MELIAS DINGEN MESAYANG
Epesus 4:31-32
(Perpulungen Jabu-Jabu Intergenerasional)
4:31 Segala kepahitan, kegeraman, kemarahan, pertikaian dan fitnah hendaklah dibuang dari antara kamu, demikian pula segala kejahatan. 4:32 Tetapi hendaklah kamu ramah seorang terhadap yang lain, penuh kasih mesra dan saling mengampuni, sebagaimana Allah di dalam Kristus telah mengampuni kamu.
MODEL PJJ: PARTISIPATIF
KATA PERLEBE
I bas kinatana maka kerinana si nggeluh i bas doni enda lit i bas perubahen guna tetap banci nggeluh. Salah sada contoh si ngenanami perubahen e me metamorphosis katak. Metamorfosis katak ibenaken alu:
Katak Dewasa à Telur à Berudu à Berudu 2 kaki à Berudu 4 kaki à Katak muda.
Bageme pertumbuhen si serta nandangi katak, janah si e kerina arus ibentasina seh maka katak e banci berubah jadi katak dewasa. Jenari i bas paksana ka metamorphosis bagi idatas ndai inanami katak ka mulihi.
Tentuna kita jelma manusia pe lit ka i bas perubahen. E maka rikutken bahan Perpulungen Jabu-jabunta paksa enda marilah siperdiateken segelah kita ngenanami perubahen ku bas kegeluhen si melias dingen mesayang.
ISI
Surat Rasul Paulus man perpulungen Epesus enda nuriken kerna Kristus maba perdamen ku kerina kalak Jahudi ras pe si labo Jahudi alu dalan penebusen i bas dosa nari. Perdamen guna kerina kalak, janah Paulus ngajuk kerina si ngoge surat enda gelah banci nggeluh alu dame i bas persadan ras Kristus si teridah arah kegeluhenna ras-ras bagepe kegeluhen si enggo iubahken Jesus. Arah bahan ogenta ijenda Rasul Paulus nuriken man perpulungen Epesus kerna uga carana banci bengket kubas perubahen. Piga-piga dampar si banci naruhken perpulungen Epesus bengket ku bas perubahan kegeluhen rikutken arahen Paulus e me:
- Ketetapen ukur nggeluh i bas Dibata.
- Megi kerna Kristus. Erkiteken Kristus si mereken pengajaren si mehuli.
- Pakelah manusia si mbaru janah tadingken manusia si male.
- Si jadi bide i bas ndalani perubahen e teridah i bas bahan ogenta i bas PJJ enda (Ayat 31-32).
Epesus 4:31-32, e me bagin kegeluhen si mbaru. Kegeluhen si mbaru e sialoken erkite-kiteken pemere Dibata i bas Kristus Jesus. Kalak si enggo ngaloken pemere Dibata lanai ia nggeluh bagi kalak si la nandai Dibata, si la erguna perukurenna dingen gelap pengertinna. Kalak si la nandai Dibata mersik ukurna dingen lanai kal lang-lang bodohna, sitik pe lanai ia meteh mela, nggit ia talu i bas sura-sura si jahat janah dalankenna si la mehuli.
E maka kalak si enggo ngaloken pemere Dibata nggit nangtangi manusia si male erkiteken e maba ku kebenen. Pusuh peraten ras perukurenna enggo ipelimbarui. Ipakena kegeluhen manusia si mbaru si tuhu-tuhu adil dingen badia. Ia lanai nggit erbual, la nggit nimpan rawa, la mere kesempaten man iblis, lanai ia nangko, erdahin ia alu mehuli guna ncukupken bana ras nampati kalak si man sampaten, ia melasken kata-kata si erguna si maba kiniulin man si megisa, janah lanai erbahan ceda ate Kesah Dibata janah ietehna maka Kesah e jadi capna kerna ia sikerajangen Dibata. Alu bage kalak si enggo lit capna Kesah Si Badia erdahin bas kegeluhenna tentu melias dingen mesayang sapih-sapih ia. Enggo itadingkenna cian ate, lanai perampus ras lanai pernembeh, lanai si isak-isaken ntah si cekurak-cekuraken ija kerina perbahanen e mpeturah perubaten. Lanai erelem-elem tapi enggo banci ia ngalemi kesalahen.
PENGKENAINA
Tema Perpulungen Jabu-Jabunta wari enda: “Melias Dingen Mesayang” (Ind. ramah dan penuh kasih mesra. Menurut Kamus Besar Bahasa Indonesia ( KBBI ), ramah adalah kata sifat yang baik hati, baik dalam tutur kata maupun sikapnya serta menyenangkan dalam pergaulan. Dengan penjelasan di atas, maka dapat disimpulkan jika ramah adalah baik hati dan menarik budi bahasanya. Kasih mesra: perasaan sangat kasih). Tema enda mabai kita guna seh ku bas tujun kegeluhen si melias dingen mesayang alu mentasi proses perubahen subuk i bas jabu bagepe i tengah-tengah gerejanta bagepe i bas kerina generasi usia. Generasi Pre-Boomer (perkiran usiana gundari e me +75 tahun), Baby Boomer (perkiraan usiana genduari e me 56-74 thn), Generasi X (perkiran usiana genduari e me 40-50 thn), Milenial (perkiran usiana genduari e me 24-39 thn), Generasi Z (perkiran usiana genduari e me 8-23 thn), ras generasi Post-Generasi Z (perkiran usiana genduari e me 7 thn). Kerina generasi arus maka banci saling mendukung guna seh ku bas tujun perubahen ku melias dingen mesayang. Perubahen e labo banci jadi dikune tetap sipertahanken si enggo lit si la mehuli. Pertumbuhen si berubah e mabai kita nggargari diri apai si male gelah sitadingken janah bengketi si mbaru ku lebe wari.
PJJ Intergenerasional e me PJJ si menekanken ku bas prinsip relasi si membangun nandangi kerina kelompok usia, subuk anak-anak bagepe kalak dewasa. Lebih dari itu ibadah intergenerasional mengandung kedalaman nilai-nilai (pemahaman) kristiani. Melalui ibadah intergenerasional, warga gereja dari semua generasi belajar/ berproses membangun motivasi yang tepat dalam beribadah yang utama bukan tentang menerima melainkan memberi, bahkan memberi yang terbaik untuk Tuhan. Pemahamen enda mabai kita ku bas pertumbuhen si rutang (mere dukungen) nandangi kemajun kerina anggota keluarga secara khusus i bas pertumbuhen kiniteken segelahna radu bertumbuh, mereken dukungen ras saling mpegegehi sada ras sidebanna. Rikutken ras Tata Nilai Kristiani kerna Kasih, sinuriken panduan prilaku maba dame, mpeturah keriahen ras jadi pasu-pasu man kalak si deban maka kerina kalak si enggo nggeluh i bas Kesah Dibata (lit capna) tentu ngasup melias dingen mesayang.
Banci siukurken manjar-anjar dikune sekalak bapa la nggit ngajarken anakna gelah ula nggeluh percian tentu biak percian e me pagin maba anak e ku bas kebenen, la banci berkembang erkiteken la ngasup bersaing sehat. Bage ka pe dikune sekalak kempu la turah ukurna guna ningetken gelah nini-bulangna ula erelem-elem tentu kendelen ngenda pagin man alankenta. Penting kal arus saling berubah guna bertumbuh. Bage ka pe berubah guna bertumbuh i bas dahin-dahin gerejanta perlu si pebelin sabab adi grafik kemajun salah sada kategorial (umpamana Moria) enda meningkat, tapi kategorial sidebanna (umpamana Mamre) la lit kemajunna, si tuhuna Moria lenga bo berhasil mereken semangat (jadi motivator prilaku er-Dibata) nandangi Mamre, ntah sebalikna. E maka penting kal man banta nehken Matius 5:16 “Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga”. Melias dingen mesayanglah sapih-sapih kita, sierbahanca talu me kerina sura-sura dagingta. Enggo kap si aloken Kesah Dibata si jadi cap sikerajangenNa, mpeturah semangat man banta kerina. Tading me cian ate, perampus, ras pernembehta, bage kin nge adi nuate berubah guna pertumbuhen kinitekenta. Selamat menjadi penyemangat.
DISKUSI
- Rikutken bahan ogenta kai ngenda si man tadingenken adi lit sura-suranta berubah guna bertumbuh?
- Kundul kita per terpuk merga ntah beru jenari saling mpegegehilah kita alu nuriken kerna perbahanen si mehuli si enggo pernah silakoken ras ulihna. Ibenaken arah umur ise si meganjangna jenari iterusken ku umur simeterukna.
USULEN ENDE-ENDEN
- “ Firman Mu Pelita Bagi Kaki ku”= https://www.youtube.com/watch?v=EgHccHVhFMc
- KEE GBKP No. 296:1-2= https://www.youtube.com/watch?v=VtzUvAqgdYY
- KEE GBKP No. 381:1-2= https://www.youtube.com/watch?v=PXegIPBQnCU
- KEE GBKP No. 191:1-4= https://www.youtube.com/watch?v=BKsBoGG0lWk
DAFTAR BACAAN
https: / /kamasean.iakn-toraja.ac.id
https: //www.google.com/search?q=arti+ramah
Pdt. Oktoria br Surbakti, M. Th.
HP/WA: 081376206662