MERE ERPALASKEN KAI SI LIT IBAS KITA
2 KORINTUS 8:12-15
8:12 Sebab jika kamu rela untuk memberi, maka pemberianmu akan diterima, kalau pemberianmu itu berdasarkan apa yang ada padamu, bukan berdasarkan apa yang tidak ada padamu.
8:13 Sebab kamu dibebani bukanlah supaya orang-orang lain mendapat keringanan, tetapi supaya ada keseimbangan.
8:14 Maka hendaklah sekarang ini kelebihan kamu mencukupkan kekurangan mereka, agar kelebihan mereka kemudian mencukupkan kekurangan kamu, supaya ada keseimbangan.
8:15 Seperti ada tertulis: “Orang yang mengumpulkan banyak, tidak kelebihan dan orang yang mengumpulkan sedikit, tidak kekurangan.”
Nina kalak pentar, “madin mere asangken ngalo”. Amin bage pe kepeken riahen nge iakap kalak rusur ngalo asangken mere.Mari si sungkun pusuhta, me lit nge per bagidina? sitatap ka sekeleweta pe bage. Janah si enda megati mpeturah la siangkan ibas perpulungen kalak si tek. Sabab megati si man sampaten e la ka reh-reh, mekisat, lit ka perdegilna. Sienda kedungenna pengurus ntah pe Pertua Diaken iakap kurang dahin ntah pe iakap rayo-ayo. Enda nuriken maka megati adi ibas mpepulung ras erbagi iarapke seimbang. Arah enda banci ikataken maka teremen denga nge kita langa ngasup mere alu meriah ukur man kalak sideban.
Kecibal sibagenda kepe teridah man Paulus ibas perpulungen Korinti ija langa nggeluh ibassa semangat mere ras nampati. Erkiteken sie isehken Paulus suratna man perpulungen e kuga arusna ia reh belinna ibas keniteken dingen ulihna eme ngasup mere ras nampati. Ibas benana ibas Korinti 8 enda iturikenna kerna kegeluhen perpulungen Makedonia. Perpulungen e enggo ngasup nampati, mere man perpulungen i Judea, amin Makedonia sangana ngenanami kiniseran si mesangat. Enda ndauhkal ras kecibal perpulungen Korinti si bayak. Amin bage gia, perpulungen Makedonia mpebelin biak ras orat geluhna si ngasup mere selaku kalak si tek. Mere alu melumbar si palasna kiniteken.
Paulus “memotivasi” perpulungen Korinti gelah ngasup ras nggit mere ras nampati. Sienda ipalasi sura-sura, ukur meriah dingen pengataken bujur man Tuhan. Guna nehi sie lit piga-piga hal siisingetken gelah payo palas ras pengangkanna kerna mere enda.
- Mere alu pusuh, eme nggit erbagi ibas kiniteken, asa kai pe e pasti ialoken Dibata erpalasken kai si lit ibas kita
- Mere man kalak sideban ertina kita enggo mpenahangi babanna alu la nambahi babanta.
- Sienda kerina ncidahken, keseimbangen, ibas kelebihen ras kekurangen kita sisampat-sampaten, desken “bejana paralel” si melala pe isina la tungkas, si kitik la muas.
- Mere ras ngalo pegancihen, amin labo ibas kalak si ngalo ibas kita nari sialoken ka pemere e, sada ras sidebanna sikuhen.
Paulus, alu ngutip Kitab Keluaran 16:18. tole ngataken maka kalak simpepulung mbue la kelebihen janah si mpepulung sitik la kekurangen. Alu bage kai kin ertina nggeluh adi la erguna ras ernanam man kalak sideban. Sabab melala ntah sitik seri nanamna adi ngasup kita ngataken bujur man Tuhan. Si penting e me, kai si lit ibas kita e banci erbahan meriah ukurta apai ka adi kita mere, kalak singalokenca pe seh kal riahna ukurna. Mari si siksiki dirinta, kai silit ibas kita dingen kai si banci si idarat dirinta, kai si iperlukenna dingen kai si banci si bere man bana. Banci saja sedekah enda, perayakenta guna dirinta saja tapi gundari iajuk guna ngukurken kalak si deban.
Mari sipebeln ibas dirinta semangat mere dingen njadiken kengasupen mere alu melumbar jadi biakta, alu bage kita reh belinna seh erbuah. Pusuhta ersuruh nampati kalak si merlukenca. Ukurta ergiah-giah ibas mere man kalak. La sitik kalak si biasa ibas kegeluhen, labo melala kiniliten banci ibas kekurangen epe ngasup mere alu ukur meriah. Usihlah sie!
Bayak, labo asakai buena si lit ibas kita.
Tapi kuga buena kita ngasup mbagikenca.
EVALUASI:
Kai nge tantangen ibas kita ngaloken aksi minggu si lewat? Turikenlah!
DISKUSI:
- Kai nge si jadi ibas perpulungen Kointi maka ndauh kal ia tading ibas kengasupen nampato ibandingken perpulungen Makedonia (baca 2 Kor 8:1-5)? Turikenlah!
- Siksiki dirinta, sedekah enda kuga kita ibas mere dingen kai ngenda si perlu tole si pebelin ibas dirinta gelah ngasup mere ras nampati. Turikenlah!
AKSI:
Aksi segantang beras ilakoken: Tep-tep jabu mpersembahekn segantang beras (minimal segantang bereas ntah iperduitken) ipepulung ibas tep-tep sektor, iendesken ku Diakonia Runggun, Diakonia Runggun ngendeskenca man kalak si enggo itentuken (ulih percakapen ibas runggun) ngalokenca (anggota ngawan si lit ibas kiniseran/man sampaten). Iarapken kerina aksi enda ilakoken.
USULEN LAGU:
1. KEE GBKP NO 282 : 1 – 3
2. KEE GBKP NO 16 : 1,2
3. KEE GBKP NO 420 : 1- dst
4. KEE GBKP NO 181:1,3
TOPIK DOA SYAFAAT:
1. Notoken perpulungen gelah mpebelin perhatinna nandangi sekelewat dingen ngasup mere alu melumbar
2. Notoken perpulungen gelah ngasup sisampat-sampaten
3. Siturah ibas perpulungen
Pdt. Sunita br. Sinulingga, M.Th