Bapaku Si Melias

Teks       : Lukas 15: 11-32

Lukas 15:11-32

Perumpamaan tentang anak yang hilang

15:11 Yesus berkata lagi: “Ada seorang mempunyai dua anak laki-laki. 15:12 Kata yang bungsu kepada ayahnya: Bapa, berikanlah kepadaku bagian harta milik kita yang menjadi hakku. Lalu ayahnya membagi-bagikan harta kekayaan itu di antara mereka. 15:13 Beberapa hari kemudian anak bungsu itu menjual seluruh bagiannya itu lalu pergi ke negeri yang jauh. Di sana ia memboroskan harta miliknya itu dengan hidup berfoya-foya. 15:14 Setelah dihabiskannya semuanya, timbullah bencana kelaparan di dalam negeri itu dan iapun mulai melarat. 15:15 Lalu ia pergi dan bekerja pada seorang majikan di negeri itu. Orang itu menyuruhnya ke ladang untuk menjaga babinya. 15:16 Lalu ia ingin mengisi perutnya dengan ampas yang menjadi makanan babi itu, tetapi tidak seorangpun yang memberikannya kepadanya. 15:17 Lalu ia menyadari keadaannya, katanya: Betapa banyaknya orang upahan bapaku yang berlimpah-limpah makanannya, tetapi aku di sini mati kelaparan. 15:18 Aku akan bangkit dan pergi kepada bapaku dan berkata kepadanya: Bapa, aku telah berdosa terhadap sorga dan terhadap bapa, 15:19 aku tidak layak lagi disebutkan anak bapa; jadikanlah aku sebagai salah seorang upahan bapa. 15:20 Maka bangkitlah ia dan pergi kepada bapanya. Ketika ia masih jauh, ayahnya telah melihatnya, lalu tergeraklah hatinya oleh belas kasihan. Ayahnya itu berlari mendapatkan dia lalu merangkul dan mencium dia. 15:21 Kata anak itu kepadanya: Bapa, aku telah berdosa terhadap sorga dan terhadap bapa, aku tidak layak lagi disebutkan anak bapa. 15:22 Tetapi ayah itu berkata kepada hamba-hambanya: Lekaslah bawa ke mari jubah yang terbaik, pakaikanlah itu kepadanya dan kenakanlah cincin pada jarinya dan sepatu pada kakinya. 15:23 Dan ambillah anak lembu tambun itu, sembelihlah dia dan marilah kita makan dan bersukacita. 15:24 Sebab anakku ini telah mati dan menjadi hidup kembali, ia telah hilang dan didapat kembali. Maka mulailah mereka bersukaria. 15:25 Tetapi anaknya yang sulung berada di ladang dan ketika ia pulang dan dekat ke rumah, ia mendengar bunyi seruling dan nyanyian tari-tarian. 15:26 Lalu ia memanggil salah seorang hamba dan bertanya kepadanya apa arti semuanya itu. 15:27 Jawab hamba itu: Adikmu telah kembali dan ayahmu telah menyembelih anak lembu tambun, karena ia mendapatnya kembali dengan sehat. 15:28 Maka marahlah anak sulung itu dan ia tidak mau masuk. Lalu ayahnya keluar dan berbicara dengan dia. 15:29 Tetapi ia menjawab ayahnya, katanya: Telah bertahun-tahun aku melayani bapa dan belum pernah aku melanggar perintah bapa, tetapi kepadaku belum pernah bapa memberikan seekor anak kambing untuk bersukacita dengan sahabat-sahabatku. 15:30 Tetapi baru saja datang anak bapa yang telah memboroskan harta kekayaan bapa bersama-sama dengan pelacur-pelacur, maka bapa menyembelih anak lembu tambun itu untuk dia. 15:31 Kata ayahnya kepadanya: Anakku, engkau selalu bersama-sama dengan aku, dan segala kepunyaanku adalah kepunyaanmu. 15:32 Kita patut bersukacita dan bergembira karena adikmu telah mati dan menjadi hidup kembali, ia telah hilang dan didapat kembali.”

Anak si bene

11Iterusken Jesus ngerana nina, “Lit me sekalak perbapan, dua kalak anakna dilaki. 12Nina si nguda man bapana, ‘O bapa, bereken genduari man bangku erta-erta sikerajangenku.’ E maka ibagi bapana erta-erta e man anakna duana. 13Kenca piga-piga wari, idayaken anak si nguda e me sikerajangenna, jenari lawes ia ku negeri si ndauh. I je isia-siakenna duitna e. 14Kenca keri ibahanna duitna e, jadi me kelihen i bas negeri e, janah mulai me iakapna suhsah. 15E maka erdahin ia ras sekalak anak negeri e. Isuruhna ia ku juma ermakan babi. 16Nakan iba-iba babi e pe meriah nge min ukurna manca, tapi ise pe la mereken kai pe man bana. 17Dungna rukur ia, janah nina i bas ukurna, ‘Kerina si erdahin bapangku riba-iba panganna, tapi aku i jenda menam mate kelihen. 18Laweslah aku ndahi bapangku janah ningku man bana, O bapa, aku enggo erdosa man Dibata dingen ersalah man bandu. 19Lanai metunggung pe aku igelari anakndu.’ 20E maka berkat ia ndahi bapana.

Ndauh denga pe ia i rumah nari enggo idah bapana ia. Mekuah ate bapana, e maka kiam ia ngayakisa, idakepna janah iemaina. 21Nina anakna e man bana, ‘O bapa, aku enggo erdosa man Dibata dingen ersalah man bandu. Lanai metunggung pe aku igelari anakndu.’ 22Tapi idilo bapana juak-juakna nina, ‘Pedasken baba ku jenda uis si mejilena janah pakeken man bana! Tamaken cincin ku jari-jarina janah sepatui ia. 23Jenari geleh sada anak lembu si mburna, gelah erbahan pesta man-man kita. 24Sabap anakku enda nai enggo mate, tapi genduari enggo nggeluh mulihi; ia enggo bene, tapi genduari mulihken ia.’ E maka ibenakenna erpesta ras ermeriah-meriah.

25Tapi anakna sintua paksa e i juma. Asum ia i bas perdalanen i juma nari, lanai ndauhsa ku rumah, ibegina sora gendang ras sora rende. 26E maka idilona sekalak juak-juak, isungkunna nina, ‘Kai si jadi e?’ 27Erjabap juak-juak man bana, ‘Agindu enggo reh mulihken janah isuruh bapandu igeleh sada anak lembu si mburna, sabap agindu si enggo bene e enggo reh mulihken i bas mejuah-juah.’ 28E maka nembeh kal ate anak sintua e dingen la ia nggit ku rumah. E maka reh bapana nami-nami ia i darat. 29Ngaloi ia man bapana, ‘Enggo piga-piga tahun aku erdahin ras kam bagi sekalak juak-juak janah la pernah kusimbak katandu. Kai kin enggo iberekenndu man bangku? Sada anak kambing pe la iberekenndu man bangku gelah aku man-man ras teman-temanku. 30Tapi anakndu ah, enggo ikerikenna erta-ertandu ras diberu perdenggal, janah kenca ia mulihken minter igelehndu sada anak lembu pilihen si mbur!’ 31Ngaloi bapana, ‘O anakku, kam tetap ras aku janah kerina erta-ertangku sikerajangenndu kap. 32Tapi patut pe kita erbahan kerja man-man dingen ermeriah ukur, sabap agindu si nai enggo mate, genduari enggo nggeluh mulihi; ia enggo bene, tapi genduari enggo reh mulihken.’ ”

Tema     : Bapaku Si Melias

Tujuan  : Gelah Mamre:

• Meteh kuga liasna Dibata arah turi turin si ipeseh Yesus kerna anak sibene ibas ogen.
• Ngasup jadi Bapa simelias ibas jabu, gereja ras Masyarakat.

Metode: Nuriken Penggejaben ras Aksi

I. KATA PENARUH

Lit 4 Tipe bapa i bas doni enda, e me:

1. Tipe bapa yang dirindukan

Bapa yang dirindukan e me bapa si tedeh ate anak ngenen ia. Sada wari saja ia la rumah bagi sada tahun iakap anak-anak dekahna.

2. Tipe bapa yang dibutuhkan jika perlu

Bapa yang dibutuhkan jika perlu e me bapa si idarami anak-anakna tupung sangana anak-anak e perlu. Umpamana, perlu ia belanja, perlu ia uang kuliahna, minter idaramina bapana. Tupung sangana ia perlu e saja maka daramina bapana. Adi la lit perluna labo daramina. Labo man bapana anak-anak e curhat bicara lit pe persoalen ras perbebenna. Labo man bapana anak e ergani-gani

3. Tipe bapa yang diabaikan

Bapa yang diabaikan enda e me bapa si kehadirenna labo kel pentingsa. Ije ras la ije ladiate anak-anak e man bapana.

4. Tipe bapa pengganggu

Bapa pengganggu enda e me tipe bapa si adi i rumah bapana terganggu kel anak-anak. Pengen anak-anak la i je bapana. Adi tugas luar kota bapana mis meriah kal iakap anak-anak.

Arah 4 tipe bapa enda, tipe bapa si apai ngenda kita? Mari si etangkas arah bahan PA MAmreta sekali enda.

II. URAIAN TEKS

Kata Bapa i bas bahasa Ibrani e me אב (ab) ntah pe אבא (aba), si ertina bapa. Kata enda pe megati ipake kalak Jahudi guna nggelebuh bapana. I bas bahasa Junani kata bapa e me αββα (abba). Kata enda megati ipake guna ngelebuhken guru. Kata abba enda “mengandung arti rasa hormat ras keakrapen”. Ngartiken maka bapa e me kalak si perlu ihamati erkiteken kiniliasenna. Abba e me “figure” sekalak bapa si melumbar, dem alu kekelengen, penampat, guru, penasehat, tuan, kepala keluarga entah pe suku, nini bulang.

Lukas 15:11-32 e me perumpaman Jesus kerna keleng ate bapa man anakna. Erpalasken Lukas 15:11-32 enda, gambaren Jesus kerna keleng ate sekalak bapa man anakna, e me:

1. Keleng ate bapa man anakna la pernah erleka. Aminna pe anak e erbahan salah.
2. Keleng ate bapa seh mbelinna man anakna, alu saber itimaina anakna si bene mulih jera dingen mulih ku rumahna.
3. Keleng ate bapa man anakna dem alu keriahen ukur, ialo-alona anakna si bene mulih ku rumahna, janah ibanna kerja si mbelin guna anak e.
4. Kiniulin ras keriahen anak jadi kesangapen man sekalak bapa. Erdandanken si e, bapa tetap setia ngarak-ngarak kegeluhen anakna.
5. Belinen kap keleng ate sekalak bapa man anakna asangken kesalahen si ibahan anakna.

Gambaren keleng ate bapa enda pe nggambarken keleng ate Dibata man kalak pendosa. Meriah ukur Dibata adina kalak pendosa jera i bas dosana nari. Janah ersurak meriah malekat i Surga adina lit kalak perdosa jera i bas dosana nari.

III. PENGKENAINA

Bapa si melias e me pengarapen kerina anak-anak bage pe ndehara. Arah HUT Mamre si pe-30 ken enda iarapken Mamre ngasup jadi bapa si melias. Bapa i bas erti “Abba” Arah HUT Mamre enda mabai Mamre guna “merefleksiken” erti “Abba” i bas kegeluhenna. Jadi bapa si dem alu kekelengen nandangi isi jabuna. Sue bagi motto mamre GBKP, “Mamre erdiate, Mamre erpemere”.

Kehadiren Mamre selaku Bapa iarapken jadi bapa “yang dirindukan anak-anak” i tengah jabu. Erkiteken keleng ate kiniliasenna. Labo jadi bapa si idarami tupung perlu ngelitken keperlun geluh anak-anak saja. Labo ka pe jadi bapa si la ianggap erkiteken labo lit ngaruhna kehadiren bapa e. Labo ka pe jadi bapa si pengganggu. Selamat bertambah usia man kerina Mamre GBKP ertambah-tambah ka pe kiniteken ras keleng ate Mamre man isi jabuna.

DISKUSI

1. Erpalasken Lukas 15: 11-32, turiken uga cara mamre ncidahken keleng atena man anak-anak i tengah jabu!
2. Turiken kai si banci ilakoken mamre i bas HUT Mamre si pe-30 ken enda, kai si jadi bukti mamre ngasup jadi bapa si melias.

Usulen Lagu

• KEE GBKP No. 307: 1-3
• KEE GBKP No. 110: 1-3
• KEE GBKP No. 402: 1-2
• KEE GBKP No. 315: 1- (persembahen)

Pdt. Berandes Ginting, S.Th., M.Psi.
HP: 0812 6905 4130