enda e me kap rumah pertoton Tuhan. Kulanta enda arus jadi alatta guna mpermuliaken Tuhan. Labo lit jelma si la pernah sakit. Hanya saja ula pernah darami dalan gelah sakit tapi daramilah kesehaten. I bas buku “Bagaimana Mengatasi 7 Stress Yang Mematikan” nuriken lit lima faktor penentu kesehaten e me: Apa yang kita fikirkan, apa yang kita katakana, apa yang kita lakukan, apa yang kita makan dan apa yang kita warisi. Ertina si lima faktor enda me jadi penyebab kita sehat ntah sakit. Ise njaga lima factor enda alu mehuli maka sangana ia jadi alat Tuhan guna maba kejuah-juahen man isi doni. Maun kita si enggo sakit la saja e erdampak man banta tapi pe man kalak si deban. Umpana saja, kehadirenta enda menularkan penyakit man temanta atau menurunkan penyakit man anak kempunta. Pinakit arus iputus alu pola hidup di sentudu ras sura-sura Tuhan ras prinsip-prinsip kesehaten.

Kesehaten total e la terjeng la litna pinakit, tah pinakit mental, emosional, fisik tapi litna interaksi kesah, tendi ras kula alu hubungen dinamis ras harmonis. E maka nina Paulus i bas 1 Tesalonika 5:23 “Dibata si mereken kemalemen ate man banta, erbahanca kam badia I bas kai pe, janah IA si ngkawali kam, kesahndu, tendinndu, ras kulandu bersih i bas kesalahen nari asum kerehen Tuhanta Jesus Kristus pagi”. Kesehaten total imulai alu kesadaren maka bas kita manusia lit i bas telu unsur si berbeda e me kesah, tendi ras kula. Jadi si ibere man ula saja daging kula tapi pe tendi ras kesah alu nutrisi si berbeda kal sada ras sidebanna.

Alkitab nuriken kerna kesehaten secara holistic e me kula, tendi, kesah seh ku bas kesehaten Dibata mediate nandangi kesehaten manusia, alu mereken aturen pangan si banci ipan (Im. 11), erbage-bage ketentun si arus ilakoken man kalak kusta (Im. 13-14) rsd. I bas Padan Si Mbaru, Jesus igambarken sekalak si mpepalem kalak si sakit, Jesus mediate kempak kesehaten jelma. Kesehaten arus jadi dalan muji Tuhan. Lit kata bijak ngataken: “Jadikanlah makanan itu menjadi obat bagi tubuhmu, jika tidak maka tinggal menunggu waktunya obat itu akan menjadi makananmu”. Pangan e arus njadiken kita reh sehatna labo njadiken kita reh sakitna. Bijak milih ras milah pangan. Sehat pertendin arus berdampak ku bas sehat kula ras kinitekenta man Tuhan Dibata.

IV. DISKUSI

1. Rikutken nats PAnta, kai si arus ilakoken njaga kesehaten kula ras tendi?
2. Kai hubungen kesehaten kula ras tendi i bas kegeluhen sehari-hari?

V. Usulen Lagu

• KEE GBKP No. 15: 1-2
• KEE GBKP No. 59: 1-2
• KEE GBKP No. 184: 1-2
• KEE GBKP No. 227: 1- (persembahen)

Pdt. Daud R.T. Sembiring, S.Th.
HP: 0821 6885 1300