LAKON PERSADAN SI BADIA

1 Korinti 11: 23 – 32

 11:23 Sebab apa yang telah kuteruskan kepadamu, telah aku terima dari Tuhan, yaitu bahwa Tuhan Yesus, pada malam waktu Ia diserahkan, mengambil roti 11:24 dan sesudah itu Ia mengucap syukur atasnya; Ia memecah-mecahkannya dan berkata: “Inilah tubuh-Ku, yang diserahkan bagi kamu; perbuatlah ini menjadi peringatan akan Aku!” 11:25 Demikian juga Ia mengambil cawan, sesudah makan, lalu berkata: “Cawan ini adalah perjanjian baru yang dimeteraikan oleh darah-Ku; perbuatlah ini, setiap kali kamu meminumnya, menjadi peringatan akan Aku!” 11:26 Sebab setiap kali kamu makan roti ini dan minum cawan ini, kamu memberitakan kematian Tuhan sampai Ia datang. 11:27 Jadi barangsiapa dengan cara yang tidak layak makan roti atau minum cawan Tuhan, ia berdosa terhadap tubuh dan darah Tuhan. 11:28 Karena itu hendaklah tiap-tiap orang menguji dirinya sendiri dan baru sesudah itu ia makan roti dan minum dari cawan itu. 11:29 Karena barangsiapa makan dan minum tanpa mengakui tubuh Tuhan, ia mendatangkan hukuman atas dirinya. 11:30 Sebab itu banyak di antara kamu yang lemah dan sakit, dan tidak sedikit yang meninggal. 11:31 Kalau kita menguji diri kita sendiri, hukuman tidak menimpa kita. 11:32 Tetapi kalau kita menerima hukuman dari Tuhan, kita dididik, supaya kita tidak akan dihukum bersama-sama dengan dunia. 11:33 Karena itu, saudara-saudaraku, jika kamu berkumpul untuk makan, nantikanlah olehmu seorang akan yang lain. 11:34 Kalau ada orang yang lapar, baiklah ia makan dahulu di rumahnya, supaya jangan kamu berkumpul untuk dihukum. Hal-hal yang lain akan kuatur, kalau aku datang.

11:23 Sabap i bas Tuhan nari nge kualoken pengajaren si kuendesken man bandu e, e me: maka i bas berngina Tuhan Jesus idudurken, ibuatNa roti.
11:24 Janah kenca IA ertoto ngataken bujur man Dibata, icepik-cepikNa roti e, jenari nina, “Enda me kulangKu si ibereken man gunandu. Lakokenlah bage, guna peringet-ingeten nandangi Aku.”
11:25 Bage pe kenca dung man, ibuat Jesus calung, jenari nina, “Calung enda me iketen padan si mbaru si isahken alu darehKu. Tep-tep kam minem tare calung e, lakokenlah bage, guna peringet-ingeten nandangi Aku.”
11:26 Tep-tep kam man roti e, dingen minem tare calung e, alu bage iberitakenndu kematen Tuhan, seh ngayak IA reh mulihken.
11:27 E maka kalak si man roti Tuhan ntah minem tare calungNa alu cara si la patut, banci ia iukum sabap ersalah ia nandangi badan ras dareh Tuhan.
11:28 Dage tep-tep kalak nguji banalah, jenari ipannalah roti e dingen minem tare calung e.
11:29 Sabap kalak si man ras minem alu la nandai badan Tuhan i je, ia jine maba ukumen man bana, asum ia man ras minem e.
11:30 Erkiteken si e me maka nterem kalak si kote dingen sakit i tengah-tengahndu janah la sitik si enggo mate. 31Adi si adili man banta, maka la kita iukum bagi si e. 32Tapi adi iukum Tuhan kita bagi si e, tujunNa e me gelah ola kita pagi iukum radu ras doni enda.

 (Sakramen)

MODEL PJJ: CERAMAH

KATA PERLEBE :

Salah sada cara sinipakeken kalak Kristen naksiken kinitekenna man doni enda e me alu ngelakoken Lakon Persadan si Badia. I bas tradisi gereja-gereja, Lakon Persadan si Badia enda salah sada cara lako nginget ras ngerenungken pengorbanen sinilakoken Jesus Kristus man manusia. E maka Lakon Persadan si Badia ikataken sebage salah sada sakramen sinilakoken gereja-gereja Protestan. Lit 2 sakramen sinilakoken gereja-gereja Protestan secara umum, e mekap: Lakon Peridin si Badia ras Lakon Persadan si Badia. Duana lakon enda ilakoken gelah kalak si erkiniteken nginget perdalanen geluh Jesus si enggo mereken diriNa guna nebusi kerina dosa manusia.

ISI :

Surat Paulus si pemena kempak perpulungen Korinti enda ngerana kerna hubungen Paulus ras perpulungen Korinti labo i bas hubungen si mejile. Pfitzner nggambarken hubungen e nina: “tidak ada jemaat lain yang memberikan masalah dan kepedihan sebanyak itu kepada Paulus seperti yang dilakukan oleh jemaat Korintus”. Ungkapen Pfitzner enda encidahken kuga erbebena Paulus ngaloken tuduhen si la payo i bas kalak Korinti nari. Tapi keleng ate si lit i bas Paulus, njemba ia merespon perbahanen si la mehuli e alu nehken keleng ate. Em sababna Paulus nehken pengajaren-pengajaren si payo kempak perpulungen gelah kinitekenna mulih kempak pengajaren Dibata.

Salah sada pengajaren si nisehken Paulus e me pengajaren kerna LAKON PERSADAN SI BADIA. Lakon Persadan si Badia e me sada kesemalen i bas erkiniteken si arus ilakoken kalak Kristen i bas geluhna. Kata kualoken pengajaren ras kuendesken man bandu e me gambaren pengajaren si enggo ialoken Paulus i bas Dibata nari, janah pengajaren e pe la ipengadi Paulus i bas dirina tapi isusurkenna kempak kerina kalak si tek man Jesus. Penekanen si ituriken Paulus ije maka teptep kalak Kristen arus min meteh kerna pentingna Lakon Persadan si Badia e ituriken kempak kerina kesusurenna.

Roti ras anggur nandaken kula ras dareh Jesus si enggo iberekenNa guna nelamatken manusia i bas ulih dosa nari. Jesus nuduhken maka pengorbanen ras kematenNa mereken keterkelinen kempak manusia. E maka Lakon Persadan si Badia ilakoken gelahna kalak Kristen ngasup ngidah keleng ate Dibata si mbelin i bas kegeluhenna. Kata teptep kali kam man roti ras minem anggur e, ije me teridah “kehadiren” Dibata. Jadi, roti ras anggur e labo terjeng gambaren “simbolik” saja kempak kalak Kristen. Pfitzner i bas bukuna ngataken kata inilah tubuhKu (enda me kulangKu) mereken pengertin si mbelin, nina: “Paulus memahami kata-kata ini untuk menunjuk pada kehadiran tubuh Kristus yang sesungguhnya ‘di dalam, dengan, dan di bawah’ roti itu…, para murid Jesus ikut serta di dalam tubuh Tuhan sendiri”. Penegasen enda sendalanen ras kai si isuratken BJ. Boland ras van Niftrik i bas bukuna: “bila pada perayaan Perjamuan Kudus, kita terima roti dan anggur maka dengan ‘Firman yang kelihatan’ ini ditegaskan dan diberi jaminan kepada kita, bahwa kita boleh ambil bagian dalam keselamatan yang dikerjakan Kristus bagi manusia. Sabab dengan menerima tanda-tanda roti dan anggur itu ditandakan, bahwa kita dijadikan satu dengan Kristus dalam kematianNya”. Alu bage tangkas teridah maka arah Lakon Persadan si Badia enda kalak si erkiniteken ipersada ras Kristus i bas kematenNa gelah manusia terkelin.

Jenari ituriken Paulus cara ntahpe biak si arus ituduhken kalak Kristen i bas ngaloken Lakon Persadan si Badia e. Ipersingeti Paulus nina: “e maka kalak si man roti Tuhan ntah minem tare calungNa alu cara si la patut, banci ia iukum sabap ersalah ia nandangi badan ras dareh Tuhan” (ay. 27). I bas bagin enda ate Paulus mpetangkas maka kalak si ngelakoken Lakon Persadan si Badia alu pengertin si biasa-biasa saja seh maka la teridah ulih kegeluhen si encidahken pusuh si robah dingen jera, maka kalak si bage la ngergaken pengorbanen si enggo ilakoken Jesus Kristus. E maka kalak si bage labo atan i bas Lakon Persadan si Badia. Persinget enda ituriken Paulus sabab lit kalak Korinti si erpengakap maka Kristus labo “hadir” i bas lakon (sakramen) e. Kalak si bage enggo ngelakoken pelanggaren secara langsung nandangi kula ras dareh Kristus, tentu patut ia ndatken ukumen (Bnd. 1 Kor. 11:27). Erdandanken sie me maka nina Paulus i bas ayat 28: teptep kalak nguji banalah (sensura morum: Tata Gereja GBKP). Ertina maka teptep kalak arus nge nguji dirina (pusuh perukurenna) gelah seh ku bas ukuren moralitas ras sikap yang benar ilebe-lebe Dibata. I bas Tata Gereja GBKP pasal 32 ituriken maka kalak si atan ikut i bas Lakon Persadan si Badia e mekap: “warga sidi dan warga sidi gereja lain sebagai tamu, yang tidak berada di bawah penggembalaan khusus”. E maka kalak si langa ingawanken ras si sangana i bas pengepkepen khusus la banci ikut i bas Lakon Persadan si Badia.

PENGKENAINA :

Lakon Persadan si Badia e me sada pengajaren si penting si arus isehken dingen iangkai kalak Kristen. Alu pengangkan si payo, kalak Kristen banci ngidah maka lias ras keleng ate Dibata tangkas kepeken erdahin i bas geluhna. Tentu enda banci mpeturah kiniteken si paguh i bas ia. Seh maka tersehi me kai si jadi salah sada misi GBKP e me: menumbuhkembangkan spiritualitas jemaat berbasis Alkitab. Ertina maka alu teptep kali ngelakoken Lakon Persadan si Badia, kalak si erkiniteken ngasup ngidah perbahanen Dibata si mbelin i bas geluhna. Seh maka perbahanen Dibata e ka me si njemba ia nggeluh i bas kiniulin-kiniulin bagepe erpengendes man Dibata. Em ulih kalak si ngasup ngangkai dingen nggeluh i bas pengajaren si payo e. Seh maka meherga iakapna kegeluhenna erkiteken pengorbanen Kristus si mbelin man bana.

DISKUSI :

1. Turikenlah kai pengertin roti ras anggur i bas kita ngelakoken Lakon Persadan si Badia.
2. Turikenlah kai si arus ilakoken kalak Kristen i bas ia nguji bana gelah atan bengket i bas Lakon Persadan si Badia e?

USULEN ENDE-ENDEN: :

1. KEE GBKP No. 41:1-2
2. KEE GBKP No. 299:1-3
3. KEE GBKP No. 340:1-3
4. KEE GBKP No. 338:1-3

DAFTAR BACAAN:

1. Boland & van Niftrik, Dogmatika Masa Kini, BPK-GM, Jakarta: 2013

Calvin, Yohanes, INSTITUTIO (Pengajaran Agama Kristen), BPK-GM, Jakarta: 2005

LAI, Pustaka si Badia, Jakarta: 2013

Moderamen GBKP, Tata Gereja GBKP 2015-2025 edisi sinode, Kabanjahe: 2021

Moderamen GBKP, Garis-garis Besar Pelayanan GBKP 2021-2025, Kabanjahe: 2015

Pfitzner, V.C, Kesatuan Dalam Kepelbagaian, Ulasan atas 1 Korintus, BPK-GM, Jakarta: 2015

 

Pdt. Dicky A. Bangun, M.Th

HP/WA: 081263231231