Bahan PJJ 27 September – 03 Oktober 2020

SETIALAH MAN TUHAN

(TI/Okultisme)

Ulangan 18: 9 – 13

Bertenung dan bernubuat
18:9 “Apabila engkau sudah masuk ke negeri yang diberikan kepadamu oleh TUHAN, Allahmu, maka janganlah engkau belajar berlaku sesuai dengan kekejian yang dilakukan bangsa-bangsa itu.
18:10 Di antaramu janganlah didapati seorangpun yang mempersembahkan anaknya laki-laki atau anaknya perempuan sebagai korban dalam api, ataupun seorang yang menjadi petenung, seorang peramal, seorang penelaah, seorang penyihir,
18:11 seorang pemantera, ataupun seorang yang bertanya kepada arwah atau kepada roh peramal atau yang meminta petunjuk kepada orang-orang mati.
18:12 Sebab setiap orang yang melakukan hal-hal ini adalah kekejian bagi TUHAN, dan oleh karena kekejian-kekejian inilah TUHAN, Allahmu, menghalau mereka dari hadapanmu.
18:13 Haruslah engkau hidup dengan tidak bercela di hadapan TUHAN, Allahmu.

Pertenget nandangi perbahanen kalak perbegu
18:9 “Kenca kam seh ku negeri si ibereken TUHAN Dibatandu man bandu, ola ikutken perbahanen-perbahanen si mbau i bas bangsa-bangsa si lit i je.
18:10 Ola persembahken anak-anakndu i bas api i babo batar-batar persembahenndu. Ola pelepas bangsandu ertenndung, ngoge tanda-tanda, ntah mpergunaken mangmang,
18:11 ntah make guna-guna, janah ola pediat ia nungkun man begu kalak si enggo mate.
18:12 Nembeh ate TUHAN Dibatandu man kalak si ngelakoken perbahanen si mbau e. E me pe sabapna maka ipelawesNa bangsa-bangsa e i bas negeri e nari sanga kam ngasak ku je.
18:13 Setialah man TUHAN alu bulat ukurndu.”

Teknologi informasi eme sarana si cukup berkembang paksa enda si melala nampati kita i bas erbage dampar tapi arus itengeti sabab teknologi informasi (TI) banci la siarap mbabai kita ku kuasa gelap (okultisme). Erkiteken si e kita arus pentar makeken sarana teknologi informasi gelah ula sempat ceda hubungen i bas jabu. Sada hubungen banci ceda bahkan putus adi la lit kesetiaan, erkiteken setia emekap sada sikap sincidanken kengasupen mempertahanken ras njagai padan si enggo ibelasken. Bagi padan si enggo ibelasken perbulangen ras ndehara i bas jabu adi ilanggar aminna i bas perkara si kitik banci ncedai jabu e. Erkiteken bage pentingna kesetiaan e sabab berdampak kel kubas kegeluhen manusia maka Musa pe ngingetken man bangsa Israel uga carana njagai hubungenna ras Dibata, arah ogenta i bas kitab Ulangen si isina eme khotbah Musa man bangsa Israel si erkemah i Moab nggo petala tala ras kota Jerikho janah ersikap guna bengket ku taneh perpadanen eme taneh Kanaan. Bagin ogenta enda emekap penjabaren i bas bagin sepuluh perentah Dibata (bdk. Ul. 5:6-10). Kata pertenget enda ibereken Musa man bangsa e segelah bangsa Israel la ngelakoken penembahen man berhala kalak Kanaan, lit piga piga hal siipeseh Musa:

  • Musa ngingetken man bangsa e maka Dibata nge si mereken negeri e man bana (ay. 9), alu bage bangsa e arus patuh man Dibata.
  • Segelah bangsa e la ngikutken perbahanen si mbau si lit i bas bangsa e, siimaksud Musa perbahanen si mbau emekap:
    • Mpersembahkеn anak-anak i babo batar-batar persembahan (salah sada tradisi keagamaan kalak Kanaan emekap bentuk pemujaan Molokh guna masa depan si ersembah e.)
    • Ola pelepas ertendung (meramal masa depan alu penampat kuasa kegelapen), ngoge tanda tanda (ngoge nasib ntah masa depan arah barang ntah pe kejadin tertentu alu penampat kuasa kegelapen), ntah mpergunaken mangmang (makeken mantra), make guna guna, bage pe ola nungkun man begu kalak si enggo mate. Kerina kegiaten enda banci erbahanca bangsa enda nadingken Tuhan, janah lanai nginget uga perkuah ate Tuhan mabai ia ndarat i taneh Mesir nari, erdalan 40 tahun ku taneh Kanaan janah bengket ku taneh si dem alu dadih ras tengguli.
  • I bas ayat 12 ikataken maka nembeh ate Tuhan man kerina kalak singelakoken perbahanen e. Kerina dahin e ciga ate Tuhan (Rel. 20:5) emaka i bas ayat 12b itegasken maka bangsa si deban singiani kuta e pe ipelawes Tuhan i bas kuta na nari erkiteken perbahanenna nembah man gana-gana e, janah ate Tuhan mereken dalan man bangsa Israel mulihi jadi bangsa si ersembah man baNa alu mabai ia ku taneh Kanaan
  • Ayat 13, enda pengajuk guna banci mbentengi bangsa e i bas kerina penembahen e. Enda jadi perentah man bangsa e gelah hubungenna ras Tuhan tetap mehuli teridah i bas kesetiaan nembah man Dibata alu bulat ukur, janah la mereken kesempaten i bas kegeluhenna nandangi kuasa kegelapen.

“Okultisme” emekap kepercayaan nandangi kuasa kegelapen ntah pe tek nandangi pemeteh-pemeteh siterbuni. Emaka kai siituriken ras siilarang Musa i bas bahan ogenta emekap bentuk praktek Okultisme. Kepeken praktek okultisme nai nari enggo lit, bahkan piga-piga bagin pustaka termasuk bahanta enda pe nuduhken maka praktek okultisme e enggo lit janah bangsa Israel pe enggo ngalaken si e kerina i sekelewetna. Guna ndalani kegeluhen simbaru sebagai bangsa si bebas bangsa Israel arus nulak perbahanen e kerina sabab perbahanen enda banci naban bangsa e mulihi kubas dosa si banci ngiket ia kubas kiniseran si mesangat. Alu bage banci siidah maka selaku kalak si tek man Tuhan kita pe arus nulak perbahanen e kerina sabab ulihna banci ncedai hubungenta ras Dibata, erbahanca kita sirang ras Dibata seh maka lanai kita ngasup nggejapken kuasa Dibata si nggo mbebasken kita.

I bas zaman modern gundari enda, ija generasita ikataken “generasi alpha” emekap generasi si tubuh mulai tahun 2010 janah enda me generasi si paling terpelajar. Tapi tetap denga tek nandangi praktek Okultisme bahkan TI si berkembang genduari pe ikut mendukung jadi sarana praktek okultisme. Enda banci siidah arah: media sosial, facebook si menawarken aplikasi aplikasi ramalen/prediksi i bas tahun tahun si reh singatakenca maka tahun 2021 kita dat “mobil mewah”, “rumah mewah”, teman geluh, anak dilaki/diberu, pekerjaan yang baik janah keuangenta i bas bank ikatakenna melebihi standar pengalonta janah enda kerina enggo jadi keriahen man banta asangken ngorati kata Dibata.

I bas media sosial pe melala ibahan iklan-iklan penawaren jasa paranormal, peramal, guru mbelin si banci nampati persoalen geluhta. I bas TV e lit tonton berbau gaib contoh: dunia lain, Roy Kiyoshi/ karma, tukul jalan-jalan, percaya gak percaya ras si debanna. Tanpa sisadari arah ngikuti aplikasi ras nonton acara e pikirenta ras pe cara pandangta nggo ibabaina dingen ikuasai kegelapen. Seh maka riahen dingen tutusen ateta nonton ras make aplikasi e asangken lawes kebaktin ras ngoge Pustaka Si Badia. Piah pengerana, perukuren ras perbahanenta nggo ndempar i bas kata Dibata nari janah ibabai me kita kubas perukuren ras sura sura kuasa kegelapen arah kerina media e. Seh maka lanai kita setia man Tuhan, hubunganta ras Tuhan icedai alu teknologi si lit kawitenna ras okultisme. Emaka selaku perpulungen Tuhan kita megermet bagi siikataken Musa, sijagai hubungenta ras Tuhan ola kita nggit ibabai teknologi si lit kawitenna ras okultisme (ramalen, jasa paranormal/guru belin modern) segelah ula siakap erkiteken ulih ramalen teknologi sierbahanca kita ndatken kai pe dingen mejuah-juah tapi sisadarilah maka Dibata nge simereken kerina ku bas geluhta.

EVALUASI :
Kai dage bentuk dukungenndu si enggo dalankenndu nandang Pertua, Diakenta?

DISKUSI:

  1. Uga nge pengangkanta kerna Tl ras praktek okultsime sue ras bahan ogenta?
  2. Kai nge arus silakoken gelah kita ula teriket i bas praktek okultisme modern?

AKSI:
Sitotokenlah entah lit kita entah keluarganta pernah ipengaruhi praktek okultisme paksa enda.

USULEN LAGU:

  1. KEE. 187 – Gegeh Kuasa Kesah Si Badia
  2. KEE. 168 – Tegu Aku O Tuhanku
  3. KEE. 360 – Ibas Tuhan Aku Megegeh
  4. KEE. 273 – Ingetlah Min Gelar Yesus

TOPIK PERTOTON SYAFAAT:

  1. Gelah ngawan perpulungen geluh setia man Tuhan.
  2. Gelah ngasup pentar make Ti la ikut i bas okultisme.

Pdt. Maria Endamalem br Sitepu, S.Th.