Sue Kata ras Perbahanen

Teks       : Kuan-kuanen 2: 7-11

Amsal 2: 7 – 11

2:7 Ia menyediakan pertolongan bagi orang yang jujur, menjadi perisai bagi orang yang tidak bercela lakunya,
2:8 sambil menjaga jalan keadilan, dan memelihara jalan orang-orang-Nya yang setia.
2:9 Maka engkau akan mengerti tentang kebenaran, keadilan, dan kejujuran, bahkan setiap jalan yang baik.
2:10 Karena hikmat akan masuk ke dalam hatimu dan pengetahuan akan menyenangkan jiwamu;
2:11 kebijaksanaan akan memelihara engkau, kepandaian akan menjaga engkau

2:7 Man kalak benar ras bujur iberekenNa penampat ras ampang-ampang.
2:8 TUHAN si ngkawali kalak si bujur perbahanenna janah iampang-ampangiNa kalak si tutus man baNa.

2:9 Adi idengkehkenndu aku, ietehndu kai si bujur, si benar dingen adil. Ietehndu pe kai si arus ilakokenndu.
2:10 Kam jadi kalak pentar janah pemetehndu mereken kesenangen man bandu.
2:11 Kebeluhen dingen pengertinndu kap si ngkawali kam,

Tema     : Sue Kata ras Perbahanen

Tujuan  : Gelah Mamre:

• Meteh erti benar ras bujur
• Ngelumbaken sue kata ras perbahanen (bujur)

I. KATA PENARUH

“Kejujuran adalah hadiah yang sangat mahal. Jangan mengharapkannya dari orang yang murahan” – Warren Buffet.

Alu kata-kata enda nurikenca maka labo murah sekalak jelma jadi kalak bujur dingen perbahanen si ncidahken kebujuren labo ka perbahanen si kitik. Lit perjuangan si arus ilakoken guna njadiken diri sekalak jelma jadi pribadi si bujur dingen lit perjuangen si arus ilakoken sekalak jelma manusia gelah lit perbahanenna si dem alu kebujuren umpamana ngasup ngkuasai diri. Terkhusus i bas kegeluhenta selaku Mamre GBKP segelah dirinta banci jadi perbapan si bujur si arus silakoken e me lit hubungenta si mehuli ras Dibata alu kininggintenta malang man baNa.

Bujur e me salah sada biak si mehuli dingen terpuji. Kerina agama ngajarken umatna/perpulungenna gelah lit ibassa biak bujur. Doni enda pasti mehuli dingen dame reh teremna jelma si lit ibassa kebujuren. Erkiteken si e iperluken kal biak bujur si ibenaken i bas keluarga nari khususna Mamre GBKP.

II. URAIAN TEKS

Kitab Kuan-kuanen isina e me ajaren kerna kegeluhen si payo. Tujunna e me nampati kalak geluh pentar dingen ngaloken pengajaren si mehuli, janah ngantusi ranan si mbages ertina. Iajerkenna kalak maka kalak nggeluh pentar, bujur, adil dingen benar (Kuan-kuanen 1:2-3). E maka i bas kitab enda mbue ituriken kerna cara nggeluh i bas kegeluhen si tep-tep wari dingen ibenaken alu kata persinget, “Jadi kalak si erpemeteh, arus lit i bas ia mehamat dingen malang man Tuhan”.

Kuan-kuanen 2:6-11 e me bagin i bas kuan-kuanen 2:1-22. Lit telu (3) bagin isi Kuan-kuanen 2 e me:

• Pemindon

Si melalana nulis kitab Kuan-kuanen e me Salomo, anak Daud raja Israel (kuan. 1:1). Erkiteken ia sekalak si pentar e maka mesikel ia kalak sideban pe jadi kalak pentar. E maka ipindokenna anakna (baca: kalak si ngoge kitab Kuan-kuanen enda) jadi kalak pentar alu ngajari kai si ikatakenna janah ola lupaken kai siturikenna. Ijadikenna dirina jine jadi pribadi si man usihen. Daramilah e kepentaren desken ndarami emas, ayakilah e desken ndarami erta si terbuni (Kua. 2:4). Enda maka pemindon penulis kitab kuan-kuanen e me mengayaklah jadi kalak pentar.

• Persinget

Penulis kitab Kuan-kuanen mpersingeti kalak si ngoge kitab Kuan-kuanen enda gelah malang man Tuhan. Persinget enda isehkenna erkiteken enggo ietehna maka Tuhan kap si mada kepentaren. E maka kalak si malang man baNa ngaloken kepentaren i bas IA nari. Alu bage i bas pemindon si isehken penulis kitab Kuan-kuanen ndarami kepentaren desken ndarami emas dingen ngayakisa desken ndarami serta si terbuni ertina e me pekerilah  gegeh ras waktu guna ersada ras Tuhan Dibata.

• Ulih Pentar

Piga-piga dampar si isingetken I bas Kuan-kuanen 2 jadi perulihen kalak pentar e me:

• Ibereken Tuhan penampat ras ampang-ampang (ay. 7-8)
• Meteh kai si bujur, si benar, dingen adil. Meteh pe kai si arus ilakoken (ay. 9).
• Ndatken kesenangen (ay. 10)
• La ngelakoken si lepak. Ndauh i bas kalak si erbahan perjengilen nari alu rananna (ay. 12).
• Ngasup nulak diberu gutul si nami-nami alu cakap medalit gelah kita guling (ay. 16-19).
• Bersih ukurna, dingen tading i bas negerina. Ertina tading i bas taneh s idem aku kemalemen ate

Erpalasken penjelasen enda maka si jadi isi teks PA Mamre GBKP paksa enda Kuan-kuanen2: 7-11  e me perulihen kalak si malang man Dibata e me kalak pentar si kin kerina e enggo jadi orat geluhna si teridah i bas kegeluhen si tep-tep wari i bas pengerana, perbahanen ras pendahin.

III. PENGKENAINA

Secara umum, bujur e me sada biak kegeluhen sincidahken sembabna antara perkatan siibelasken ras perbahanen si ilakoken sekalak jelma. Enda nuriken maka sekalak jelma sinikataken bujur e me di kune ia melasken sada perkatan iumputina alu perbahenna.

Dalam Kamus Besar Bahasa Indonesia (KBBI) jujur adalah lurus hati atau tidak berbohong. Selain itu, menurut KBBI, jujur bisa juga dikatakan sebagai satu perilaku tidak curang atau mengikuti aturan yang berlaku. Oleh sebab itu, sikap jujur ini selalu identik dengan sikap baik.

Istilah “Kebenaran”, menurut Kamus Besar Bahasa Indonesia, berasal dari kata “benar” yang berarti “sesuai sebagaimana adanya (seharusnya)”, “tidak berat sebelah”, “lurus (hati)”, “dapat dipercaya (cocok dengan keadaan yang sesungguhnya). Benar pada dasarnya adalah pesesuaian antara pikiran dan kenyataan.

Alu pengertin enda maka sekalak jelma sinikataken bujur ras benar e me sue kata, perukuren ras perbahanen. Dingen si jadi tema PA Mamre paksa enda e me sue kata ras perbahanen. Kerina perkatan jadi perbahanen dingen kerina perbahanen jadi perkatan.

Contoh bujur i bas Pustaka Si Badia e me kai siilakoken Daud tupung Nabi Natan ningetken kerna kelepakenna muat Batseba ndehra Uria jadi ndeharana (2 Sam. 12). Bujur ia ngakui kelepakenna. Ulihna amin gia anakna mate tapi kedungenna ketenangen ukur jadi i bas raja Daud erkiteken enggo iakuina kelepakenna.

Contoh la jujur ibas Pustaka Si Badia e me kai siilakoken Ananias ras Sapira (Perb. 5). Ersada arhna erbual (muali Kesah Si Badia) kerna ulih pendayakenna tanehna alu muniken deba tukur taneh e. Ulihna mate ia duanna.

Erkiteken petembil kal ulih bujur ras la bujur e maka kerina Mamre GBKP iajuk guna jadi kalak bujur ras benar. Tetaplah nggeluh i bas hubungen si mehuli ras Dibata segelah ialoken gegeh i bas IA nari jadi kalak bujur ras benar.

DISKUSI

1. Oge mulihi Kuan-kuanen 2:7-8. Turiken kai pengertin ayat enda!
2. Kai si arus ilakoken Mamre gelah tetap sue kata ras perbahanen?

Usulen Lagu

• KEE GBKP No. 215:1,3
• KEE GBKP No. 176:1-2
• KEE GBKP No. 249:1-2
• KEE GBKP No. 299: 1- (persembahen)

Pdt. Christopher Sinulingga, M.Th.
HP: 0813 7629 1768