TUHAN NGANGKAT PENJAGA BANGSANA

Esekiel 3:16-21

Yehezkiel 3: 16 – 21

3:16 Sesudah tujuh hari datanglah firman TUHAN kepadaku: 3:17 “Hai anak manusia, Aku telah menetapkan engkau menjadi penjaga kaum Israel. Bilamana engkau mendengarkan sesuatu firman dari pada-Ku, peringatkanlah mereka atas nama-Ku.
3:18 Kalau Aku berfirman kepada orang jahat: Engkau pasti dihukum mati! dan engkau tidak memperingatkan dia atau tidak berkata apa-apa untuk memperingatkan orang jahat itu dari hidupnya yang jahat, supaya ia tetap hidup, orang jahat itu akan mati dalam kesalahannya, tetapi Aku akan menuntut pertanggungan jawab atas nyawanya dari padamu.
3:19 Tetapi jikalau engkau memperingatkan orang jahat itu dan ia tidak berbalik dari kejahatannya dan dari hidupnya yang jahat, ia akan mati dalam kesalahannya, tetapi engkau telah menyelamatkan nyawamu.
3:20 Jikalau seorang yang benar berbalik dari kebenarannya dan ia berbuat curang, dan Aku meletakkan batu sandungan di hadapannya, ia akan mati. Oleh karena engkau tidak memperingatkan dia, ia akan mati dalam dosanya dan perbuatan-perbuatan kebenaran yang dikerjakannya tidak akan diingat-ingat, tetapi Aku akan menuntut pertanggungan jawab atas nyawanya dari padamu.
3:21 Tetapi jikalau engkau memperingatkan orang yang benar itu supaya ia jangan berbuat dosa dan memang tidak berbuat dosa, ia akan tetap hidup, sebab ia mau menerima peringatan, dan engkau telah menyelamatkan nyawamu.”

(Serayan)

MODEL PJJ: KESAKSIAN

KATA PERLEBE

Sekalak ahli teologi (Origenes asal Aleksandria) ngataken: “Selama orang masih hidup, tidak ada satu jam, siang atau malam, di mana ia tidak berutang.” Kita rutang ku bas 3 pihak:

1. Rutang man kalak si deban (melala si arus silakoken man kalak si deban).
2. Rutang man diri sendiri (njaga kesehaten kula ras perukuren).
3. Rutang man Dibata (ncidahken biakta selaku rupa Dibata).

Teptep wari e me kesempaten guna nggalari utang.

Dibata mereken tanggungjabap man kerina kalak si tek guna mabai kegeluhenna erguna man kalak si deban, terlebih i bas penandaina kerna Tuhan min mereken pengaruh ku sekelewetna (“influencer” – bdk. 1 Tim. 4:16). Sedar ntah lang, geluhta iperdiateken ras iusih kalak sideban. Mabai kalak si deban ndalanken kebenaren arah pengaruh kegeluhenta si la ngikutken cara doni enda.

ISI

Kitab Esekiel nuriken kerna pengalamen Esekiel si idilo Dibata jadi sekalak nabi (tahun 593 SM) tupung ia tading i taneh Babil ras kalak Juda sidebanna selaku tabanen. Kalak enda enggo nadingken Jerusalem mulai tahun 597 SM tupung italuken kerajan Babil. Paksa si ndai Esekiel sekalak imam i bas rumah pertoton i Jerusalem. Esekiel iangkut ku Babil radu ras raja Joyakin rikut pejabat-pejabat kerajan Juda.

Esekiel sekalak si pang ngerana kerna kebenaren kata Dibata man kerina kalak Israel si sedekah enda enggo nadingken Dibata, pusuhna si enggo batu-batun, lanai ernalem man Dibata. Gia Esekiel ngalaken kalak si erjabaten ras erpemeteh, tapi ia tetap ipengasup Dibata ngalaken situasi si la mehuli bas kalak Israel. Esekiel arus erkorban, ngenanami kiniseran guna keselamaten bangsa Dibata ras mpeseh kata i bas Dibata nari man bangsaNa.

Esekiel 3:16-21 alu judul “TUHAN ngangkat Esekiel jadi si erjaga” nuduhken lit pendahin si khusus isehken man Esekiel njagai bangsa Israel. Selaku si erjaga, ia arus tetap ersikap guna ngaloken kata Dibata ras mpesehsa man kalak Israel (ay. 16-17).  Esekiel arus mpersingeti i bas perbahanen si jahat si ilakoken bangsa enda sabab Dibata mindo pertanggungjabapen adi ia sinik (ay. 18, 20). Sebalikna, Dibata mereken keselamaten adi ia ngerana ras mpersingeti bangsa Israel alu kata Tuhan (ay. 19, 21). Lit piga-piga dampar si jadi pengajaren man banta arah ogen ta enda:

1. Dibata ngangkat penjaga man bangsaNa

• Penjaga i bas cakap Ibrani e me “tsa-phah” ertina: “orang yang mengintai”, “orang yang memata-matai”, “orang yang mengawasi” (ay. 17). Penjaga e me kalak si ertanggungjabap njagai kota ras “instalasi militer” i bas serangen musuh ras potensi bahaya sidebanna. Kota-kota Israel kuno megati namaken penjaga i bas dinding si meganjang ntah i bas menara pengawas. Tugasna e me erjaga-jaga ras mpersingeti penduduk kota kerna ancamen si nandangi reh.
• Penjaga ijenda i bas erti pertendin. Tuhan ngangkat nabi jadi penjaga “spiritual” nandangi pertendin bangsaNa. Tugasna selaku penjaga e me njemba bangsa pilihen Dibata gelah nggeluh alu setia ras mpersingetisa kerna bahaya nilah i bas Tuhan bagepe ndalanken perbahanen si jahat.
• Selaku penjaga, adi Esekiel gagal i bas mpersingeti kalak si deban nandangi kai si enggo itetapken Tuhan gelah ilakokenna, taruhenna e me kesahna jine (Esekiel 33:2-6). Sekalak penjaga si pentang ntah la patuh nandangi Kata Dibata erbahan kalak si arusna ilindungi nukah ikenai bahaya ras kiniseran (Jes. 56:10). Kepatuhen e me sada hal si penting kal i bas sekalak penjaga guna ndalanken dahin si isuruh man bana (Esekiel 33:9).
• I bas Padan Si Mbaru, dahin selaku penjaga ilakoken pemimpin gereja. Perpulungen iperentahken guna patuh man pemimpin gereja (Heb. 13:17). Labo saja man pemimpin tapi pe man kerina kalak Kristen jadi penjaga man sapih-sapih ia kalak si tek. Jesus mpersingeti ajar-ajarNa gelah erjaga-jaga ras ertoto gelah la ndabuh ku bas percuban. Ukur mehuli tapi daging kote kap (Mrk. 14:38).

2. Dahin selaku penjaga

• Esekiel arus mpeseh persinget i bas Dibata nari man bangsaNa kerna ukumen nandangi dosa ras kejahaten bangsa Israel. Ibegiken ntah langna, e kerina lit ulihna subuk man si ipersingeti bagepe man si mpersingetisa.
• Nabi Esekiel itugasken guna mpersingeti kalak si jahat bagepe kalak si benar sue ras kata Dibata. Adi kata Dibata man kalak jahat: “kalak jahat mate me!”, Esekiel la mpeseh kata e ntah la mpersingetisa maka kalak jahat ndai mate i bas dosana tapi Tuhan ngidoi Esekiel kerna kematenna. Adi Esekiel mpersingeti kalak jahat ras la ia jera maka mate me ia i bas dosana, tapi Esekiel selamat. Bage ka pe tentuna jadi man kalak benar si salih jadi jahat.
• Selaku penjaga Israel, Esekiel isuruh Tuhan segelah mabai bangsa enda jera ras mulih ku Dibata. La ate Dibata ngidah kalak si perdosa mate. Riahen ukurNa ngidah ia ngadi erbahan dosa gelah ia nggeluh (Esekiel 33:11).
• Bagi Esekiel siitugasken Dibata jadi penjaga man bangsa Israel, bage ka me kita selaku kalak si tek itugaskenNa jadi penjaga man kalak si deban e me si lit i sekelewatta (jadi penjaga ras man bana ras sebalikna).
• I bas geluhta arus radu ras mpersingeti tupung nilah i bas dalan Tuhan. Arus si persingeti kalak si ndalanken kejahaten (mis. korupsi) gelah ola ia bene i bas si ilakokenna. Ula erkiteken jabaten, kita ibabai jadi “penjilat”, mabai kita lupa uga arusna selaku kalak si tek man Kristus.
• Dahinta selaku penjaga e me mpersingeti ia kerna “keberdosaan”, mabai ia ku bas pertobaten. Dahin selaku penjaga lit pengaruhna ku bas kegeluhen si rasa lalap.
• I bas paksana pepagin, Dibata mindo pertanggungjabapen kalak si tek selaku penjaga, adi la sidalanken, sipediat me kalak si arusna sijaga bene i bas dosana. Sekalak penjaga arusna tetap erjaga-jaga. Nggeluh i bas Tuhan terus-menerus, kerembakenna ras Tuhan jadi gegeh guna mpengasup ia jadi penjaga bagepe i bas megiken kata Tuhan.

PENGKENAINA

Kita kerina iajuk guna jadi pelayan Tuhan si patuh ras setia ndalanken si ngena ate Dibata, ngajarken ras mabai kalak si deban gelah la erbahan dosa tapi nggeluh benar i adep-adepen Dibata. Khususna man serayan Tuhan e me Pertua ras Diaken si enggo sada tahun ngelai perpulungen i bas periode tahun 2024 – 2029 enda.  Ula pernah erbera-bera ukur ntah mbiar i bas nuriken kebenaren kata Dibata man ise pe ras i bas situasi si kuga gia. Adi ipediat perpulungen e erbahan dosa ras la silakoken kai pe selaku si mpermakani perpulungen e, la saja ipediat ia mate i bas dosa tapi pe serayan e pe ndatken ukumen. Dahin enda labo nukah, tapi selaku serayan Tuhan arus idalanken erkiteken erkawiten ras ”pertobaten ras keselamaten manusia”. Dahin selaku penjaga arus idalanken, kerna ibegikenna ntah lang kerina enggo lit ulihna i bas Dibata. Gia kalak si ipersingeti e mpedauh serayan Tuhan, ingetlah maka Dibata la sinik (bdk. Esekiel 2:6-7). Serayan Tuhan la saja mpelajari ras meritaken kata Dibata tapi pe nuduhken kegeluhen “berintegritas” (sue kata ras perbahanen). Enda jadi gegeh i bas ndalanken dahin selaku penjaga (“memiliki kehormatan dan kewibawaan ilahi”). Perpulungen pe ertanggungjabap guna natang-natang kerina serayan Tuhan subuk i bas toto ras dukungen sidebanna gelah ngasup serayanNa terus ngelai bagi si ngena ate Tuhan. Subuk serayan Tuhan bagepe perpulungen mengayak guna ndalanken misi GBKP e me “Menggali dan menumbuhkembangkan potensi jemaat untuk bersekutu dan bersinergi”. Arus siinget maka kerina perbahanen Dibata man banta labo guna dirinta saja, tapi jadi gegehta i bas ndahiken dahin pelayanen. La banci kita sinik saja ras “bersikap masa bodoh”. Ialoken ntah itulak kerna persinget arah Kata Dibata siipeseh labo e si utama, tapi uga kebenaren Kata Dibata ipeseh. Alu litna penjaga si ndalanken tanggungjabapna, tersehi kai siiarapken Dibata e me segelah kalak si ndalanken kejahaten, nadingken kejahatenna ras nembah Dibata.

DISKUSI/KESAKSIN

1. Turikenlah kai saja ilakoken Esekiel i bas ngaloken dahin selaku penjaga man bangsa Israel?
2. Turikenlah uga tanggapen ras penggejapenta selaku ngawan perpulungen i bas serayan Tuhan nehken kebenaren Kata Dibata guna mpepinter si nggeduk i bas kegeluhen perpulungen!
3. Kesaksin i bas Pertua ras Diaken (kenca 1 tahun) kerna ndalanken dahin selaku penjaga i bas perpulungen. Kai rongketna i bas ndalanken dahin selaku penjaga ras kai ka si mehuli ulih ndalankenca?

USULEN ENDE-ENDEN: :

1. KEE GBKP No. 319:1, 2
2. KEE GBKP No. 374:1, 2
3. KEE GBKP No. 350:1-2
4. KEE GBKP No. 381:1-3

DAFTAR BACAAN:

Pdt. Lestari br Bukit, S.Th. M.Div

HP/WA: 082186572233