Erteman Guna Kiniulin

Networking/Membangun Jaringan/Relasi
Nas:1 Raja-raja 5:1-11

1 Raja-raja 5:1-11

Persiapan-persiapan untuk mendirikan Bait Suci

5:1 Hiram, raja Tirus, mengutus pegawai-pegawainya kepada Salomo, karena didengarnya, bahwa Salomo telah diurapi menjadi raja menggantikan ayahnya, sebab Hiram senantiasa bersahabat dengan Daud.
5:2 Lalu Salomo mengutus orang kepada Hiram dengan pesan:
5:3 “Engkau tahu bahwa Daud, ayahku, tidak dapat mendirikan sebuah rumah bagi nama TUHAN, Allahnya, oleh karena musuh-musuhnya memerangi dia dari segala jurusan, sampai TUHAN menyerahkan mereka ke bawah telapak kakinya.
5:4 Tetapi sekarang, TUHAN, Allahku, telah mengaruniakan keamanan kepadaku di mana-mana, tidak ada lagi lawan dan tidak ada lagi malapetaka menimpa.
5:5 Dan ketahuilah, aku berpikir-pikir hendak mendirikan sebuah rumah bagi nama TUHAN, Allahku, seperti yang dijanjikan TUHAN kepada Daud, ayahku, demikian: Anakmu yang hendak Kududukkan nanti di atas takhtamu menggantikan engkau, dialah yang akan mendirikan rumah itu bagi nama-Ku.
5:6 Oleh sebab itu, perintahkanlah orang menebang bagiku pohon-pohon aras dari gunung Libanon, dan biarlah hamba-hambaku membantu hamba-hambamu, dan upah hamba-hambamu akan kubayar kepadamu seberapa juga kauminta, sebab engkau tahu, bahwa di antara kami tidak ada seorangpun yang pandai menebang pohon sama seperti orang Sidon.”
5:7 Maka segera sesudah Hiram mendengar pesan dari Salomo itu, ia sangat bersukacita serta berkata: “Terpujilah TUHAN pada hari ini, karena Ia telah memberikan kepada Daud seorang anak yang bijaksana untuk mengepalai bangsa yang besar ini.”
5:8 Lalu Hiram mengutus orang kepada Salomo mengatakan: “Aku telah mendengar pesan yang kausuruh sampaikan kepadaku. Tentang kayu aras dan kayu sanobar aku akan melakukan segala yang kaukehendaki.
5:9 Hamba-hambaku akan membawanya turun dari gunung Libanon ke laut dan aku akan mengikatnya menjadi rakit-rakit di laut untuk dibawa sampai ke tempat yang akan kautunjukkan kepadaku; kemudian akan kusuruh bongkar semuanya di sana, sehingga engkau dapat mengangkutnya. Sementara itu engkau hendaknya menyediakan makanan bagi seisi istanaku seberapa yang kukehendaki.”
5:10 Demikianlah Hiram memberikan kayu aras dan kayu sanobar kepada Salomo seberapa yang dikehendakinya.
5:11 Lalu Salomo memberikan kepada Hiram dua puluh ribu kor gandum, bahan makanan bagi seisi istananya dan dua puluh kor minyak tumbuk; demikianlah diberikan Salomo kepada Hiram tahun demi tahun.

Raja Salomo ersikap majekken Rumah Pertoton

5:1 Raja Hiram i Tirus nari gelgel nari erteman ras Daud, janah kenca ibegina maka Salomo enggo nggantiken bapana Daud jadi raja, isuruhna piga-piga kalak utusenna ndahisa.
5:2 Ipeseh Salomo mulihken berita man Hiram nina,
5:3 “Ietehndu maka erkite-kiteken bapangku Daud la erngadi-ngadi erperang ngelawan negeri-negeri musuh i sekelewetna, la ia ngasup majekken rumah pertoton man ingan ersembah man TUHAN Dibatana. Kedungenna enggo ibereken TUHAN kemenangen man bana naluken kerina musuh-musuhna e.
5:4 Genduari enggo ibereken TUHAN Dibatangku man bangku keamanen i bas kerina baleng kerajanku. Lanai lit musuhku, janah la lit bahaya.
5:5 TUHAN enggo erpadan ras bapangku Daud: ‘Anakndu, si Kuangkat jadi raja kenca kam, ia pagi si majekken Rumah Pertoton man bangKu.’ Janah genduari enggo kutetapken majekken Rumah Pertoton e man ingan ersembah man TUHAN Dibatangku. 
5:6 E maka suruhlah kalak ku Deleng Libanon nabah kayu pinus si merim man bangku. Suruh-suruhenku ras suruh-suruhenndu ras erdahin, jenari kugalari man suruh-suruhenndu e kai si ipindondu. Sabap itehndu jine, maka i bas kami la lit sada pe si beluh nabah kayu bagi kalak Sidon.”
5:7 Lanai kal langlang riahna ukur Hiram kenca ialokenna tenah Salomo janah nina, “Pujilah sendah TUHAN sabap iberekenNa man Daud sekalak anak si pentar nggantiken ia jadi raja i bas negeri si mbelin e!”
5:8 Kenca bage ipeseh Hiram man Salomo berita si arah teruh enda, “Enggo kualoken berita i bas kam nari janah enggo sikap aku genduari erbahan kai si ipindondu. Banci kusediaken kayu pinus si merim ras kayu pinus si biasa.
5:9 Suruh-suruhenku banci maba balok e ngincuah i Libanon nari ku lawit, kenca bage irakutina jadi rakit gelah iombakken ngikuti tepi lawit ku bas ingan si itentukenndu. Kenca seh i je iosari suruh-suruhenku ka mulihken, jenari suruh-suruhenndu si ngurussa. Mindo aku gelah isediakenndu nakan man suruh-suruhenku.”
5:10 Bage me ibereken Hiram man Salomo kerina balok-balok kayu pinus si merim ras kayu pinus biasa si iperlukenna.
5:11 Janah ibereken Salomo man Hiram dua ribu ton gandum ras empat ratus ribu liter minak saitun murni tiap tahun man keperlun suruh-suruhenna.

Tema: Erteman Guna Kiniulin

Gelah PERMATA GBKP
1. Meteh maka pembangunen Rumah Pertoton Tuhan erkawiten ras kiniersadan ras gotong royong
2. Membangun jaringen ibas kategorial PERMATA GBKP guna kemajun dirina

Metode: Erbahan Jejaring

I. BENA KATA
Daud bapa Salomo benana ersura-sura majekken Rumah Pertoton man ingan ersembah man Dibata. Enggo irebut Daud sada kota sinigelari Jebus, eme Jerusalem genduari. I bas kota enda me ate Daud majekken Rumah Pertoton sekaligus kota Jebus enda jadi pusat kerajaan Israel Raya. Maka ikataken Israel Raya erkiteken i bas masa Daud me kerina suku ersada jadi sada bangsa si erdolat.

I bas 2 Samuel 7:1-17 maka ituriken labo Daud si ibere Dibata majekken Rumah Pertoton e, tapi anakNa Salomo. Janah tuhu maka kenca Daud mate ersura-sura Raja Salomo anak Daud mejekken Rumah Pertoton e. Si enda sue ras kai pedah Dibata man bapana Daud ndube, maka arah sinursurna me Dibata mereken kesempaten majekenca.

Erbage-bage bahan guna pembangunen Rumah Pertoton enda enggo isikapken Daud. Adi si oge 1 Kronika 29 maka enggo isikapken Daud: emas 100 ton, pirak 240 ton. Tambah ka i bas pengurus kerajan iberekenna emas 170 ton, pirak 130 ton, tembaga 620 ton, ras besi 3.400 ton. Bagenda me tutusna
ate Daud majekken Rumah Pertoton e. Semangat si bagenda iterusken anakna Raja Salomo. Emaka i bas ogenta si idah kai si ilakoken Salomo i bas ia mejekken Rumah Pertoton enda

II. ISI
I bas sura-sura Salomo menaken mejekken Rumah Pertoton enda maka tentu ipepulungna lebe kai si jadi keperlun guna mbagunsa. Arab dampar logam mulia ras besi banci jadi enggo cukup kerina kai si perluken. Tapi lit denga rusur si deban si iperluken eme kayu. Kerna keperlun kayu maka i bas negeri Israel jine terbatas kal si lit.

Kenca ibegi Raja Hiram i Tirus maka Salomo me si nggancihken bapa jadi raja maka isuruhna pertenahen ku jah guna meteh berita. Arah dampar Raja Hiram enda atena maka hubungen si sedekah enda enggo lit i bas menaken masa Raja Daud ula peltep amin gia enggo lit anakna Salomo si
majekken rumah pertoton man ingan ersembah. Salomo tole ncidahken situasi nggantikenca. Kesempaten enda me ipake Salomo mpeseh berita ku Raja Hiram maka uga gelgel nari bapana rusur sibuk erperang, janah la ia sempat si mehuli, i bas dampar ekonomi bage pe keamanen, maka ia ersura-sura nenusken janji bapana ndube i bas majekken rumah pertoton. Ieteh Salomo pe maka ia me si pilih Tuhan guna banci peseh kai sura-sura bapana Daud.

Ipindo Salomo pe man Raja Hiram i Tirus gelah sikapkenna kaya pinus ideleng Libanon nari. Enda sada jenis kayu si merim dingen meherga. Tole nina Salomo maka suruh-suruhenna ras suruh-suruhen Raja Tirus radu ras erdahin guna si enda. Enda isingetken Salomo perban i bas kalak Jahudi la lit si ahli tupung si ei bas nabah kayu bagi kalak Sidon.

Lanai langlang riahna ukur Raja Tirus megi berita enda, janah ipujina pe Dibata Israel alu ngataken,” Terpujilah sendah TUHAN sebab iberekenNA man Daud sekalak anak si pentar nggantiken bapana. Jenari ibalas Raja Tirus berita i bas Salomo nari nina,: Enggo kualoken berita i bas kam nari janah enggo sikap aku genduari erbahan kai si ipindondu. Emaka ituriken Raja Tirus uga teknik ndahikenca kai si ipindo Salomo enda. Ibereken Raja Tirus kerina kai pemindon Raja Salomo. Janah ibereken Salomo ka pengataken bujurna man Raja Tirus dua ribu ton gandum, empat ratus ribu liter minak Saitun murni man keperlun suruh-suruhenna. Bagenda me duana raja enda erban relasi ras komunikasi.

III. PENGKENAINA
Arah bahan PA enda maka si idah hubungan bilateral antara dua negara Israel ras Tirus enggo erdalan menaken Raja Daud. Engkai maka banci erdalan relasi enda terus? Erkiteken lit ije unsur “simbiosis mutualisme” (bhs Yunani) radu ndatken mafaat, radu ndatken keuntungen. Janah lit ije pe pasti unsur si ergan pekepar, ras kesetian ncikep perjanjin. Hubungen enda la ate Raja Tirus peltep amin gia Raja Daud enggo mate. Emaka isuruhna persuruhenna ndahi mpertahanken jejaring si enggo pernah ibanna.

Bage me pe i bas jamanta genduari, jaringen (networking) salah sada kunci kesuksesen erdahin. Arah penelusuren “Al” maka gunana networking banci mbuka peluang baru i bas pendahin, membangun reputasi si mehuli, nambahi pemeteh, kreatifitas ras inovatif, nampati mere informasi, ras jaringen berbisnis rsd. Pengusaha layanan jasa travel umumna labo lit fasilitas
pribadina, tapi banci aturna ratusen kalak si erban tour domestik ras luar negeri alu mehuli. Hanya ia butuh teman berjejaring, banci maju ia hanya arah berelasi ras berkomunikasi. Rata-rata pengusaha bagi gocar, grab, Maxim, indriver labo mobilna si beroperasi tapi banci iaturna kerina kerja sama alu mehuli. Maka arah enda si idah adi arah jaringen si mehuli banci si datken pendahin entah nciptaken pedahin alu sukses.

Emaka selaku anak PERMATA GBKP pe genduari perlu tetap latihen berjejaring sada ras si debanna. Berjejaring ras ise pe si banci ndatken keuntungen bersama. Banci radu anak PERMATA GBKP, sada i kuta sada i kota, entah antar kuta entah antar kota banci radu ras ngenen potensi kai si lit si banci ikembangken ras-ras. Umpamana: Gunang berasa usaha BPK si kelola PERMATA GBKP Medan, bersedia PERMATA GBKP Munte entah Batukarang nikapken berasna. Lit PERMATA GBKP si nikapken stok B2 na entah B1 na rsd. Kerina kutanta ras dirinta lit potensina, mari si kerjasamaken alu mehuli guna kinulin kegeluhenta ras-ras ku wari si reh enda.

Bage pe kerna teman geluh (jodoh). Enterem tandai kami anak PERMATA GBKP si enggo sikap pendahinna, umurna pe enggo seh deba enggo lewat pe lenga jumpa teman geluhna. Ma ulin i bas jejaring PERMATA GBKP datken jodoh asangken la sada kiniteken? Orang tuanta pe pasti meriah ukura banci sesama PERMATA GBKP jumpa si ngenan ras ersada arihna ku bas perjabun.

IV. METODE
ERBAN JEJARING: Erbage teknologi komunikasi si enggo lit paksa genduari. Cuba ras-ras kita berdiskusi nuriken ukurta (brainstorming) kerna jejaring kai si banci si pake guna kemajunta ras-ras subuk kerna gereja, kerna dahin, bisnis, jodoh rsd. Jodoh pe banci ukurken uga banci sesama PERMATA GBKP banci si tadan alu mehuli.

V. USULAN LAGU
Ajar Kami Tuhan

Pdt. Yunus Bangun, M.Th
(Sekretaris Umum Moderamen)