DIBATA ENGKELINI BANGSANA
Masmur 85:1-10
(Hari Ulang Tahun Kemerdekaan Republik Indonesia)
Doa mohon Israel dipulihkan1 Untuk pemimpin biduan. Mazmur bani Korah.2 Engkau telah berkenan kepada tanah-Mu, ya Tuhan, telah memulihkan keadaan Yakub.3 Engkau telah mengampuni kesalahan umat-Mu, telah menutupi segala dosa mereka.Sela4 Engkau telah menyurutkan segala gemas-Mu, telah meredakan murka-Mu yang menyala-nyala.5 Pulihkanlah kami, ya Allah penyelamat kami, dan tiadakanlah sakit hati-Mu kepada kami.6 Untuk selamanyakah Engkau murka atas kami dan melanjutkan murka-Mu turun-temurun?7 Apakah Engkau tidak mau menghidupkan kami kembali, sehingga umat-Mu bersukacita karena Engkau?8 Perlihatkanlah kepada kami kasih setia-Mu, ya Tuhan, dan berikanlah kepada kami keselamatan dari pada-Mu!9 Aku mau mendengar apa yang hendak difirmankan Allah, Tuhan. Bukankah Ia hendak berbicara tentang damai kepada umat-Nya dan kepada orang-orang yang dikasihi-Nya, supaya jangan mereka kembali kepada kebodohan?10 Sesungguhnya keselamatan dari pada-Nya dekat pada orang-orang yang takut akan Dia,sehingga kemuliaan diam di negeri kita.
MODEL PJJ:PUJI-PUJIAN
KATA PERLEBE :
Indonesia ijajah Belanda 350 tahun dekahna, e maka iumputi Jepang sedekah 3, 5 tahun. Sedekah Indonesia ijajah, Dibata tetap ngkelini bangsa Indonesia. Tuhu ndekah kita ijajah bangsa si deban, tentu la lepas perjuangen arah pahlawanta guna merebut kemerdekaan Indonesia. Gegehta i bas proses mperjuangken epe rehna arah Dibata nari, la ngena ate Dibata penjajahen/perbudaken, e maka ibereNa kepentaren man bangsanta guna ngelawan bagepe merebut hakta guna nggeluh i tanehta enda. Usaha ras perjuangan bersenjata/diplomasi silakoken tapi lebih asa sie Dibata me si erdahin arah ngelitken kesempaten guna ndatken kemerdekaan bangsanta.
ISI :
Arah kitab Masmur 85 enda si idah uga cara pemasmur ngergaken Dibata si engkelini bangsana. Sipemena e me: Notoken bangsana man Dibata, arah pertoton bangsa e ncidahken itandaina kap biak Dibata si perkuah dingen nggit ngalemi salah. Pemasmur ertoto man Dibata segelah Dibata maba bangsa e mulih ku kutana i bas pembuangen Babil nari (ay 5). Nembeh ate (Ind. murka) Dibata man bangsa e erkiteken dosana. Ipenimpet Dibata rawaNa (ay 4) sabab mekuah ate Dibata janah perkuah ateNa mere kesangapen man bangsa e (ay 2). Nggejap kal bangsa e maka mekelek dosana tapi ialemi Dibata (ay 3).
Sipeduaken, Pertoton bangsa e mpeturah tekad guna robah ntahpe mulih kempak si ngena ate Dibata. Ertekad ia gelah muji Dibata mulihi (ay 7) dingen megiken Kata Dibata, sabab erpadan Dibata mere perdamen (ay 9) dingen engkelini kalak si tutus (ay 10).
Mulia kal iakap pemasmur e Dibata sabab ikeliniNa bas kerina paksa geluh bangsa e, tupung Ia nembeh, inimpetiNa, tupung mekelek dosa bangsaNa, ialemiNa. Tupung i bas pembuangen, babaNa mulih. Merdeka bangsa e pelin-pelin kal bekas pendahin ras pemere Dibata.
I bas pembukaan UUD’45 alinea 3 nuriken, “Atas berkat rahmat Allah yg maha kuasa dan dengan didorongkan oleh keinginan luhur, supaya berkehidupan kebangsaan yang bebas, maka rakyat Indonesia menyatakan dengan ini kemerdekaannya”. Secara nasional pe bangsanta ngakuken maka kemerdekaan e me pemere Dibata guna sinanami.
PENGKENAINA :
Tuhu-tuhu merga me pemere Dibata e maka arus iergaken alu cara ngisi kemerdekaan guna kemajun bangsanta. Selaku anak-anak Dibata kita arus ngasup jadi warga negara si mehuli carana e me megiken kata Dibata. Pengelakonta pe arus sue ras sura-sura Dibata. Alu bage me maka si angka kai si jadi kewajiben bagepe mpergunaken hak-ta alu ertanggung jabab, adil ras maba kedamen. Bagi pemasmur ertekad ia mulihken kempak si ngena ate Dibata. Nggeluh alu bujur janah iperobahina carana nggeluh gelah ringan Dibata i negerina.
Lit empat tujun Negaranta nuriken kita bangsa si merdeka e me melindungi segenap warga negara Indonesia, memajukan kesejahteraan umum, mencerdaskan kehidupan bangsa dan ikut dalam perdamaian dunia. Melala denga rakyat si lenga nggeluh i bas cita-cita kemerdekaan contohna kesenjangen sosial; pembangunen si la merata; kemiskinen secara moral & daya; pendidikan menurun, kriminal, pinakit sosial ras sidebanna. Pihak pemodal banci saja semena-mena mengeksploitasi lahan/pasar, rakyat nggeluh erbana-bana, pemimpin la jujur ntahpe adil. Situasi bagi lingkaren setan si la terputusken nari. Enda kerina ngambat bangsanta guna seh ku bas tujun ras cita-cita kemerdekaan.
Kalak Kristen arus nehi cita-cita kemerdekaan alu setia ndalanken si bujur e me caranta guna ngisi kemerdekan. Mulih kita kempak Dibata gelah Ia singkelini perdalanen bangsanta ku lebe wari enda. Lit 4M cara si sederhana i bas kita ngisi kemerdekaan sebage tanda kita nggo ngergaken Dibata. 4M enda e me mensyukuri, mendoakan, membangun dan merobah.
- Mensyukuri ntahpe ngataken bujur e me caranta ngergaken uga Dibata ngkelini kita sedekah 80 tahun kita nggo merdeka, iumputi arah perjuangan para pahlawan. Perjuangan e igelari alu merga, nina Ir. Soekarna, “bangsa yang besar adalah bangsa yang menghormati jasa para pahlawannya”.
- Mendoakan ntahpe ertoto (ora et labora), la terjeng pertoton man bangsanta si mehuli tapi silakoken si mehuli sue ras pertotonta.
- Membangun, enda erkawiten ras kai kontribusinta selaku warga Negara si mehuli, peran, kengasupen, talenta rikut ras pendahinta arus mperdiateken kepentingen si nterem la guna keperlunta saja.
- Merobah, ntahpe mpekena-kena kai si kurang, ras pe si jadi gangguan i bas kemajun bangsanta, contohna biak korupsi (waktu, tanaga, sen), kolusi; nepotisme. Tentuna arah kita mendukung pemerintah alu menyuarakan kebenaren guna mengevaluasi kinerja pemerintahta banci mpekena-kena bangsanta. Mari perpulungen Tuhan tetap sitotoken bangsanta gelah ikelini Dibata bangsanta jadi pasu-pasu man man banta bagepe man doni enda.
DISKUSI :
- Uga Dibata engkelini bangsa Israel sue arah bahanta? Janah kai tekad bangsa Israel kenca mulih ku kutana?
- Uga Dibata engkelini bangsanta seh ku 80 tahun, janah kai tekadta i bas Ia nggo engkelini bangsanta?
USULEN ENDE-ENDEN: :
- KEE GBKP 303: 1-2
- KEE GBKP 201: 1-2
- KEE GBKP 333: 1-2
- KEE GBKP 302: 1-2
DAFTAR BACAAN:
Pdt. Natasya br Tarigan, S.Si(Teol)
HP/WA: 081377124597