Endekenlah Ende-enden Pujin Man BaNa

Mazmur 18: 47 – 50

18:47 (18-48) Allah, yang telah mengadakan pembalasan bagiku, yang telah menaklukkan bangsa-bangsa ke bawah kuasaku,
18:48 (18-49) yang telah meluputkan aku dari pada musuhku. Bahkan, Engkau telah meninggikan aku mengatasi mereka yang bangkit melawan aku; Engkau telah melepaskan aku dari orang yang melakukan kelaliman.
18:49 (18-50) Sebab itu aku mau menyanyikan syukur bagi-Mu di antara bangsa-bangsa, ya TUHAN, dan aku mau menyanyikan mazmur bagi nama-Mu.
18:50 (18-51) Ia mengaruniakan keselamatan yang besar kepada raja yang diangkat-Nya, dan menunjukkan kasih setia kepada orang yang diurapi-Nya, yaitu Daud dan kepada anak cucunya untuk selamanya.”

Teks       : Masmur 18: 47 – 50
Tema     : Endekenlah Ende-enden Pujin Man BaNa

Tujuan  : Gelah Mamre

• Meteh maka Dibata saja man pujin, janah pujilah IA arah ende-endenta
• Tetap muji gelar Tuhan dingen ncidahkennca arah kesaksin geluhna

KATA PENARUH

Ende-enden merupaken ekspresi kegeluhen manusia. Baik ibas situasi meriah ukur ntah ceda ate, ndele ate ntah pe senang, kerina banci ituriken arah ende-enden. Ibas kegeluhen kalak Kristen, ende-enden pe megati ipake guna nuriken kerna kiniteken ntah pe pengalamen rohani siialamina ibas kegeluhenna. Ibas bahan oratenta sendah, Daud nuriken kerna pengalamen kegeluhenna jadi sada ende-enden. Sikap ras semangatna enda patut jadi contoh simehuli man banta. Bagepe jadi usihen ibas ngalaken perbeben si mberat sekaligus jadi kesaksin bas kegeluhen. Terdauhen mari sinen bahan oratenta

 URAIAN TEKS

Ungkapen syair bas ogenta enda berlatarken peristiwa kemenangen Daud ibas naluken perbebenna si mberat bagi siitulisken ibas 2 Sam. 22. Ija ituriken maka Tuhan enggo nelamatken Daud ibas musuhna Raja Saul ras musuh-musuhna sideban. Igejapken Daud maka kemenangen e ialokenna ibas Tuhan nari janah erpalasken penggejapen si e maka isehkenna puji pujinna man Dibata. Alu singkat banci isimpulken pengalamen geluh jadi palas nehken pujin man Tuhan.

Arah bahan ogenta, Daud nuriken 3 (telu) hal si jadi pokok perenungen guna nehken puji pujin man Dibata arah kecibal geluh manusia, ras itutup alu sikap Daud merespon perenungenna, eme:

1. Tuhan e nggeluh, penampatku (ay 47)

Kiniteken Dand ngatakenca maka Tuhan siiembahna e eme Tuhan si nggeluh, labo mate ntah la erpemegi. Alu pemahamen enda maka Daud tuhu-tuhu menyadari bahwa Dibata e ngasup erban kai pe ibas kegeluhenna ras Tuhan e tuhu tuhu jadi penampat. Keyakinen enda me si ijemak Daud, aminna gia ia terus iayak-ayak Raja Saul ras kerina pasukenna. La pernah si begi Daud putus asa ntah menyerah, tapi tetap terus bertahan ras ncikep nteguh kinitekenna maka Tuhan e nggeluh pasti aku isampatiNa.

2. IbereNa kemenangen naluken musuh-musuhku (ay 48)

Ngumputi Tuhan e nggeluh ras nampati, Daud nggejapken maka bentuk konkrit penampat Tuhan eme ndatken kemenangen. Banci jadi wujud musuh e eme kalak si lebih hebat ntah berkuasa, banci ka komploten (kelompok) si mbelin rsd. Mirip bagi si ialami Daud ibas menghadapi Raja Saul (mamana sekaligus rajana) rikut ras kerina pasukenna. Hal si la mungkin la ngasup ialaken secara gegeh manusia, tapi Daud ngadapisa alu mengandalken Tuhan, Kerina musuhna talu ibas kuasa Daud

3. Aku ikelini Tuhan ibas musuh ras kalak jahat nari (ay 49)

Bagin enda secara tersirat Daud nuriken kerna proses si ialamina ibas ngalaken perbebenna. Banci Daud terlepas ibas kepungen prajurit, bagepe cebuni ibas ingan- ingan tertentu rikut pe teman teman si setia nampatisa rsd. Kerina peristiwa enda iakui Daud labo erkiteken kebeluhen ntahpe kemampuanna. Tapi pelin-pelin erkiteken Dibata tuhu-tuhu kelini Daud, seh maka Daud terluput ntah terhindar ibas kerina kepungen prajurit ntah ingan si aman guna cebuni. Bagem me mbagesna penggejapen si ialami Daud ibas pengalamen geluh si jadi bas dirina.

4. Emaka ku puji Tuhan itengah bangsa-bangsa (ay. 50)

Arah pengalamen si terjadi sekaligus bukti nyata Tuhan e tuhu-tuhu erdahin ras nelamatken Daud, maka respon Daud selaku kalak si tek e me muji gelar Dibata alu dem keriahen ras alu pusuh dem pengataken bujur. Ungkapen puji-pujin enda la hanya man dirina saja tapi pe iberitaken ntah ikumandangken man kerina bangsa-bangsa. Gelah kerina bangsa pe nggejapken hal si nggo ialami Daud, bagepe kerina bangsa e tek nandangi kuasa Tuhan dingen nembah man baNa. Dibata tetap ngkelini kalak si malang man baNa rikut pe ras si nursurna.

PENGKENAINA

Tema PA nta: Endekenlah Ende-enden Pujin Man Bana, merupaken ungkapen si luar biasa si isehken Daud kerna Dibata si itekina, pengalamen rohani si tuhu-tuhu maba keberhasilen i bas geluhna. Selaku Mamre, kita pe megati menghadapi perbeben bas kegeluhenta. Situasi bas inganta erdahin, bagepe ulih juma si la bagi ukur, ekonomi si la terkendali rsd. Langa denga sikap anak-anakta si la bagi ukurta, lingkungen sekitarta si la jelas percibalna. Kerina enda tuhu tuhu jadi perbeben si erbanca latih ukurta. Arah bahan PA nta enda kita iajuk gelah ngusih Daud ibas ngalaken kerina perbeben e. Bagepe membangun pola pikir ras pola tindak bagi siilakokenna.

Erpalasken bahanta, alu tangkas si idah maka lit 3 (telu) hal si jadi gelemen Daud bas kinitekenna, eme:

1. Dibata e nggeluh, IA penampatku (Dibata e aktif, mediate ras nampati)
2. IberekenNa kemenangen naluken musuh-musuhku (janji kemenangen)
3. Aku ikelini Tuhan ibas musuh ras kalak jahat nari (perlindungan)

Alu 3 (telu) pemahamen si mbages kerna Dibata enda, Daud tetap terus melangkah menghadapi kerina perbebenna. Bagepe iarapken kerina kita Mamre pe ngasup ngelakoken si enda, itengah tengah perbeben si jadi bas geluhta.

Seh kedungenna, bagi nina pepatah habis gelap terbitlah terang, kerina perbeben e terdungi ras Daud ngaloken kemenangen. Ungkapen keriahen ras bukti nyata Dibata erdahin bas geluhna ituriken Daud alu ngendeken ende-enden puji man baNa, si merupaken kesaksin siituriken Daud man kalak Israel (kalak si tek). Tentuna arah bahan renungen enda pe kita iajuk gelah Mamre pe ngasup ngendeken ende-ende pujin man Dibata. Sekaligus enda ningetken gelah Mamre muat bagin ibas pelayanen tengah tengah gerejanta. Nehken kesaksin baik arah Vokal Grup ntah Koor bagepe ikut jadi Song Leader gereja. Bagepe banci si tingkatken alu erban Tim Paduan suara tingkat Klasis ntah antar Klasis. Sabab arah ende-enden pujin, kita nggo naksiken Tuhan.

DISKUSI

1. Oge mulihi ay. 50, kai dasarna maka Daud nggit ngendeken ende-enden pujin man Dibata?
2. Aturken ras sikapkenlah waktu bas sektorndu/runggunndu gelah Mamre banci maba lagu pujin itengah tengah kebaktin minggunta. Arihken ras Runggun gelah kegiaten enda banci ijadwalken jadi kegiatan rutin tahunan, misal: tampil 3 bulan sekali (aturken rikutken situasi runggunta)

Usulen Lagu

1. KEE GBKP No. 20: 1-3
2. KEE GBKP No. 270: 1-3
3. KEE GBKP No. 286: 1-4
4. KEE GBKP No. 102: 1 -… persembahen

Pdt. Darius R. Sembiring, M.Th.

HP: 0812 193 1648