Nandengku

Jam Doa VI PERMАTА GBKР
HUT Moria GBKP Ke-68 Tahun: 16 Oktober 2025

Nas: Kuan-kuanen 4:1-10

Amsal 4: 1 – 10

Nasihat untuk mencari hikmat

4:1 Dengarkanlah, hai anak-anak, didikan seorang ayah, dan perhatikanlah supaya engkau beroleh pengertian,
4:2 karena aku memberikan ilmu yang baik kepadamu; janganlah meninggalkan petunjukku.
4:3 Karena ketika aku masih tinggal di rumah ayahku sebagai anak, lemah dan sebagai anak tunggal bagi ibuku,
4:4 aku diajari ayahku, katanya kepadaku: “Biarlah hatimu memegang perkataanku; berpeganglah pada petunjuk-petunjukku, maka engkau akan hidup.
4:5 Perolehlah hikmat, perolehlah pengertian, jangan lupa, dan jangan menyimpang dari perkataan mulutku.
4:6 Janganlah meninggalkan hikmat itu, maka engkau akan dipeliharanya, kasihilah dia, maka engkau akan dijaganya.
4:7 Permulaan hikmat ialah: perolehlah hikmat dan dengan segala yang kauperoleh perolehlah pengertian.
4:8 Junjunglah dia, maka engkau akan ditinggikannya; engkau akan dijadikan terhormat, apabila engkau memeluknya.
4:9 Ia akan mengenakan karangan bunga yang indah di kepalamu, mahkota yang indah akan dikaruniakannya kepadamu.”
4:10 Hai anakku, dengarkanlah dan terimalah perkataanku, supaya tahun hidupmu menjadi banyak.

4:1 O anakku, begikenlah ajar nande bapandu! Megermetlah, gelah mbages pengertinndu.
4:2 Si kuajarken man bandu e mehuli kal, e maka inget-ingetlah kerina.
4:3 Aku anak sada-sada i bas nandengku; tupung aku kitik denga,
4:4 iajarken bapangku aku nina, “Ingetlah kai katangku man bandu, ola lupa. Lakokenlah sentudu ras si kukataken man bandu maka kam nggeluh.
4:5 Jadilah pentar janah pebagesi pengertinndu. Ola kam lupa, ola kam nilah i bas kai si kukataken.”
4:6 Ola tadingken kepentaren maka kam ikawalina; kelengilah kepentaren maka kam ijagaina.
4:7 Si pentingna si la banci lang ilakokenndu e me kap ndatken kepentaren. Kai pe atendu jadi perayakenndu, tapi si la banci langna kal si arus iayakindu e me pengertin.
4:8 Kelengilah kepentaren, maka kam iangkatkenna. Ergailah kepentaren maka kam ipehagana.
4:9 Iberekenna me man bandu rudang-rudang si mejile, janah itamakenna ku takalndu mahkota si mehaga.

4:10 Begikenlah aku o anakku. Tutuslah atendu megiken kai si ku kataken man bandu maka gedang umurndu.

Gelah PERMATA GBKP
1. Meteh ras nuriken ajar orangtua (nande) man anakna, eme ndatken kepentaren
2. Ncidahken biak anak si dem alu kepentaren

Metode: Jam Doa + Aksi HUT

I. PERSIKAPEN
1. Nikapken Kerina Siniperluken ibas PA eme Lilin, Pustaka Sibadia,Rsd
2. Mehuli adi ende-enden ipelajari lebe Ras Pemusik atau adi ipake Youtube rsd nggo ipersikapken lebe
3. Iaturken lebe kerna simabai ibadah, MC, Siertoto Syafaat ntah pe simabai Lagu Pujin.

II. KEBAKTIN
——-Kebaktin Ibenaken alu paksa teneng 1-3 menit——-

MC: PERMATA GBKP sinikelengi Tuhan, tetap sikataken bujur man Tuhan ibas pemereNa man banta. Mari sigejapken kekelengenNa arah kerina dampar geluhta. Gegeh ras kesehaten rikut ras kesempaten si iberekenNa man banta seh paksa enda ngingetken kita uga keleng ate Dibata man banta. Sipeturah ulihi
ingetenta uga pendahin Dibata man banta seh paksa genduari enda. Labo pediatna kita ndalani kegeluhenta sekalak tapi tetap iberekenna pasu-pasuNa man banta segelah lit gegehta ngalaken erbage-bage tantangen ibas geluhta. Dage sisikapkenlah pusuh ukurta guna ersembah, ngataken bujur man Dibata ibas pertoton ras ende-enden pengataken bujurta man Tuhan.

Rende: “Bapa Engkau Baik”
Ertoto (Ibabai Tuan Rumah)
—Alunan Musik Terus Mengalun Kerina PERMATA GBKP Erbahan Sikap Ertoto—

MC: PERMATA GBKP Sinikelengi Tuhan, pernah nge sigejap maka kurang kel kita ngataken bujur man Tuhan ibas pemereNa man banta? Lit pernah kuan-kuan nina: nanam kam je tempa la terakap, kam lawes e maka nggo tergejap. Megati pengerganta nandangi keluarganta bagi kuan-kuan ndai. Adi je denga orangtuanta e tempa la siakap terakap tapi adi lanai kari ia je maka nggo sigejap. Emaka
ibas paksa enda ibabai kita gelah ngataken bujur man Díbata ibas pemereNa man banta arah kehadiren keluarganta sikelengi kita ras ngkelengi kita. Orangtuanta, seninanta bagepe turangta rikutpe
temanta. Sibabalah kerinana ibas pertotonta ras sikataken bujur man Dibata ibas keleng ateNa. Sipindo dage gegeh man Dibata gelah ngasup kita ngekelengi keluarganta gelah tetap pe i pasu-pasu Tuhan keluarganta.

Rende: “Berkat Bagi Keluargaku”

MC: Kekelengen Ni Tuhan, terkhusus ibas jam doanta enda mari sibaba bas pertotonta kerna nandeta. Si nggo pebelin-belin kita seh paksa enda. Siinget uga kinilatihenna ncukupi kerina keperlun kegeluhenta. Simpekena-kena kita gelah sikap kita ngadapi kerina tantangen geluh enda. Sehkel luar biasana nandeta engkelengi kita, lalap nge pelebena kai siniperluken kita asangken sura-surana.
Emaka lit pepatah nina kasih ibu sepanjang jalan si ngertikenca maka labo kap pernah lit tampukna kekelengen nandeta man banta. Emaka marilah sibaba bas pertotonta kerna nandeta ras siakukenlah ilebe-lebe Dibata maka labo lit kengasupenta guna erbalas kerna keleng ate nandeta man banta. Siakukenlah man Dibata kerina salah lepakta kerna nandeta.

Rende: “Di Doa Ibuku Namaku Disebut”

P1 : Ngaku kami Tuhan selaku PERMATA GBKP kurang beluh kel kami ncibalken ranan bagepe nuduhken kekelengen kami nandangi orangtua kami terlebih-lebih man nande kami. Situhuna keleng kel nge ate kami tapi la ituduhken kami kekelengen kami e arah ketaaten kami tapi megati ka kami ngelawan sierbanca ceda pusuh orangtua kami. Lit kenca sura-sura si la bali ibas perukuren kami ras
perukuren nande kami mis kami mejungut ras tempa la iergai kami kai nina nande kami man kami, akap kami bekas pengaturen kami maka sikap nge pagi kerina. Lupa kami maka toto nande kami nge kepe erbanca kami megegeh ndalani kegeluhen kami.

Rende: KEE GBKP No. 440:1-2 “O Bapa Salah Lepakku Ku Teh
Nge”

P2: Ngaku kami Tuhan kurang pentar denga kami ibas megiken ranan nande kami. Ibas teladan kiniteken si tuduhkenna pe megati la iusih kami. Pengiyahkenna kami gelah tutus ku gereja bagepe er PA
megati la jadi perhatin kami. Uga ukur kami meriah bage denga lalap ibahan kami, kiningudan ras sura-sura daging kami denga i ikutkan kami. La iinget kami maka pedah ras teladan nande e eme jadi kepentaren nge situhuna nandangi kami. Alemilah kami o Tuhan janah ajari lah kami gelah ngasup min kami ncidahken biak anak simehuli bagepe ncidahken biak anak s idem alu kepentaren.

Rende: KEE GBKP No. 440 :1-2 “O Bapa Salah Lepakku Ku Teh Nge”

P3: Ngaku kami Tuhan maka sedekah enda melala denga kekurangen kami selaku PERMATA GBKP ibas ndukung bagepe ikut serta ibas dahin-dahin siilakoken MORIA GBKP. Ibas Ulang Tahun MORIA
GBKP ke 68 tahun enda ergiah-giah min kami selaku anak singuda guna mereken dukungen bagepe perhatin man nande kami gelah tetap ia mejuah-juah ras ermeriah ukur ibas ulang tahun MORIA GBKP Enda. Dukungen kami man MORIA GBKP erbanca tetap ukur nande kami kerina gelah megegeh ertoto bagepe ngasup jadi pasu-pasu nandangi sinterem.

Rende: KEE GBKP No. 440 :1-2 “O Bapa Salah Lepakku Ku Teh Nge”

MC: Iinget kami kap perkuah ate Tuhan ibas geluh kami si labo pernah ertaktak kerna dosa bagepe pelanggaren kami. Alemilah kami Tuhan ibas kerina salah ras lepak kami. Ola kel pelepasndu kami ibas dosa ras pelanggaren kami. Inget kami kap padanNdu maka buluh si nggo beltuk pe labo kap ipenggelkenNdu janah lampu si medip-medip pe labo inimpetkenNdu bagepe keleng ateNdu man
kami anak-anakNdu. Bujur Tuhan Ibas kerina perkuah ateNdu, bujur Bapa ibas kerina kekelengenNdu.

Rende: Seputih Bulu Domba

MC Mabai PERMAТА GBKP Guna Ertoto Ras Ngataken Bujur Ibas Kerina Perbahanen Dibata

Renungan (Ibenai Ras Idungi Alu Pertoton)
Nas: Kuan-kuanen 4 :1-10
Tema : Nandengku

Labo lit orangtua simpediat anakna salah langkah. Kerina surasura orangtua emekap gelah anakna tutus bagepe sikap ibas ndalani kegeluhenna. Kitab Kuan-kuan enda eme kitab si dem alu pengajaren si mpersingeti maka hubungan orangtua ras anak tetap arus ijaga. Teridah uga Salomo ningetken maka sehkel pentingna nggeluh ibas pengajaren ntah pe nasehat orangtua. Begikenlah ajar nande bapandu
janah megermetlah gelah nambah pengertin alu mbages. Nasehat orangtua eme erta simeherga si labanci ilupaken tapi arusjadi penginget kuja pe lawes janah kaipe sinidahiken e kerina la banci lepas arah nasehat orangtua.

Anak-anak ibas ndengkehken pesan ntahpe nasehat orangtua tentu berbeda-beda. Lit langsung kel iangkaina janah idalankenna, lit si begikenna saja tapi la idahikenna tapi lit kang deba anggapna e jungutjungut janah labo kel ngasup ia ndengkehkenca. Adi siperdiateken tips ntah pe kunci sukses Salomo sebage anak sada-sada ibas nandengku nina eme megiken pengajaren gelah jadi pentar. Ula lupa ibas pedah Dibata, ula nilah ibas pedah orangtua tapi tetaplah dalanken pedah orangtua gelah reh sikapna ibas ndalani kegeluhen, maba dame bagepe kemalemen ate. Ula tadingken kepentaren maka ikawalina ras ijagaina ibas nerusken kegeluhen. Ncidahken ketutusen ate nggeluh ibas kepentaren eme salah sada sikap si payo ibas ngergaken orangtua pe.

Guna banci sikap ibas ndalanken kata Dibata enda tentu arus lit teridah arah sikap orangtua bagepe anak-anak. Orangtua pe la medumedu guna terus mereken pedah, ajaren man anak-anak gelah nggeluh
ibas kepentaren Dibata. Sikap nggeluh ntah pe teladan arus ka teridah ibas diri orangtua gelah la hanya terjeng ngerana tapi pe teridah min arah kegeluhenna pe. Terlebih-lebih pe anak-anak ibas ngaloken pedah e ula min erbosan-bosan ntah bagi si kisat adi orangtua nggo nehken pengajaren megati kel anak-anak la nuduhken sikap si payo ibas megimegi. Nggit kang mawen njawapi ras ngelawan tupung isehken pedah ntah pe ajaren.

Ibas kinata kegeluhennta siusur kel nehken pengajaren eme nandeta. La pernah lupa ia ngingetken kita uga arusna ndalani kegeluhen alu payo. mulai kin kita kitik-kitik nari tentu nandeta mereken ngaruh si sehkel mbagesna man banta. Ipebelin-belinna kita bas keleng ate gelah sikap min kita ibas pertumbuhenta. Janah kenca nggo jadi PERMATA GBKP pe melala denga usur sibegiken pedah nande man banta. Gelah tutus min ibas erkiniteken man Dibata.Ula min salah langkah ibas pergaulen. Tutus min ibas persekolahen bagepe perkuliahenta. Cubaken dage siinget-inget kai nge sirusur ibelasken
nandeta man banta? Me lenga bo kita bosan ndengkehken pedah-pedah nande? Ingetlah uga gia nandeta nehken pengajaren man banta ia me kap nande si ipercayaken Tuhan man banta guna ngingetken kita gelah ula lalar perdalanta bagepe gelah tetap kinitekenta man Dibata. Tentu lit kang enda si la siakap payo ibas perbahanen nandeta man banta tapi selaku anak ula kel sipebelin-belin sibage rupa sebab kaipe silakoken nandeta man banta emekap tanda keleng atena man banta. Adi bas kita
lit la siperiahen ras nandeta nggo banci sibenaken sialem-alemen salah. Sebab waktu nggeluh ras kesempaten ras orangtua ta labo kap ndekah emaka tupung lit denga kesempaten ibereken Dibata mari sícidahken kekelengennta. Adi genduari nandeta nggo ras Dibata paksa enda ingetlah kerina kenangen ras nasehatna man banta jadi pelajaren simehuli man banta.

Bagepe marilah sitotoken Moria GBKP ibas pertambahen usiana ibas tahun enda secara organisasi gelah ibas ndalanken kerina program ras pelayanenna tetap ia mbiar man Dibata. Ngelakoken kerina dahin
pelayanen e sue ras si ngena ate Dibata. gelah terpuji termulia gelar Dibata ibas geluhna. Dukungen PERMATĂ GBKP pe arus sicidahken arah toto ras pengarapenta rikut ras tindakenta gelah tuhu-tuhu banci terjalin kerjasama simehuli ibas kategorial PERMATA GBKP ras Moria GBKP. Sebab ia kap nandeta si patut sibegiken, sikelengi ras sidalanken pedah ntah pe ajarenna.

Pertoton Syafaat
P1: Notoken PERMATA GBKP gelah tuhu-tuhu ncidahken kekelengenna man nande itengah jabu arah megiken pengajaren bagepe ndalankenca ibas kegeluhen sitep-tep wari
P2: Notoken PERMATA GBKP si lanai ras orangtua/ nande gelah tetap megegeh, la putus asa tapi tetap erpengarapen man Dibata.
P3: Notoken Moria GBKP gelah ibas HUT tahun enda semakin nggeluh erkemalengen Mna Dibata.
Pembimbing: Notoken Kerina PERMATA GBKP gelah sikap hubungenna ras orangtua terkhusus nande, si paksana la meriah pe ipulihken Dibata, notoken si turah ibas PERMATA GBKP, kesehaten, persekolahen, perkuliahen gelah PERMATA enda tetap bersinar ijape ia ringan.
MC: Iujungi Pertoton alu Rende KEE GBKР GBKP No.176:1
Persembahen: Rende Sungguh Ku Bangga Вара
MC: Ngajuk PERMATA GBKP erbahan paksa teneng erbahan pertoton khusus kerna nande masing-masing ras tekad ibas wari kulebe kai nge sinuate ikerjaken ras icidahken PERMATA GBKP man nande
itengah jabu. Ilanjutken kubas Doa Persembahen Ras Pertoton Tuhan
Rende: “Bujur O Tuhanku (Bapa Trimakasih)”

Seorang Ibu Selalu Menjadi awal. Dia adalah Bagaimana Segalanyа Dimulai

Pdt. Siska Febriani Br. Tarigan, S. Th, MM