TUBUH SECARA PERTENDIN

Johanes 3:1-21

(Natal Ras Advent)

Yohanes 3: 1 – 21

Percakapan dengan Nikodemus

3:1 Adalah seorang Farisi yang bernama Nikodemus, seorang pemimpin agama Yahudi. 3:2 Ia datang pada waktu malam kepada Yesus dan berkata: “Rabi, kami tahu, bahwa Engkau datang sebagai guru yang diutus Allah; sebab tidak ada seorangpun yang dapat mengadakan tanda-tanda yang Engkau adakan itu, jika Allah tidak menyertainya.” 3:3 Yesus menjawab, kata-Nya: “Aku berkata kepadamu, sesungguhnya jika seorang tidak dilahirkan kembali, ia tidak dapat melihat Kerajaan Allah.” 3:4 Kata Nikodemus kepada-Nya: “Bagaimanakah mungkin seorang dilahirkan, kalau ia sudah tua? Dapatkah ia masuk kembali ke dalam rahim ibunya dan dilahirkan lagi?” 3:5 Jawab Yesus: “Aku berkata kepadamu, sesungguhnya jika seorang tidak dilahirkan dari air dan Roh, ia tidak dapat masuk ke dalam Kerajaan Allah. 3:6 Apa yang dilahirkan dari daging, adalah daging, dan apa yang dilahirkan dari Roh, adalah roh. 3:7 Janganlah engkau heran, karena Aku berkata kepadamu: Kamu harus dilahirkan kembali. 3:8 Angin bertiup ke mana ia mau, dan engkau mendengar bunyinya, tetapi engkau tidak tahu dari mana ia datang atau ke mana ia pergi. Demikianlah halnya dengan tiap-tiap orang yang lahir dari Roh.” 3:9 Nikodemus menjawab, katanya: “Bagaimanakah mungkin hal itu terjadi?” 3:10 Jawab Yesus: “Engkau adalah pengajar Israel, dan engkau tidak mengerti hal-hal itu? 3:11 Aku berkata kepadamu, sesungguhnya kami berkata-kata tentang apa yang kami ketahui dan kami bersaksi tentang apa yang kami lihat, tetapi kamu tidak menerima kesaksian kami. 3:12 Kamu tidak percaya, waktu Aku berkata-kata dengan kamu tentang hal-hal duniawi, bagaimana kamu akan percaya, kalau Aku berkata-kata dengan kamu tentang hal-hal sorgawi? 3:13 Tidak ada seorangpun yang telah naik ke sorga, selain dari pada Dia yang telah turun dari sorga, yaitu Anak Manusia. 3:14 Dan sama seperti Musa meninggikan ular di padang gurun, demikian juga Anak Manusia harus ditinggikan, 3:15 supaya setiap orang yang percaya kepada-Nya beroleh hidup yang kekal. 3:16 Karena begitu besar kasih Allah akan dunia ini, sehingga Ia telah mengaruniakan Anak-Nya yang tunggal, supaya setiap orang yang percaya kepada-Nya tidak binasa, melainkan beroleh hidup yang kekal. 3:17 Sebab Allah mengutus Anak-Nya ke dalam dunia bukan untuk menghakimi dunia, melainkan untuk menyelamatkannya oleh Dia. 3:18 Barangsiapa percaya kepada-Nya, ia tidak akan dihukum; barangsiapa tidak percaya, ia telah berada di bawah hukuman, sebab ia tidak percaya dalam nama Anak Tunggal Allah. 3:19 Dan inilah hukuman itu: Terang telah datang ke dalam dunia, tetapi manusia lebih menyukai kegelapan dari pada terang, sebab perbuatan-perbuatan mereka jahat. 3:20 Sebab barangsiapa berbuat jahat, membenci terang dan tidak datang kepada terang itu, supaya perbuatan-perbuatannya yang jahat itu tidak nampak; 3:21 tetapi barangsiapa melakukan yang benar, ia datang kepada terang, supaya menjadi nyata, bahwa perbuatan-perbuatannya dilakukan dalam Allah.”

Jesus ras Nikodemus

3:1 Lit me sekalak peminpin agama kalak Jahudi, gelarna Nikodemus; ia kalak Parisi.
3:2 I bas sada berngi idahina Jesus nina, “O Guru, ieteh kami maka Kam me Guru si isuruh Dibata. Sabap ise pe labo ngasup erbahan tanda-tanda sengget bagi si ibahanNdu e, adi la kin Dibata ras ia.”

3:3 Ngaloi Jesus, “Kukataken man bandu: Ise pe labo nggejap Dibata Rajana adi la kin ia tubuh pedua kaliken.”

3:4 Nungkun Nikodemus man Jesus, “Banci kin kalak si enggo mbelin tubuh pedua kaliken? Lanai ia banci bengket ku bas bertin nandena jenari tubuh pedua kaliken!”

3:5 Erjabap Jesus, “Kukataken man bandu: Si tuhuna ise pe labo banci bengket ku bas Kinirajan Dibata adi la kin ia tubuh i bas lau dingen Kesah Dibata nari.
3:6 Manusia tubuh i bas orang tuana nari secara daging, tapi i bas Kesah Dibata ia tubuh secara pertendin.
3:7 E maka ola atendu mamang adi ningku, ‘Kerina kam arus tubuh pedua kaliken.’
3:8 Angin rembus ku ja atena, janah ibegindu sorana, tapi la ietehndu i ja nari rehna ntah ku ja perlawesna. Bage me pe kalak si tubuh i bas Kesah Dibata.”

3:9 Nungkun Nikodemus, “Banci kin jadi bage?”

3:10 Erjabap Jesus, “Kam kap guru kalak Israel, la kin ietehndu kerna si enda?
3:11 Kukataken man bandu: Si tuhuna kami ngerana kerna kai si ieteh kami dingen ituriken kami kerna si enggo idah kami, tapi sekalak pe kam la nggit tek.
3:12 Kerna barang-barang doni enda pe aku ngerana la kam tek, apai denga ka kerna Surga?
3:13 Ise pe labo pernah ku Surga, selain Anak Manusia si nusur i Surga nari.

3:14 Bagi ipeganjangken Musa nipe tembaga i gurun pasir, bage pe Anak Manusia si isuruh Dibata ipeganjangken, 
3:15 gelah kerina kalak si tek man baNa ngaloken kegeluhen si tuhu-tuhu si la erkeri-kerin.
13:6 Sabab bage pengkelengi Dibata doni enda, e maka iberekenNa AnakNa Sitonggal, gelah ola bene isie pe si tek man Bana, tapi gelah dat kegeluhen si tuhu-tuhu si la erkeri-kerin.
3:17 Sabap Dibata nuruh AnakNa ku doni enda labo jadi Hakim tapi jadi Singkelini manusia.

3:18 Ise tek man Anak Dibata e la iukum; tapi ise la tek, enggo kena ukumen, sabap la ia tek man Anak Dibata si Tonggal.
3:19 Ukumen e: Terang enggo reh ku doni enda, tapi ngenan ate manusia si gelap e asa terang, sabap jahat perbahanenna.
3:20 Sabap kalak jahat la atena ngena terang e, dingen la ia nggit ku terang e gelah ola teridah perbahanenna si jahat e.
3:21 Tapi kalak si ndalanken si ngena ate Dibata reh ia ku terang e, gelah i je teridah maka kai si ibahanna e sue ras kai si ngena ate Dibata.”

MODEL PJJ: PUJI-PUJIAN

KATA PERLEBE

“Long Life Education” (Pendidikan/Belajar Seumur Hidup), istilah enda pemenana kal ituriken Filsuf ras pendidik Amerika tergelar John Dewey. Konsep enda menekanken maka proses pendidiken sekalak manusia berlaku kidekah manusia e nggeluh. La terjeng formal tapi pe non formal. Arah nggit erlajar, manusia banci mpekena dirina arah si la erpemeteh jadi erpemeteh, arah si lepak jadi payo. Enda me si ilakoken Nikodemus sekalak si terus nggit erlajar. Amin gia ia sekalak guru dingen ahli i bas agama Jahudi, tapi lit denga si la i ertina e me kebenaren Dibata. Perjumpanna ras Jesus jadi perjumpan si la terlupaken, seh mpelimbarui kerina kegeluhenna.

ISI

Teks Johanes 3:1-21 e me percakapen Jesus ras sekalak pemimpin agama Jahudi si tergelar Nikodemus. Nikodemus e me kalak Parisi  e me salah sada sekte si paling keras, paling berpengaruh ras ihamati kalak Jahudi paksa si e. Adi si perdiateken  i bas ayat 10 nina Jesus man Nikodemus “kam kap guru kalak Israel” ncidahken maka Nikodemus labo terjeng sekalak Parisi, tapi  ia  pe e me sekalak pimpinen i bas kelompokna. Kemungkinen Nikodemus e me sada arah 69 anggota Sanhedrin (Mahkamah Agama/kalompok si anti nandangi Jesus). Alu bage, Nikodemus enda tergolong kalak si meganjang jabatenna, sangat religius, bermoral, terpelajar bagepe terdidik.

Si menarik i bas ogenta e me, asum ia reh njumpai Jesus. Resiko si ipertaruhkenna guna njumpai Jesus labo kitik, Nikodemus arus melewati melala tantangen khususna latar belakangna sebage anggota Sanhedrin. E maka alu sengaja ia reh njumpai Jesus sanga berngi. Amin gia Nikodemus terkesan merahasiaken perjumpanna ras Jesus, tapi perjumpanna ras Jesus mengubah kegeluhenna terlebih pertendina. Adi tangtangna ia reh sebage pengikut Jesus arah cebuni-cebuni, tapi i bas paksana alu tangkas ituduhkenna maka ia me pengikut Kristus si setia. Teridah sanga ia mbela Jesus tupung lit perdebaten i bas kalak Jahudi si erkuasa (Joh. 7:50-51), bagepe ia ka nge si nampati Jusup Arimatea guna nikapken rempah-rempah guna mait Jesus. Paksa si e ibabana kira-kira 30 kilo minak mur si isinggur ras minak gaharu (Joh. 19:39).

Percakapen Jesus ras Nikodemus enda ibenai arah Nikodemus si reh mujiken perbahanen Jesus. Si erkawiten ku bas pasal 2 e me kenca Jesus erban tanda sengget i Kuna Kana. Tapi nina Jesus ngaloi “Ise pe labo nggejap Dibata Rajana adi la kin ia tubuh pedua kaliken”. Topik kerna tubuh peduakaliken me si jadi dialog antara Jesus ras Nikodemus. Latar belakang pendidiken ras logika berpikir Nikodemus, ngambati ia guna ngangkai kai kin si ituriken Jesus kerna konsep tubuh peduakaliken. E maka mamang atena, uga banci kalak si enggo mbelin tubuh peduakaliken? Banci kin ia mulihi bengket ku bas bertin nandena? Arah sienda banci siidah maka kepeken pendidiken si meganjang, atribut keagamaan si ipake labo jaminen manusia ngangkai kebenaren kata Dibata.

I bas kesempaten enda me ilayasi Jesus maka tubuh peduakaliken ertina e me tubuh secara pertendin, nadingken kerina biak si erbahanca ceda tempas Dibata si lit i bas manusia e (ayat 5-6). Erkiteken si e me ibereken Dibata AnakNa sitonggal e me Jesus Kristus gelah ise si tek man baNa ndatken kegeluhen si tuhu-tuhu si la erkeri-kerin.

PENGKENAINA

Tema Perpulungen Jabu-Jabunta i bas minggu enda e me “Tubuh secara pertendin”. Sekalak si tubuh secara pertendin perayakenna lanai terjeng doni enda tapi si iayakina e me kinirajaan surga.  Nikodemus sekalak si simpar alu pemeteh, kinibayaken ras jabaten, tapi kerina e la mereken kepuasen si kekal man bana, lit tempa lalap kekurangen “ruang hampa” i bas pusuhna janah perjumpan ras Jesus ngenca ngasup ngisisa. E maka labo ia ragu ndarami ras ndatken si idaramina e i bas Jesus, amin gia mbelin resikona. Nikodemus si jelas-jelas sekalak si erpemeteh, tokoh agama si ihamati, pe isedarken maka kepeken sedekah enda ia lenga tubuh secara pertendin. E maka nggit ia mpekena bana ras ncidahken ketutusenna erkiniteken. Uga kita, la kinlah sedekah enda lit pengakapta adi nggo kita jadi kalak Kristen, enggo jadi sada jaminen kita tubuh secara pertendin? Mari siumban biak Nikodemus si nggit mpekena-kena kegeluhen pertendinta terlebih-lebih naksikenca i bas kegeluhen teptep wari.

Khususna i bas masa Advent enda ibabai pe kita guna erpengarapen, nimai bagepe ersikap ngalo-ngalo ketubuhen Jesus Kristus subuk i bas wari Natal bagepe kerehenNa mulihken ku doni enda. E maka sicidahkenlah keriahenta i bas ngalo-ngalo Jesus e arah mpesikap pusuhta, alu pusuh si bersih, la lit elem-elem. Fokus Advent ras Natal arus Jesus, labo manusia apaika terjeng barang doni si ipake manusia. Sosok Nikodemus jadi curmin man banta maka doni enda labo ngasup mereken kepuasen si kekal, seakatan perjumpanta ras Jesus. E maka mari nulih kita kempak perdalanen geluhta, kai nge sijadi perayakenta sedekah enda? Salah sada Misi GBKP e mekap “Menumbuhkembangkan spiritualitas jemaat berbasis Alkitab”. Mabai kita gelah ula pernah nirangi komunikasi ras perjumpanta ras Tuhan i bas kita ndalani kegeluhen enda, tapi metedeh lah ateta rusur ngangkai KataNa sabab Ia ngenca ngasup mereken dame ku bas pertendinta ras kataNa jadi terang si nerangi pusuhta ras nerangi doni enda.

I bas Natal tahun enda enggo sialoken keriahen si mbelinna e me Jesus enggo nusur i Surga nari jadi seri ras manusia, ipeterukNa kal baNa gelah kita terkelin. Enda me si jadi palas gelah kita pe tetap ermeteruk ukur i bas ngaloken dahin-dahin pelayanen i bas sektor/runggunta subuk selaku serayan, panitia bagepe ngawan perpulungen. Jesus pe ngelai, e maka kita pe nggit ngelai alu la jungut-jungut.  Natal mabai kita jumpa ras Jesus, kalak si jumpa ras Jesus pusuh perukurenna idemi alu dame surgawi. Selamat memaknai Advent ras menyambut Natal tahun 2025.  Soli Deo Gloria.

DISKUSI RAS AKSI

1. Cuba turiken pengangkanta kai nge si njemba Nikodemus reh ndahi Jesus?
2. Kai nge bukti si nuduhken sekalak manusia enggo tubuh secara pertendin?
3. Mari si bahan vidio kerna sektorta enggo tubuh secara pertendin e maka lit aksi natalta e me … (si enggo si diskusiken i bas PJJ minggu si enggo lewat).

USULEN ENDE-ENDEN

1. KEE GBKP No. 311:1-2
2. KEE GBKP No. 14:1-3
3. KEE GBKP No. 323:1-2
4. KEE GBKP No. 385:1-

DAFTAR BACAAN

Pdt.Repita br Sembiring, S.Si (Teol)
HP/WA: 085210664623