ENDESKEN PERSEMBAHEN MAN TUHAN
Imamat 23:15-22
(Kerja Rani)
23:15 Kemudian kamu harus menghitung, mulai dari hari sesudah sabat itu, yaitu waktu kamu membawa berkas persembahan unjukan, harus ada genap tujuh minggu; 23:16 sampai pada hari sesudah sabat yang ketujuh kamu harus hitung lima puluh hari; lalu kamu harus mempersembahkan korban sajian yang baru kepada TUHAN. 23:17 Dari tempat kediamanmu kamu harus membawa dua buah roti unjukan yang harus dibuat dari dua persepuluh efa tepung yang terbaik dan yang dibakar sesudah dicampur dengan ragi sebagai hulu hasil bagi TUHAN. 23:18 Beserta roti itu kamu harus mempersembahkan tujuh ekor domba berumur setahun yang tidak bercela dan seekor lembu jantan muda dan dua ekor domba jantan; semuanya itu haruslah menjadi korban bakaran bagi TUHAN, serta dengan korban sajiannya dan korban-korban curahannya, suatu korban api-apian yang baunya menyenangkan bagi TUHAN. 23:19 Kemudian kamu harus mempersembahkan seekor kambing jantan sebagai korban penghapus dosa, dan dua ekor domba yang berumur setahun sebagai korban keselamatan. 23:20 Imam harus mengunjukkan semuanya beserta roti hulu hasil itu sebagai persembahan unjukan di hadapan TUHAN, beserta kedua ekor domba itu. Semuanya itu haruslah menjadi persembahan kudus bagi TUHAN dan adalah bagian imam. 23:21 Pada hari itu juga kamu harus mengumumkan hari raya dan kamu harus mengadakan pertemuan kudus, janganlah kamu melakukan sesuatu pekerjaan berat; itulah suatu ketetapan untuk selama-lamanya di segala tempat kediamanmu turun-temurun. 23:22 Pada waktu kamu menuai hasil tanahmu, janganlah kausabit ladangmu habis-habis sampai ke tepinya dan janganlah kaupungut apa yang ketinggalan dari penuaianmu, semuanya itu harus kautinggalkan bagi orang miskin dan bagi orang asing; Akulah TUHAN, Allahmu.”
MODEL PJJ: PARTISIPATIF
KATA PERLEBE :
Nehken persembahen Kerja Rani e me jadi salah sada encidahken identitas entah pe ciri khas i bas gerejanta GBKP. Sabab ngawan perpulungen GBKP kurang lebih 70% nggeluh i bas bidang pertanian nari. Jadi Kerja Rani “relevan” denga kal ku bas konteks kegeluhen gerejanta. Orangtuanta si adi seh pe ku kita bas paksa enda, kegeluhenta ku bas alam, juma, sinuan-sinuan bage pe asuh-asuhen. Arah kita njagai alam, maka banci iberekenna ulih si mehuli arah sinuan-sinuan bage pe asuh-asuhen. E maka man ngawan perpulungen GBKP si tading subuk i kuta bage pe kota enggo semal (biasa) man bana kerna kata tradisi rani bage pe Kerja Rani. Tapina man anak-anakta si tubuh i kota ras jarang mulih ku kuta, banci jadi istilah ras suasana rani ulih juma entah asuh-asuhen langa semal.
Erkiteken si e, genduari penting kal konsep Kerja Rani i bas Pustaka Si Badia si berlatarbelakang dunia pertanian, si tarik ku bas konteks GBKP i bas pengangkan maka kerina ulih pencarinta subuk arah ulih juma (dunia pertanian), asuh-asuhen, transportasi, pendahin arah erbinaga (wiraswasta) bage pe si pegawai, si gejap maka ulih pendahinta enda erkiteken Dibata si masu-masu kai si idahiken kita. Labo bekas gegehta jine. Erkiteken si e, ulih pencarinta (kai pe bentuk pendahinta) jadi kesempaten man banta lako ngakui, ngergaken perkuah ate Tuhan ras ngataken bujur man Tuhan arah persembahen Kerja Rani i bas tahun 2025 enda.
ISI :
Adi si pepayo bentuk-bentuk persembahen bangsa Israel i bas bahan PJJ-nta sekali enda, bentukna e me:
- Wari Paskah ras Wari Raya Roti si La Itama Ragi (ayat 5-14) e me perayan si berlangsung sada minggu guna nginget perbahanen Tuhan si mbebasken bangsa Israel i bas taneh perbudaken Mesir nari ras sekaligus perayan pengataken bujur (ucapan syukur) arah ulih juma (pertanian) ras asuh-asuhen (peternakan).
- Wari si pelima puluhken (Hari Raya Pentakosta) ilakoken sada wari guna ngerayaken paksa/musim rani (panen) gandum ras awal musim tupung mpersembahken pungo gandum si pemena. Perayan enda pe jadi perayan bangsa Israel nginget Tuhan si mbebasken bangsaNa i Mesir nari ras sekaligus Tuhan si nikapken taneh si njamin geluh bangsaNa.
Arah perayan keagaman enda, bangsa Israel maba persembahen kerja ranina si mehulina man Tuhan alu kata si deban la banci lit sitik pe si man pandangan. Em kualitas persembahen ulih rani si arus ibaba bangsa Israel man Tuhan. Enda kerina ilakoken sabab Tuhan me si erbahanca maka bangsa Israel banci pulah i Mesir nari seh ibere Tuhan man bana kerina taneh Kanaan inganna tading, erjuma, ngasuhi biri-biri, ras Tuhan me si masu-masu kerina pendahin ras usahana. I bas penggejapen si e me bangsa Israel maba persembahen si mehulina tupung perayan kerja rani e.
Tupung ilakoken perayan kerja rani e, ikataken i bas ayat 21: I bas wari e la banci idahindu dahinndu, tapi kam arus pulung guna ersembah man Tuhan. Ertina, i bas perayan kerja rani e bangsa Israel isuruh ermeriah ukur nggejapken perkuah ate Tuhan, si masu-masu maka peraninna e banci jadi erkiteken Tuhan. Tambah si e ikataken pe i bas ayat 21: kerina kesusurenndu arus ngikutken peraturen enda seh rasa lalap, subuk i ja pa pe ia tading. E ngatakenca maka tiap generasi (sinursur Israel) ngelakoken kerja rani enda alu patuh i ja pa pe ia tading. Ngelakoken kerja rani arus terus turah i bas pusuh tiap-tiap anggota keluarga. E maka tupung ngelakokenca kerina anggota jabu ikut i bas perayan e guna nggejapken (menghayati) erti kerja rani e.
Kerja rani i bas tradisi Israel pe lit ka aspek sosial entah pe diakoniana. Tupung iperani bangsa Israel jumana, la iperanina gandum si arah duru janah dikune lit gandum si tading, lanai iulihina mperanisa, sabab si tading e jadi sikerajangen kalak musil ras pertandang. Enda perentah Tuhan si isembahna (ayat 22). Alu bage, maka tupung bangsa Israel ngerayaken kerja rani, igejapna perkuah ate Tuhan si ialokenna arah ulih jumana, malem atena, cukup keperlunna. Tapi pe kecukupenna e ikut ka kalak si deban (kalak musil ras pertandang) ndatken panganna guna keberlangsungan geluhna. Jadi bangsa Israel terus iajuk guna ikut nampati kegeluhen kalak si lit isekelewatna si perlu isampati. Labo cukup man bana saja ngenca iukurkenna tapi kalak si deban pe perlu ka man ukuren.
PENGKENAINA :
I bas Tata Gereja, GBKP 2015-2025 Tata Laksana Pasal 178 Sumber Harta Milik, ayat 4 isuratken maka persembahen pesta panen (kerja Rani) salah sada sumber keuangen gerejanta. Janah arah ulih persembahen Kerja Rani 60% tading bas Runggun (Pasal 182) ras 40% setor ku Moderamen (pasal 184). Janah perlu pe si eteh ras-ras maka lit 3 pemasuken utama (sigalangna) i bas gerejanta GBKP e me Kolekte Kebaktin Minggu, Persepuluhen ras Kerja Rani. E maka iarapken kal gelah Serayan Tuhan (Pandita, Pertua, Diaken, Pertua Emeritus, Diaken Emeritus) njemba perpulungen muat bagin i bas pelaksanan kerja rani tahun enda. Jadi Serayan Tuhan bage pe kerina ngawan perpulungen si erbage-bage pendahina, ersikaplah guna mbaba persembahen kerja raninta si mehulina man Tuhan si metunggung, kasa ulih peranin sialoken kita, pepayo aspek metunggung ras ula mekarus. Sabab persembahen e si endesken man Tuhan si enggo masu-masu pendahinta, usahanta, jumanta, asuh-asuhenta, kesehatenta.
Kerna uga kita ngelakokenca tentu isesuaiken ras kengasupen bage pe kondisi runggunta masing-masing. Adi banci riahkenlah (pestaken) ras-ras temanta sada runggun tandana sigejapken perkuah ate Dibata si enggo masu-masu pendahin ras geluhta. Kerja Rani jadi pengakun ras wujud buktina kita ngergaken kuasa Tuhan i bas kerina kecibal geluhta. Ula lupa, libatken anak-anak KAKR ras Permata, aturken panitiana, sikapken runggun dana kerja rani arah kas runggun jadi bekal panitia erdahin. Jadi tiap tahun, enggo lit i bas anggaren belanja runggun dana kerja rani tiap tahun (tahun berjalan). Adi enggo dat ulihna, dari total keseluruhan kerja rani, setorken mis 40% ku Klasis/Moderamen. Pelaksanaan kerja rani ula min iraduken ras kegiatan pepulung dana sideban. Tapi si mehulina, pisahken min wari pelaksanan kerja rani ras pepulung dana program kerja runggun. Arihken i bas Runggun kerna jadwal kegiaten selama 1 tahun. Adi pelaksanan kerja rani silakoken bagi patutna maka kita pe sinehkenca dat pasu-pasu, gerejanta pe dat pasu-pasu, cukup dana subuk i Runggun, Klasis ras Moderamen guna ndalanken erbage-bage program kerja Koinonia, Marturia, Diakonia, Pembinaan Jemaat, biaya operasional Runggun/Klasis/Moderamen ras si debanna. Selamat ngelakoken Kerja Rani 2025.
DISKUSI :
- Turiken dage, kai nge ertina man bandu jine bage pe man gerejanta GBKP enda tupung meriah ukurta maba persembahen Kerja Rani-nta?
- Arihken dage uga si ban pelaksanan Kerja Raninta tahun 2025 enda gelah sigejapken maka Dibata kap si masu-masu kerina pendahinta ras mereken ulihna man banta? Turiken pendapatta.
USULEN ENDE-ENDEN: :
- KEE GBKP No. 201:1,2
- KEE GBKP No. 354:1-3
- KEE GBKP No. 385:1-3
- KEE GBKP No. 315:1,2
Pdt. Jekson Barus M.Th.
HP/ WA: 081370273729