Bahan PJJ 06 – 12 Juni 2021

PENGERAKUT KINIERSADAN BAS JABU

(Budaya/Sangkep Nggeluh)

Mazmur 133: 1 – 3
Persaudaraan yang rukun

133:1 Nyanyian ziarah Daud. Sungguh, alangkah baiknya dan indahnya, apabila saudara-saudara diam bersama dengan rukun!
133:2 Seperti minyak yang baik di atas kepala meleleh ke janggut, yang meleleh ke janggut Harun dan ke leher jubahnya.
133:3 Seperti embun gunung Hermon yang turun ke atas gunung-gunung Sion. Sebab ke sanalah TUHAN memerintahkan berkat, kehidupan untuk selama-lamanya.

Keleng ate man senina
133:1 Andiko ulina ras senangna, adi kalak si ersenina ersada perarih!
133:2 Bali kap e ras minak wangi si meherga, si icurcurken ku takal Harun, maler ku janggutna maler ku kerahung baju jubahna,
133:3 ntah bagi embun i Deleng Hermon, si nusur ku deleng-deleng Sion.

PERSIKAPEN

  • Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
  • Nikapken ingan persembahen ras pertoton syafaat
  • Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
  • Kerina perdalinenna rikutken situasi janah banci iubah (imodifikasi).
  • Sope benaken PJJ banci kita rende Lagu KAKR

Kata Pengalo-Ngalo: (ibabai Bapa/Nande)
Senina ras turang si ikelengi Tuhan, ngataken bujur kita man Dibata
erkiteken perkuah ateNa si enggo ngarak-ngarak kita kerina seh
maka kita kerina sehat mejuah-juah dingen ermeriah ukur jumpa
ras kerina sangkep geluhta i bas rumah enda guna muji ras nembah
Dibata bage pe ngorati kataNa i bas Perpulungen Jabu-Jabunta (PJJ)
wari enda.

Mari dage guna menaken PJJ enda, si puji Tuhan alu ngendeken
ende-endenta:

SUNGGUH ALANGKAH BAIKNYA

Sungguh alangkah baiknya
Sungguh alangkah indahnya
Bila saudara semua hidup rukun bersama

Seperti minyak di kepala Harun
Yang ke janggut dan jubahnya turun
Seperti embun di Bukit Hermon
Mengalir ke Bukit Sion

Sebab ke sana lah Allah mem’rintah
Agar berkat-berkatNya tercurah
Serta memberikan anugerah
Hidup slama lamanya

ERTOTO

RENDE: KEE. 374 – YESUS ULU KEGELUHENKU

Yesus ulu kegeluhenku,
Kam me ngenca pengendesenku,
Lalap tedeh ate pusuhku,
Kupehaga Kam bas geluhku.

O Tuhan pernehen pusuhku,
Siertedeh ate man baNdu
Kugelem pedah ras padanNdu
Kusembah Kam i bas geluhku

ERTOTO

NGOGE KATA DIBATA: MASMUR 133:1-3 (iogeken)

RENUNGEN (SANGKEP NGGELUH)

Masmur 133 enda emekap Masmur Kepentaren (Masmur Kebijaksanaan). I bas Masmur enda kalak si ersenina sada perarih igambarkenna bagi minak wangi si meherga bage pe embun i deleng Hermon nari. Pemasmur nehken man banta maka seh kel ulina adi kalak si ersenina ersada perarih. Kalak si ersenina si imaksudken ijenda emekap si ersenina bage pe sada kiniteken man Tuhan. Kiniersadaan i bas ersenina (Keharmonisan dalam keluarga) seh kel pentingna. Engkai enda isehken Pemasmur? Erkiteken i bas jabu, khususna i bas kalak si ersenina banci jadi turah perubaten misalna i bas masalah tading-tadingen orangtua. Contohna emekap turi-turin kerna Esau ras Jakub, terjadi perubaten erkiteken Jakub enggo ndatken pasu-pasu i bas bapana Isak nari si arusna i bas adat kalak Israel pasu-pasu e man anak si ntua emekap Esau. Perselisihen e erbahanca Jakub arus kiam nadingken orangtuana bage pe kutana. Enda me contoh ersenina si la lit i bas kiniersadaan.

Kiniersadaan si ersenina seh kel ulina. Desken minak wangi bage pe embun. I Timur Tengah kuno minak enda enggo icampur ras rempah-rempah si merim si ipake guna mpeteguhi buk bage pe guna mpekena-kena kulit. Selain si e, sekalak temue pe ialo-alo alu namaken minak ku takalna atau ku nahena. Gambaren minak wangi si meherga, si icucurken ku takal Harun, maler ku janggutna maler ku kerahungna, baju jubahna, enda sebage sada bentuk penangkuhen Harun jadi imam si melambangken pasu-pasu Tuhan. Janggut imam i bas masa si e pe la banci ikeret (Im. 21:5). Selain bagi minak wangi, kiniersadan e ilambangken bagi embun i bas sinuan-sinuan, si melambangken kesuburen bage pe pertumbuhen. Bagem me pasu-pasu Tuhan maler man kerina kalak si ersenina si ersada ukur. Kegeluhen i bas kiniersadan erbahanca maka ku je me Tuhan erpadan mereken pasu-pasuNa, kegeluhen si la erkeri-kerin.

I bas budaya Karo lit sistem kekerabaten siigelari sangkep nggeluh si melekat i bas kegeluhenta emekap kalimbubu, senina ras anak beru. Sikap dasar si lit i bas rakut si telu enda, eme kap :

  1. Mehamat erkalimbubu ertina menghormati, ngergaken ajar ntah pe nasehat si isehken kalimbubu. Enda teridah arah encidahken ketutusen erdahin, jujur, nggit berkorban waktu bage pe gegeh.
  2. Medes ersenina, ertina nggit mperdiateken senina, la terudu sisada (egois), la meganjang ukur, la pejago-jagoken bana ras la nggit ngerana metartar janah la cenderung mpekitik senina arah kata ras perbahanen.
  3. Metami eranak beru, ertina sabar janah idaramina rusur si erbahan anak beruna ermengkah ate, bangga, mereken pujin man si biak anak beru erkiteken dahin mberat pe enggo ilayasina ras idungi anak beru, bage pe mereken pasu-pasu si mpegegehi anak beru e.

Secara prinsip, kegeluhen kalak Karo tuhu-tuhu encidahken maka lit i bas kiniersadaan si icidahken i bas kegeluhenta ersangkep nggeluh. Kegeluhenta labo banci erdalan alu mehuli, di kune sada bagin i bas rakut si telu enda ceda. Enda igambarken bagi daliken si telu. Di kune sada daliken e ceda, entah pe lanai lit ije, emaka labo banci kita alu mehuli erdakan idatas daliken e. Arus me teluna mehuli lit ije, alu bage me maka daliken e banci ipake guna erdakan. Jadi, labo banci ipesirang sada ras si debannna. Bagi kegeluhenta i bas jabu, la banci lit kesirangen erkiteken pengerakut kiniersadan si lit i bas jabu e, terlebih ka pe iketenta i bas jabu sada dareh ka kita.

Segelah i tengah-tengah jabunta tetap enteguh iketen kiniersadan, arus maka tetap lit kiniersadaanta ras sangkep geluhta terlebih pe persadanta pe ras Tuhan. I bas kita tetap setia mbangun kiniersadan ras Tuhan, emaka kita jadi sekalak si nggeluh alu dem keleng ate emekap mehamat erkalimbubu, medes ersenina bage pe metami eranak beru. Perbahanen enda jadi sada kesaksin nggeluh i tengah jabu ipasu-pasu Tuhan si dem alu dame sejahtera si la terpersirang alu kai pe si lit i doni enda. Bage pe keleng ate e teridah i bas kegeluhen jabu emekap i bas bapa, nande bage pe anak-anak i tengah jabu. Janah ibabo si e kerina, arus kam si keleng-kelengen sabab keleng ate mpersadaken kerina alu serta (Kol.3:14).

NURIKEN PENGGEJAPEN:

  • SIMADA JABU
  • KALIMBUBU
  • SENINA
  • ANAK BERU

IRAKUT PERTUA/DIAKEN/EMERITUS/PENDETA

DISKUSI

  1. Kai si idah i bas budayanta si enggo ngukurken dirina sekalaksekalak.
  2. Kai banci si ban tole geleh meteguh persadan jabu ras gerejanta.

MOMO

RENDE: KEE. 316 – SEH KEL SIMPARNA (PERSEMBAHEN)

Seh kal simparna pemereNdu o, Tuhan.
Mejuah-juah kerina i bas jabu.
La lit si magin, pinakit la ertahan.
Ngataken bujur pusuh kami man baNdu.

Nggo kap mbuah bage, page si nisuan
Janah pe merih, bage manuk ni asuh
Ajari ersembah man baNdu, Tuhan
Lah malem ate ras dame i bas pusuh

PERTOTON SYAFAAT:

  • Segelah kerina jabu ngawan ni perpulungen GBKP tetap lit i bas kiniersadan (Kalimbubu jabu)
  • Segelahna anak-anak itengah jabu pe semangat erlajar kerna budaya Karo khususna rakut si telu (Senina)
  • Persembahen ras si turah i bas perpulungen (Anak beru)

JEDA RAS PENUTUP

Pdt. Crismori Veronika Br Ginting Manik, M. Th