Bahan Mamre 6-12 Juli 2025

July 8, 2025 Writer-1 Uncategorized 0

BIMBINGAN PA MAMRE

TANGGAL, 6 JULI – 12 JULI 2025

 

Teks       : Josua 1: 1-9

Tema     : Tetap ukur I Bas Tuhan

Tujuan  : Gelah Mamre:

  • Meteh Dibata mpetetap ukur Josua
  • Tetap ukur i bas ndalani erbage-bage kecibal geluh
Perintah TUHAN kepada Yosua untuk merebut tanah Kanaan

1:1 Sesudah Musa hamba TUHAN itu mati, berfirmanlah TUHAN kepada Yosua bin Nun, abdi Musa itu, demikian: 1:2 “Hamba-Ku Musa telah mati; sebab itu bersiaplah sekarang, seberangilah sungai Yordan ini, engkau dan seluruh bangsa ini, menuju negeri yang akan Kuberikan kepada mereka, kepada orang Israel itu. 1:3 Setiap tempat yang akan diinjak oleh telapak kakimu Kuberikan kepada kamu, seperti yang telah Kujanjikan kepada Musa. 1:4 Dari padang gurun dan gunung Libanon yang sebelah sana itu sampai ke sungai besar, yakni sungai Efrat, seluruh tanah orang Het, sampai ke Laut Besar di sebelah matahari terbenam, semuanya itu akan menjadi daerahmu. 1:5 Seorangpun tidak akan dapat bertahan menghadapi engkau seumur hidupmu; seperti Aku menyertai Musa, demikianlah Aku akan menyertai engkau; Aku tidak akan membiarkan engkau dan tidak akan meninggalkan engkau. 1:6 Kuatkan dan teguhkanlah hatimu, sebab engkaulah yang akan memimpin bangsa ini memiliki negeri yang Kujanjikan dengan bersumpah kepada nenek moyang mereka untuk diberikan kepada mereka. 1:7 Hanya, kuatkan dan teguhkanlah hatimu dengan sungguh-sungguh, bertindaklah hati-hati sesuai dengan seluruh hukum yang telah diperintahkan kepadamu oleh hamba-Ku Musa; janganlah menyimpang ke kanan atau ke kiri, supaya engkau beruntung, ke manapun engkau pergi. 1:8 Janganlah engkau lupa memperkatakan kitab Taurat ini, tetapi renungkanlah itu siang dan malam, supaya engkau bertindak hati-hati sesuai dengan segala yang tertulis di dalamnya, sebab dengan demikian perjalananmu akan berhasil dan engkau akan beruntung. 1:9 Bukankah telah Kuperintahkan kepadamu: kuatkan dan teguhkanlah hatimu? Janganlah kecut dan tawar hati, sebab TUHAN, Allahmu, menyertai engkau, ke manapun engkau pergi.”

 

  1. KATA PENARUH

Megati jel jelma terjebak ibas kebuntuan bahkan kegagalen ibas kegeluhenna. Labo erkiteken la lit pemeteh dingen ras potensi dirina, tapi erkiteken la tetap ukurna muat keputusen si mbelin ibas geluhna. Misalna ibas pendahin ras pencarin, adi la tetap ukur ibas nentuken pilihen, pendahinnta e labo danci maksimal ulihna sebab ibas ndalanisa pe dem alu keragu-ragun. Termasuk pe bagi sekalak si paksana sakit, ketetapan ukur e jadi sada faktor si penting ibas proses pertambarenna. Bage pe belinna ngaruhna ketetapen ukur man kita manusia, apaika adi ketetapen ukur e rehna ibasTuhan nari, bagi si nialoken Josua rikutken oratenta wari enda.

 

  1. URAIAN TEKS

Arah oratenta, enda si idah maka Dibata la mpengadi rencanaNa guna mabai umat Israel pulah ibas perbudaken Mesir nari, amin gia Musa suruh-suruhenNa enggo mate. Pendahin si mbelin e tetap nge iterusken Dibata alu muat gancih Musa, e me Josua. Amin gia estafet kepeminpinan e jadi sada hal si mbelin man Josua, tapi situhuna kerina e nggo ipersikapken Dibata ope dengan Musa mate (bdk. Bil. 27:18). E maka keputusen Dibata e labo rempet-rempet isehken man bana, sabab Josua enggo ikut ibas sepuluh dua kalak mata-mata si isuruh Musa bagi si iperentahken Dibata guna menyelidiki negeri taneh Kanaan e (bdk. Bil. 13:3-16, asum e gelar Josua e me Hosea). Situhuna Josua enggo ngidah taneh Kanaan e janah ietehna maka taneh e mehuli ras mehumur. Emaka banci ikataken, lanai bo kerna kesejahteraan bas ingan e si ibiarkenna guna ipetetap ukurna, tapi kerna persusuruhen Dibata guna minpin bangsa e si perlu ipetetap Dibata ukurna.

Josua pasti enggo nandai uga biak-biak kalak Israel ibas ia ngarak-ngarak kepemimpinen Musa ibas mabai bangsa i Mesir nari. Uga ngalaken jelma si mekeng buena ratusen ribu kalak, tentu jadi sinanggel ibas perukuren Josua asum ngaloken persuruhen Dibata e. Tambah si e ibas mengketi taneh Kanaan, la banci lang harus ipinpinna pe bangsa Israel guna erperang ngelawan bangsa si mbelin si ngiani kuta e. Janah mungkin ntah labo kari ia ngasup pe mereken tanda sengget bagi si ilakoken Musa i lebe-lebe Firaun. Kerina faktor e erbahanca maka seolah-olah tugas tanggung jawab e metahat guna ialoken dingen iterusken Josua.

Tetapi ibas mpetetap ukur Josua, Dibata mereken janjiNa man bana, eme:

  1. “Enggo kubereken man bandu ras bangsaku kerina taneh si idalanindu pagi” (ayat 3)

Dibata mereken janji si la erbatas man Josua, ku ja pe taneh si idalanina kerina e ibereken Tuhan. Ertina ibas kepeminpinenna Dibata merekan mandat penuh si la erbatas terkait kerna belangna taneh si man buaten. Hal enda penting sebab denggo terkait kubas pembagin taneh man suku-suku Israel. Banci ikataken maka Dibata mereken ‘modal si bias’ man Josua guna mpetetap ukurna.

  1. “Ise pe la ngasup naluken kam kidekah kam nggeluh… Aku tetap ras kam, la ndigen pe kam Kutandingken” (ayat 5)

Kematen Musa jadi sada situasi si banci erbanca turah penggejapen maka bangsa e ‘itandingken’, bali bagi penggejapen anak si itandingken melumang, sebab persona ras kharisma kepeminpinan Musa tuhu-tuhu tergejap kel man bangsa e. Tapi amin bage gia, Dibata jine ngatakenca man Josua maka ndigan pe la ate Dibata nadingken ia. Emaka la ate Dibata maka Josua e terdekahen erndele ate ibas kematen Musa, sebab aru ate e banci jadi sada kelemahen. Sedangken latar belakang Josua e me berkarakter prajurit si megegeh ibas minpin erbage-bage peperangen.

  1. “kam kap si minpin bangsa enda guna ndatken taneh si nggo Kupadanken man nini-ninina” (ayat 6)

Dibata pe mpetetap ukur Josua maka kerina rancangen Dibata naruhken bangsaNa seh ku Taneh Perpadanen e bakal terjadi ibas masa si i nanamina ibas nerusken dahin Musa. Si enda tentuna jadi kemalemen ate man Josua sebab ibas paksa si e umurna pe enggo cukup metua (bdk. Jos. 14:10, ituriken temanna Kaleb kerna umurna enggo 85 tahun). Selaku bagin ibas perdalanen ndarat i Mesir nari alu erbage-bage peperangen ras perjuangen, banci atan guna ngidah bangsa Israel ngiani taneh si enggo ipadanken Dibata e me sada pemere si mbelin kal man Josua.

 

 

  • PENGKENAINA

Selaku kalak si erkiniteken, arus kita tek man Dibata pe tetap ndalanken ras ndahiken sura-suraNa si mehuli nandangi kita kerina. Amin gia pe mawen jadi ka si la bagi ukur, tapi labo e ngatakenca Dibata mpengadi rencana si mehuli nandangi geluhta. Teridah arah orantenta, gia Musa selaku peminpin enggo mate, tapi rencana Dibata naruhken bangsa Israel ku taneh Kanaan tetap ipedalanNa arah Josua.  Tapi sura-sura Tuhan e membutuhken ketetapen ukur ibas Josua nari, e me jadi refleksi man banta arah oraten enda.

Kimaun kita Mamre pe sigejapken bagi si nialaken Josua enda, i ja kita iperhadapken kubas sada situasi si labo siakap mungkin banci terdungi kita. Buen tempa tantangen ras hambatenna asangken peluang ras solusi na. Tapi sada min pengidahta wari enda bagi si ialami Josua maka situhuna enggo icidahken man bana taneh perpadanen e asum ia jadi mata-mata menyelidiki taneh e. Ingeten kerna kai si idahna i taneh Kanaan e jadi visi si enteguh man bana. Bage pe man kerina Mamre, banci jadi nai enggom pernah icidahken Dibata man banta kerna janji masa depan arah sura-sura/cita-cita, arah pasu-pasu si simper, arah pinakit si enggo malem ras arah cara-cara si deban si laterukuri kita. Si e mungkin banci jadi pergegeh man banta guna mpetetap ukur guna ngalaken erbage-bage perbeben si ihadapi kita gundari.

 

  1. DISKUSI
  2. Ope denga Musa mate, Josua (Hosea) enggo pernah lawes ku taneh Perpadanen e guna menyelidiki ingan e. Kai nge si akap benang merahna ras ketetapen ukur si ibelasken Dibata man bana?
  3. Turikenlah kesaksinta kerna pengalamen selaku Mamre ija iperluken ketetapen ukur guna mabai jabunta ibas ngalaken perbeben nggeluh!

Usulen Lagu

 

Pdt. Kazpabeni Eben Ezer Ginting, S.Th.

HP: 0852 9654 9863

Post Views: 951