Bahan PJJ 25 Mei – 7 Juni 2025

May 26, 2025 Writer-1 PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

MINDO KEPENTAREN RAS PEMETEH

2 Kronika 1:7-12

(Pemilihan BPMK)

2 Tawarikh 1:7-12

1:7 Pada malam itu juga Allah menampakkan diri kepada Salomo dan berfirman kepadanya: “Mintalah apa yang hendak Kuberikan kepadamu.” 1:8 Berkatalah Salomo kepada Allah: “Engkaulah yang telah menunjukkan kasih setia-Mu yang besar kepada Daud, ayahku, dan telah mengangkat aku menjadi raja menggantikan dia. 1:9 Maka sekarang, ya TUHAN Allah, tunjukkanlah keteguhan janji-Mu kepada Daud, ayahku, sebab Engkaulah yang telah mengangkat aku menjadi raja atas suatu bangsa yang banyaknya seperti debu tanah. 1:10 Berilah sekarang kepadaku hikmat dan pengertian, supaya aku dapat keluar dan masuk sebagai pemimpin bangsa ini, sebab siapakah yang dapat menghakimi umat-Mu yang besar ini?” 1:11 Berfirmanlah Allah kepada Salomo: “Oleh karena itu yang kauingini dan engkau tidak meminta kekayaan, harta benda, kemuliaan atau nyawa pembencimu, dan juga tidak meminta umur panjang, tetapi sebaliknya engkau meminta kebijaksanaan dan pengertian untuk dapat menghakimi umat-Ku yang atasnya Aku telah merajakan engkau, 1:12 maka kebijaksanaan dan pengertian itu diberikan kepadamu; selain itu Aku berikan kepadamu kekayaan, harta benda dan kemuliaan, sebagaimana belum pernah ada pada raja-raja sebelum engkau dan tidak akan ada pada raja-raja sesudah engkau.”
7:12 Kemudian TUHAN menampakkan diri kepada Salomo pada malam hari dan berfirman kepadanya: “Telah Kudengar doamu dan telah Kupilih tempat ini bagi-Ku sebagai rumah persembahan.

 

MODEL PJJ: PARTISIPATIF

 

KATA PERLEBE :

Paksa enda kita bengket ku bas bahan Perpulungen Jabu-Jabunta si ngerana kerna turin-turin Raja Salomo i bas ngaturken/ngerunggui Kerajaan Israel nentuken kai si paling penting arus lit bas ia ngaturken bangsa Dibata. I bas keberhasilenna ngaturken ingan ersembah bangsa Israel man Dibata, maka Dibata pe nehken pemindon Salomo e me mereken pemereNa. Kepentaren ras pemeteh si erbahanca Salomo banci mimpin bangsa Israel lebih sikap ibandingken bangsa sideban.

 

ISI :

Bahan PJJ ta sendah 2 Kronika 1:7-12 e me bagin pertoton Raja Salomo mindo kepentaren man Dibata. I bas bagin enda nuriken kerna Dibata mereken kesempaten man Raja Salomo guna mindo kai pe si isurakenna. Salomo mpesehsa kai siiperlukenna guna ngerajai bangsa Israel. Nina Salomo: “berekenlah aku kepentaren ras pemeteh guna ngerajai bangsaNdu”. I bas ayat 12, Dibata mereken kai si ipindo Raja Salomo, lebih asa si e Dibata mereken melala tambahenna, erkiteken nggo payo pilihen Raja Salomo. Nina Dibata: “Kubereken man bandu tole erta ras kebayaken dingen kemulian lebih asangken kerina raja si enggo leben ntah pudin asa kam jadi raja”.

Erpalasken teks enda banci si idah maka kepentaren ras pemeteh si rehna i bas Dibata nari e mekap pilihen si payo i bas ndalani kegeluhen enda. Menurut Wijoyo, kepentaren (wisdom) e mekap kengasupen guna ngukuri alu mbages makeken pengangkan (knowledge) alu payo ras tepat. Pemeteh (understanding) e mekap ertanggung jabab guna ngasup ndalanken, ngelakoken kai si jadi pengangkanna.

Salomo sebage anak Daud si nggeluh i bas istana erbahanca ia ndatken pengangkan secara akademik, bagepe ia ilatih guna banci ertanggung jabab ndalanken pengangkanna. Sie kerina idatkenna arah proses pendidiken formal ras non formal. Selain e pe pengalamenna i bas mperdiateken orang tuana sebage raja erbanca ia ndatken pengangkan ras pemeteh. Janah sipentingna Salomo mbangun hubungen pribadina ras Dibata si erbanca ia sedar maka perlu kal kepentaren guna ngkuhi pengangkan ras pemeteh si lit bas ia.

 

PENGKENAINA :

La sigejap maka kentisik nari seh kita paksana i bas pemilihen BPMK (Badan Pekerja Majelis Klasis) si mbaru guna periodesasi 2025-2030 (5 tahun) pelayanen ku lebe. Tentu dahin enda e me dahin si mbelin i tengah-tengah gerejanta. Salah sada tugas BPMK arah 17 poin tugas si tersurat i bas Tata Gereja GBKP Pasal 145 i bas poin nomor sada e mekap memperlengkapi ras njemba runggun-runggun i bas klasis guna melaksanaken misi GBKP. BPMK tuhu-tuhu njemak peran penting guna memperlengkapi ras njemba runggun-runggun. Maju mundurnya runggun guna ndalanken misi GBKP la terlepas i bas peran penting BPMK. E maka kita perpulungen ipindo guna muat bagin i bas notoken proses pemilihen BPMK. Jenari utusen runggun guna ikut ku pemilihen BPMK iajuk gelah ia mindo kepentaren ras pemeteh man Dibata guna banci milih BPMK si erkemalangen man Dibata si tuhu-tuhu banci ndalanken misi Dibata arah GBKP. Pilihlah BPMK silit bas ia kepentaren ras pemeteh i bas Dibata nari. Adi payo pilihenta maka kita datken ulih si mehuli bas Dibata nari. Bali bagi Salomo ndatken pemere i bas pilihenna si payo bas ngaturken Kerajaan Israel. E maka pilihlah BPMK si payo ras erkemalangen man Tuhan guna ndalanken misi Dibata arah misi GBKP.

 

DISKUSI:

  1. Kai ulihna i bas Salomo mindo kepentaren ras pemeteh man Tuhan?
  2. Kai pengarapenta nandangi BPMK GBKP si nandangi ipilih?

 

USULEN ENDE-ENDEN: :

  1. KEE GBKP No. 249:1-2 : https://www.youtube.com/watch?v=JDmwjwQyr34&pp=ygUHa2VlIDI0OQ%3D%3D
  2. KEE GBKP No. 297:1-2 : https://www.youtube.com/watch?v=B7G82Is8la4&pp=ygUHa2VlIDI5Nw%3D%3D
  3. KEE GBKP No. 385:1- : https://www.youtube.com/watch?v=90JL9tyelzE&pp=ygUHa2VlIDM4NQ%3D%3D
  4. KEE GBKP No. 200:1-2 : https://www.youtube.com/watch?v=KptMruJqW4c&pp=ygUHa2VlIDIwMA%3D%3D

 

DAFTAR BACAAN:

Wijoyo, Goesti A., Insight The Moral of Life (Jakarta: Pt. Elex Media Komputindo, 2018)

 

Pdt. Melkisedek Sembiring, M. Th

No. WA 082277725636

 

 

 

Post Views: 3,077